أنا ياسيدي انسان ...وفا في حب من حبه
حسافه كنت لي خوان... وحبك كان لي كذبه
خدعت وقلت أنا هيمان... وانته قلبي تعذبه
تذكريوم أنا ظميان ... وجيتك حالتي صعبه
وأنت فراحتك رويان... وفيدك كأس تلعب به
تصب الماي يا بطران...على أرضي بلاسبه
وتتركني انا عطشان...وقلبي جدار تضربه
ياويلي صرت أنا حيران... وحارت خطوتي دربه
وصرت اليوم لي سجان... وسجنك لي وسط غبه
سبحت وصرت أنا غرقان...واحس في دنيتي غربه
أحس في داخلي نيران... تزيد وزادت الكربه
أبكي وصار بي شمتان... عجيبه قاسي قلبه
حالت بيننا جدران...واطلب (يالغلا) طلبه
دخيلك عيشني نسيان... خيال كنت تحلم به
ياكذبه في شكل انسان ... طريقي لاتجي قربه