صوت المرأة عورة ..... وفي حالة انه تحرش واحد في بنت طبعا هذا واحد فاضي موشغلته الا الركض وراء البنات اقترح انها ماتلقيه وجه واتطنشه ومرده راح يتفشل ويمشي ابحال سبيله او انها تستغفر ربها جدامه وبصوت يسمعه اهو والزمرة اللي معاه مو الدنيا كلها وتذكره انه عنده خوات اكيد وما اعتقد انه فيه واحد يرضي الشباب يتحرشون باخته ،

ابي اقول موقف شفتهفي احد المجمعات وعمري ماراح انساه... كانت فيه وحده تبي تدخل الجمعية حالها حال الخلق وعند باب الجمعية كان فيه مجموعه من الشباب يضحكون على كل الماره ويعلقون على كل سواده تمر ....المهم قام واحد فيهم يعلق على المراة اللي مرت صوبهم وارتفع صوته علشان تسمع الكلام اللي يفشل ولكنننننن وربكم ما خلته ولكن موبصراخ بكلام يدل على سنها وثقلها لانها قالت له عيب عليك الكلام اللي قلته ترى مو مرجلة ولو اختك اللي ماره وشباب علقوا عليها شنو راح يكون ردك الولد طلع كل الالوان اللي بالدنيا من الفشله لان الناس كلهم وقفوا يطالعونه وقالها بكل ادب وبصوت الندم انه مايرضي علي اخته وانه ياسف بقوة على الكلام اللي قاله وبالفعل بدا صوتهم ينخفض وبعدين مشوا باحال سبيلهم ...
صراحة عجبني رد الاخت واستجابة الولد اللي كانت تنم عن ندمه بصدق وانا متاكده ان ربعه شيشوه عليها باسم الجراءة والبطوله .
عسي الله يهدي اعيالنا بنات وبنين ويستر عليهم دوم آمين رب العالمين
مع تحيااااااتي للجميع
(خادم اهل البيت)

السلام عليكم ورحمة الله وبركاتة .
بصراحه أنا قرأت كل التعاليق وما عجبني إلا تعليق الاخ خادم اهل البيت.

وثاني شي تسلمين أختي على الموضوع الحلو

واشارك اختي الجنان الراي في ان البنت اللي عارفة ربها وعارفة حدودها ما راح تسمح لنفسها انها تاخذ وتعطي سواء مع ابن ديرتها أو مع الرجل الغريب لان الاثنين يعدون في حكم الرجال الاجانب

أما البنت اللي عندها استعداد نفسي واخلاقي انها تطقها سوالف مع البائع السوري واللبناني فما أشوف انه فيه شي يمنع من انها تتكلم مع ابن ديرتها الا اذا خافت انه يكون يعرف أهلها ويشهر فيها عندهم فهذا شي ثاني .
تحياااتي