تويت
[frame="12 85"] العيد سعيد !
مساء الخير يا جماعة الخير
كيفكم ان شاء الله امسيتو براحه ورضا ؟
العيد هياتو ع الباب ، كل عام وانتوا وكل اهلكم وأحبابكم بالخير
عم بنودع هالشهر الفضيل ، وما بعرف ان كنا حنعيش لنستغل هالفرصه للرحمه والمغفره والعتق من النار السنه الجاي ولا حيكون ربنا اخد امانتو
الله يرحمنا كلنا برحمتو
اللي بدي احكيه ،
انو لازم نفرح بالعيد أكيد
بس بدي اوصي حالي واوصيكم نفرح باعتدال !
وما نتذمر بهالعيد انو ما لئينا لبسه ع مزاجنا ،
ولا مشوار حلو مع حصابنا
ولا العيديه ئليله وبدنا اكتر تنطش عرواء وبحبحه
بدي نتذكر انو في ناس مو لائيه اساسا لا لبس ولا لؤمه ولا عيد من اساسو
نتزكر من هالناس بالذات : فئة الأطفال خاصه
وكبار السن
في اطفال يوم العيد بالنسبالهم متلو متل اي يوم تاني
يوم للشغل
يوم للف بالشوارع ع المزابل يدورو بلكي حد رامي شي هنن بيستفيدو منو
نتزكر هالأطفال
ونتزكر اطفال بغزه هالعيد حيمرؤ عليهم بندون اب وام واخوه
نتزكر اطفال بيمر عليهم العيد وناس من اهلهم بيعتدو عليهم كان بالضرب
ولا بالاعتداءات الجنسيه
ولا حتى باهمالهم ووضعهم بغرفه لحالهم كنهم فقط برواز بحياتهم
نتزكرهم ونفرح باعتدال
بدي نتزكر بهالعيد كبار السن
اللي بهالشوارع بيشحدو
ولا ببيوتهم مستورين بس ما حد سائل فيهم
ولادهم تركوهم ونسيوهم
بتذكر مره كنت رايحه ع الشغل
بالعبدلي
صفينا السياره بالكراج ورا العماره وكان بدري كتير الصبحيات
برفع راسي عن شنتت الئيد احطها عكتفي اجت عيوني عمنظر ولا بعمري بنساه عنجد
رجال كبيــــــــــــــــــــــ ــــــــر نص جسمو بالحاويه ولابس كفوف والف ؤطعة ملابس منشان يدفا
بس كل ؤطعه ممزوعه ومزعتها مبينه من تحت الؤطعه اللي فوئها
فمشيت لعندو أعطيه اللي فيه النصيب
بكل هبلي وسوء تقديري
ولا هو ولا تطلع بوجهي حتن
بس سمعتو بحكي من ورا حطه لافها على تمو : الله معك عمي انا مش شحاد
ومشي وتركني مزروعه بالأرض ولا عرفت اتحرك
لزيادة الطين بله
اختارت قطه بهاللحظه تمشي وراه
وين الكارثه كانت ؟
انو الرجال بيعرج
والؤطه هاي اللي مشت وراه كانت بتعرج !!
نفس العرجه يا جماعه اقسم بالله !!
انسان ، وحيوان
من نفس المكان تسهلو ؤدامي
وبيعرجو نفس العرج
وكانوا بيئلبو عرزئهم من نفس المكان : الحاويه !!
خلينا نتزكر هالختايره وهالأطفال
ونحمد الله كتير كتير
ونفرح بالعيد بكل قناعه انو نحنا بألف خير الحمد لله
شو ما كانت همومنا
نحمد الله في غيرنا حالهم الف مره اسوأ من حالنا
نتزكر هالناس
ونروح نعيد على حبايبنا واقاربنا ونبوس ئيدين ختايرتنا الله يخليهم لو عايشين
ونراعي اطفالنا ونخصص الهم من وئتنا
ونعتدل بفرحتنا
نعتدل بتناولنا كل حياتنا
حتى العيد
ومني بحكيلكم يا رب كل عيد وانتوا بألف خير
واعتدال
عيدكم مبارك :[/frame]
مساء الخير يا جماعة الخير
كيفكم ان شاء الله امسيتو براحه ورضا ؟
العيد هياتو ع الباب ، كل عام وانتوا وكل اهلكم وأحبابكم بالخير
عم بنودع هالشهر الفضيل ، وما بعرف ان كنا حنعيش لنستغل هالفرصه للرحمه والمغفره والعتق من النار السنه الجاي ولا حيكون ربنا اخد امانتو
الله يرحمنا كلنا برحمتو
اللي بدي احكيه ،
انو لازم نفرح بالعيد أكيد
بس بدي اوصي حالي واوصيكم نفرح باعتدال !
وما نتذمر بهالعيد انو ما لئينا لبسه ع مزاجنا ،
ولا مشوار حلو مع حصابنا
ولا العيديه ئليله وبدنا اكتر تنطش عرواء وبحبحه
بدي نتذكر انو في ناس مو لائيه اساسا لا لبس ولا لؤمه ولا عيد من اساسو
نتزكر من هالناس بالذات : فئة الأطفال خاصه
وكبار السن
في اطفال يوم العيد بالنسبالهم متلو متل اي يوم تاني
يوم للشغل
يوم للف بالشوارع ع المزابل يدورو بلكي حد رامي شي هنن بيستفيدو منو
نتزكر هالأطفال
ونتزكر اطفال بغزه هالعيد حيمرؤ عليهم بندون اب وام واخوه
نتزكر اطفال بيمر عليهم العيد وناس من اهلهم بيعتدو عليهم كان بالضرب
ولا بالاعتداءات الجنسيه
ولا حتى باهمالهم ووضعهم بغرفه لحالهم كنهم فقط برواز بحياتهم
نتزكرهم ونفرح باعتدال
بدي نتزكر بهالعيد كبار السن
اللي بهالشوارع بيشحدو
ولا ببيوتهم مستورين بس ما حد سائل فيهم
ولادهم تركوهم ونسيوهم
بتذكر مره كنت رايحه ع الشغل
بالعبدلي
صفينا السياره بالكراج ورا العماره وكان بدري كتير الصبحيات
برفع راسي عن شنتت الئيد احطها عكتفي اجت عيوني عمنظر ولا بعمري بنساه عنجد
رجال كبيــــــــــــــــــــــ ــــــــر نص جسمو بالحاويه ولابس كفوف والف ؤطعة ملابس منشان يدفا
بس كل ؤطعه ممزوعه ومزعتها مبينه من تحت الؤطعه اللي فوئها
فمشيت لعندو أعطيه اللي فيه النصيب
بكل هبلي وسوء تقديري
ولا هو ولا تطلع بوجهي حتن
بس سمعتو بحكي من ورا حطه لافها على تمو : الله معك عمي انا مش شحاد
ومشي وتركني مزروعه بالأرض ولا عرفت اتحرك
لزيادة الطين بله
اختارت قطه بهاللحظه تمشي وراه
وين الكارثه كانت ؟
انو الرجال بيعرج
والؤطه هاي اللي مشت وراه كانت بتعرج !!
نفس العرجه يا جماعه اقسم بالله !!
انسان ، وحيوان
من نفس المكان تسهلو ؤدامي
وبيعرجو نفس العرج
وكانوا بيئلبو عرزئهم من نفس المكان : الحاويه !!
خلينا نتزكر هالختايره وهالأطفال
ونحمد الله كتير كتير
ونفرح بالعيد بكل قناعه انو نحنا بألف خير الحمد لله
شو ما كانت همومنا
نحمد الله في غيرنا حالهم الف مره اسوأ من حالنا
نتزكر هالناس
ونروح نعيد على حبايبنا واقاربنا ونبوس ئيدين ختايرتنا الله يخليهم لو عايشين
ونراعي اطفالنا ونخصص الهم من وئتنا
ونعتدل بفرحتنا
نعتدل بتناولنا كل حياتنا
حتى العيد
ومني بحكيلكم يا رب كل عيد وانتوا بألف خير
واعتدال
عيدكم مبارك :
تعليق