وين انـا رايـح مـدام اللـي هويتـه ماوفـا

ماعطيت الا حياتي ومـا اخـذت الا الاهانـه

وين انا رايح مدام الحـب فـي عيونـه غفـا

وين انا رايـح مـدام القلـب ماقـدر حنانـه

ايه ابي ابكي دام كل النور في وجهـي طفـا

ايه وابي اسئل عن خفوقي ليه غيرتـي مكانـه

افرحي دامك سقيتي الروح فـي سـم الجفـا

واضحكي للعاشق اللي ماعشق مثلـك انسانـه

كل شـي فـي حياتـي لـو عطيتـك ماكفـا

والهوا اللي داخلي صعب ابي ارحل عن زمانه

آآه من خط يثيـر الغيـر فـي طعـن الخطـا

ليا بقى للعاشق المغـرم سـوى غضـة بنانـه

وآآه من جرحـي اللـي كـل ماشفتـك شفـا

وبكل موطن في خفوقي حاجز لك كـل خانـه

صار طيفك فـي عيونـي لا ولايـوم اختفـا

وصرت ارسل في صميم القلب شكره وامتنانه

وصار جرحك مثل طيفك كـل ماغبتـي لفـا

وصرت انا مثل الغريب اللي تغرب عن اوطانه

حرام لامني حضنـت البـرد واهديتـك دفـا

حرام لامنك كسرتـي القلـب واهتـز بكيانـه

بعـد كـل اللـي فعلتـي مـا اقـول الا افـا

دام صار القلب ميـت والهـوا يلبـس اكفانـه

اعذرينـي دام عـذرك مايصـون اللـي عفـا

ويش اسوي لالمحت بنظرتـك كـل الخيانـه




اختكم/بنت الماجد