*برج الحمل*
لاتركز كل جهدك في العمل...لين تصبح في العمل مثل المطيه!!
كل هالدنيا ترى ماتحتمل ... لاخلت من عطر لحظه عاطفيه

*برج الثور*
فيه واحد دوم عندك في( المسنجر)... نيته قشرا وراعي مصلحه
في يمينه ورد وبيسراه خنجر... فك نفسك منه مّره و( انطحه)

*برج الجوزاء*
جاي لك (ثروه ) وموعود باجازه... واسهمك في الشغل دايم بارتفاع
لكن احذر لاتورّ ط في جوازه... تبتدي (صرعه) وتاليها (صراع)!!
*برج السرطان*
راس مالك صحتك , والناس زيك... مااّحد عاش بسعاده مطلقه
الله يكافيك من هذا(سميك)... حتى اسمه خايفه أنطقه

*برج الأسد*
فوضوي لكن من الداخل مرتّب... ماتناسبك القيوداو الرتابه
كلما ضاقت عليك ارسم وكتّب... والاّ اقول لك روح شكّل عصابه!!

*برج العذراء*
لاتكثر لاغلطت الاعذار... رتب اسئلتك وفكّر بالاجابه
خلّ أوّل همّ تسديد الايجار... والا بكره يطلبونك في النيابه!!

*برج الميزان*
حطّ عشّاقك في كفّتين... وطالع أي الكفّتين المايله
وعامل اللي راجحه كفّته زين... وصاحبه راوه نجوم القايله!!

*برج العقرب*
برجك العقرب وحولك ألف عقرب... وانت تركض في دواير مفرغه
لاتقول لكلّ من يضحك لك ( أقرب)... فيه احد يلدغك لو ماتلدغه!!

*برج القوس *
أكيد تالي الشهر بيجي لك فلوس... يعني تسلّف وانت مرتاح
واذاجرحك بيوم الاثنين دبوس... معناه ذاك اليوم هو سعد فالك!!


*برج الجدي*
مستقبلك باهروعدوانك كثار.. فكرعلى مهل وتعوّذ من ابليس
والاّترىان طاوعت من يشعل النار... بتشيب بيومين أوتنقلب تيس!!

*برج الدلو*
رزقك ميسّر وبرجك برج مائي... بس من بعد الفرج بيجيك ضيق
يعني لاتسوي بها اليومين(طائي)..لاتجي (الراشد) ولاتسلف صديق!!


*برج الحوت*
في علمك أزمه بسيطه وبتفوت... ويمكن يجي لك من صديقك (حواله)
أهم شيء تركد.. ولاتلبس بشوت... واحذر توقع (شيك) أو(كمبياله)