السلام عليكم ورحمه الله وبركاته
اخوانى واخواتى
بعد التحية
هذه اول مشاركة ليا فى منتداكم الكريم وان شاء الله مش حاتكون الاخيرة
انا جيت هنا بناء على توصية من صديق واخ فاضل قال لى ان اى مشاكل تتعلق ببرنامج الاوتو بلاى والتجميعات سوف تجد لها حلا باذن الله اولا وبمساعدة منتداكم الكريم ثانيا
واتمنى من الله انى اتعلم واقدر افيد واستفاد فا العلم بحر واسع ليه له نهاية

الحقيقة انا بقابل مشاكل بمشروع اوتو بلاى للبرنامج وخاصة ان دة اول استخدام ليا للبرنامج مع انى عارف انه بقاله فترة كبيرة منتشر
ومشاكلى تتعلق بالمرحلة الاخيرة وهى البناء فارجو منكم المساعدة وان لم يستطع احد فلكم منى كل شكر على تعبكم وجهدكم وربنا يبارك فيكم جميعا
اول مشاكلى وهى كانت على النحو التالى

بعد عمل التجميعة وبنائها بملف exe التجميعة مش راضية تشتغل وبتجيلى الرسالة دى



اولا الويندوز بتاعى x64 والعملية كلها تمت عليه
فهل معنى الرسالة دى انها مش حاتشتغل غير على ويندوز 32
ولا لازم البناء يكون على ويندوز 32
ولا اصلا انا فاهم غلط ودى مشكلة تانية خالص

ولكن بعد عمل اعادة تشغيل اختفت هذه الرسالة وظهرت مشاكل اخرى ولكن انا حبيت احطكم فى الصورة من البداية

ثانيا بعد عمل اعادة تشغيل وعادة البناء مرة اخرى البناء وصل لمرحلة كبيرة ولكنه توقف وجاتلى الرسالة دى



الحقيقة تصورت ان المشكلة فى عدم وجود برنامج winzip لانى بستعمل برنامج winrar وبرنامج 7zip ولكن انا حملت البرنامج وسطبته ولكن واجهتنى نفس المشكلة
وفى اعتقادى ان دة لانى بعتمد على وجود فولدرات داخل التجميعة وبمعنى اوضح داخل فولدر Docs
وعلشان كدة قررت انى اعمل التجميعة بملف ايزو iso ولكن انا عارف ان بكدة مفيهاش اى نوع من الحماية
طبعا حاتسالونى وتقولولى طيب مدام كدة انت بتقولنا على المشكلة ليه .. طبعا انا اتمنى وجود حل ولكن فى حال قدر الله ان مش لقيت حل فا مضطر انى اعملها ايزو نظروا لان اسطوانة البرامج اللى بعملها بتحتوى على فولدرات كتير وفى غاية الاهمية بالنسبة لى

ثالثا بقى هل هناك حماية على الاسطوانة لو كانت بملف ايزو ؟
الحقيقة من فترة نزلت اسطوانة برامج وقولت اعمل فيها فتك وافك الضغط عن الاسطوانة ولكن لما فكت لقيت ملفين حجمهم صغير جدا مع العلم ان الاسطوانة كانت حوالى 3 جيجا وكانت ايزو وساعتها عرفت ان صاحبها عامل حساب اليوم اللى يجى فيه واحد زى حالاتى ويحب يصتنصح عليه


رابعا بقى هى تغير ايقونة الاسطوانة لان الاسطوانة حجمها داخل على 6 جيجا ولما بغيرها بالطريقة المعتادة من داخل البرنامج مش بتتغير وسمعت ان لو الاسطوانة حجمها زاد عن حد معين مش بتظهر الايقونة ولكن فى نفس الوقت لقيت ان فى طريقة لتغير ايقونة التجميعة الصفرا عن طريق برنامج ولكن انا مش لاقى البرنامج دة خالص فهل من طريقة لتغير ايقونة البرنامج

طولت عليكم جدااااا انا عارف سامحونى ولكن اتمنى انى اكون عرضت المشكلة بطريقة صح وخصوصا ان دى اول مشاركة ليا فى منتداكم الكريم
وجزاكم الله كل خير واتمنى من الله اولا ومنكم ثانيا ان اجد حلول لهذه المشاكل واللى ان شاء الله تكون مشاكل تافهه بالنسبة ليكم وانا واثق فى كدة
و