* في كل صباح ..تحمل العالم يديني
أخبار ..ماّسي.. حروب
أقراها في طي الجريده
قهوتي سكر زياده
والجريده.. أخبارها ساده
* في الزوايه أقرا خبر..
واحد في ألانعاش .. والثاني انتحر..!
وجنبه اعلان:
الليله حفله يحيها فنان!!
وفوقهم مجرم على كتفه حمام..
قالوا:"ذا صانع سلام"
*وبعدها بصفحات . . صورة مدينه
ومباني حزينه..
وحشيه ودمار..
ياحلوها الاخبار..!!
قهوتي سكر زياده..
والجريده.. أخبارها ساده..
* اعلان : ضاعت كلبة فلان.. واللي لقاها له جائزه مليون
اعلان: ملاين البشر من جوعهم يشكون..!
حادث : في تمامالساعه الفاجعه من منتصف الويل.ز
حادث اغتصاب .. طفله يتعدى على عرضها شاب..
والقهر .. ماتعدت الاعوام
والحكم عشرين عام.. وبالتمام
بين قوسين"كلها سنتين وياخذ أفراج"
حسن سيره وسلوك...!
قهوتي سكر زياده
والجريده.. أخبارها ساده
*وبعدها صفحات ملونه..
وحده قرعه.. ماتدرين ليش
كأنها واحد داخل جيش..
والثانيه شتان.. شعرها واقف طويل
تحسبينه انه مهرجان
وفوضه مابعدها فوضه
ولما تنعنت وقريت.. عرفت انها الموضه..
*ابراج .. قلت أنا بقرأ الابراج
يمكن ألقي خبر.. يطيب الخاطر ويعدل لي المزاج
الجوزاء: أنتي مريضه وجايز تموتين..
كذبت احساسي.. وقلت في نفسي..
اكيد أنا ناسيه .. ماهوذا برجي ..
اكيد ذا برج العدو.. قلت أنا بقر"الدلو"
الدلو: يخونك حبيبك مع وحده حلووه ..
قهوتي سكر زياده
والجريده.. أخبارها ساده
*طبقت الجريده مثل ماكانت..وقعدت أدور
وين الذي باعها وين؟!
ولما لقيته.. رديت الجريده
وخذت الريالين!!

العاشقة