صحايف عمري الماضي بداخلها صور وحروف..
خذت من بعض أيامي ولكن مالها خانه..
اذا راجعت ذاكرتي أكيد من الحروف ألوف..
أنا مثل الشباب اللي بشباب العمر هيمانه..
وعلى قد الذي مر بحياتي واسمعه وأشوف..
احس اني على شط العشق غرقانه..
حياتي قبل مااشوفك ترى كل شيء بها مالوف.
ونفسي من عرفتك في بنود الفكر حيرانه..
اسافر في خيالي وعن مدى حدّك أنا ماطوف..
كأنك أول أفكار الخيال واّخر أوطانه..
وتعكس دنيتي صوره لوجهك والجهات طيوف..
وكل الكون في قلبي فتح للحب احضانه..
ترى لوتعرض لقلبي ملذات الحياة رضوف..
تصدق.. دون شوفتك ماتحرك شي بشجانه..
كأني في فلك حبك وقلبي في مساره يطوف..
غريق الماي واحساسي بعد ها النفس عطشانه..

العاشقة