تويت
المعاكسات.....بالشارع
سلام لكم جميعا أخوتي وخواتي
وش أخباركم عساكم بخير أن شاء الله
أسمحولي أتكلم .. وأعطوني الضوء الأخضر عشان ما أحد يزعل مني .
حنا في زمن .. واعي ومثقف وجامعي وزمن الجهل والتخلف مضى؟؟ لكن اللي نشوفه بالشارع يوميا يبين لنا بأن التخلف مازال موجود في عقول بعضنا؟؟ وعدم التمسك بقيمنا ومبائنا بدينا وشريعتنا يجعلهم يسمحون لأنفسهم بعمل أي شي وبدون رادع؟؟
الوحده منا ما تحب تطلع من بيتها أو تقضي مشاويرها بنفسها لانها بتكون خايفه من هولاء الشباب اللي ماوراهم الأ التصيد بالشارع ؟ومسرع ما يشوف عباءة سوده الا و(( شال عليه)) وطار ورائها.. ويظل لك يسمعها الكلام الفاضي ويقطط عليها أرقام رخيصة؟؟ ويلاحقها من مكان الى مكان؟؟ ويضايقها ويمكن يلفت أنتباه الناس لهم ويشكون بالبنت أنها تعرفه والا ما كان لاحقها؟ ويشوه سمعة البنت من ما كان؟؟ ليش حنا الوحده منا عشان تطلع من البيت لازم تحمل معاها (( كلص)) والله ما تروح.. ما تتحرك..والقهر وحتى والوحده بسيارتها يلاحقونه الى أي مكان توصل لعملها للجامعة ....لاي مكان .. وما يهمه أنها حلوه والله جيكره ما يشغله هذا الشي بقدر ما يشوف ان اللي امامه بنت وخلاص..
انت ما تخاف على أختك تتعرض لنفس الموقف..ما تستحي وانت تلاحق بنت ديرتك .. وتشوه سمعتها وما فكرت بان اللي كاعد تسويه سوالف رخيصة ..أن دلت أنما تدل على رخص عقل صاحبها؟؟ وعدم التزامه بالدين؟؟ والله هي عنتره ورجوله صبيانية على الفاضي تعالوا شوفوني أنا رجال وكبرت والبنات تلاحقني؟ وأقدرأكص على بنات وايد؟؟
وين الايمان ..وين الثقافه.. أي علم اللي تتعلمه وأنت تمارس هذه التفاهات؟؟ وتشوه سمعة بنات الناس وتوضع نفسك موضع (( الأركوز)) اللي يسخر ويضحك على روحه قبل الغير.
ولا يقول لي بعضكم ان عهد المعاكسات مضى؟؟لالا ما راح ؟؟ ومازلنا نعاني منه حتى اليوم؟؟ وأنا عن نفسي أحصل هذه المواقف بكل مشوار أطلع له؟؟ ولا يقول بعضكم أنا الفتاة المتحشمة والمهذبة اللباس والمظهر ما حد يلاحقها؟؟ لالالا .. ماكلنا محجبات وملتزمات ومستورات وبكامل حشيمتنا؟؟ لكن ... نحصل المضايقات بكل وقت؟؟ لالالا والقهر موب الشباب لصغار بالسن والمراهقين هم اللي يقومون بهذه الاعمال؟؟ لالا .. نشوف ناس بعمر الثلاثينات وبسيارتهم وكشختهم وهم يقومون بنفس المضايقات؟؟
وش نقول مانبي يكون كلامنا (( أذان بخرابه)) وودنا أخوانا طبعا الكلام موب للجميع .. تكون عندكم غيره وخوف من الله على بنات الناس؟؟ والله يهديهم ويهدينا معاهم ... وينور بصيرتنا بالعلم والايمان ويقينا شرور أنفسنا...
وقبل ما أختم أحب أقول أن فينا شباب ملتزمين ومومنين ومثقفين وواعين .. ونفتخر فيهم بعد
وسامحوني
تحياتي
سلام لكم جميعا أخوتي وخواتي
وش أخباركم عساكم بخير أن شاء الله
أسمحولي أتكلم .. وأعطوني الضوء الأخضر عشان ما أحد يزعل مني .
حنا في زمن .. واعي ومثقف وجامعي وزمن الجهل والتخلف مضى؟؟ لكن اللي نشوفه بالشارع يوميا يبين لنا بأن التخلف مازال موجود في عقول بعضنا؟؟ وعدم التمسك بقيمنا ومبائنا بدينا وشريعتنا يجعلهم يسمحون لأنفسهم بعمل أي شي وبدون رادع؟؟
الوحده منا ما تحب تطلع من بيتها أو تقضي مشاويرها بنفسها لانها بتكون خايفه من هولاء الشباب اللي ماوراهم الأ التصيد بالشارع ؟ومسرع ما يشوف عباءة سوده الا و(( شال عليه)) وطار ورائها.. ويظل لك يسمعها الكلام الفاضي ويقطط عليها أرقام رخيصة؟؟ ويلاحقها من مكان الى مكان؟؟ ويضايقها ويمكن يلفت أنتباه الناس لهم ويشكون بالبنت أنها تعرفه والا ما كان لاحقها؟ ويشوه سمعة البنت من ما كان؟؟ ليش حنا الوحده منا عشان تطلع من البيت لازم تحمل معاها (( كلص)) والله ما تروح.. ما تتحرك..والقهر وحتى والوحده بسيارتها يلاحقونه الى أي مكان توصل لعملها للجامعة ....لاي مكان .. وما يهمه أنها حلوه والله جيكره ما يشغله هذا الشي بقدر ما يشوف ان اللي امامه بنت وخلاص..
انت ما تخاف على أختك تتعرض لنفس الموقف..ما تستحي وانت تلاحق بنت ديرتك .. وتشوه سمعتها وما فكرت بان اللي كاعد تسويه سوالف رخيصة ..أن دلت أنما تدل على رخص عقل صاحبها؟؟ وعدم التزامه بالدين؟؟ والله هي عنتره ورجوله صبيانية على الفاضي تعالوا شوفوني أنا رجال وكبرت والبنات تلاحقني؟ وأقدرأكص على بنات وايد؟؟
وين الايمان ..وين الثقافه.. أي علم اللي تتعلمه وأنت تمارس هذه التفاهات؟؟ وتشوه سمعة بنات الناس وتوضع نفسك موضع (( الأركوز)) اللي يسخر ويضحك على روحه قبل الغير.
ولا يقول لي بعضكم ان عهد المعاكسات مضى؟؟لالا ما راح ؟؟ ومازلنا نعاني منه حتى اليوم؟؟ وأنا عن نفسي أحصل هذه المواقف بكل مشوار أطلع له؟؟ ولا يقول بعضكم أنا الفتاة المتحشمة والمهذبة اللباس والمظهر ما حد يلاحقها؟؟ لالالا .. ماكلنا محجبات وملتزمات ومستورات وبكامل حشيمتنا؟؟ لكن ... نحصل المضايقات بكل وقت؟؟ لالالا والقهر موب الشباب لصغار بالسن والمراهقين هم اللي يقومون بهذه الاعمال؟؟ لالا .. نشوف ناس بعمر الثلاثينات وبسيارتهم وكشختهم وهم يقومون بنفس المضايقات؟؟
وش نقول مانبي يكون كلامنا (( أذان بخرابه)) وودنا أخوانا طبعا الكلام موب للجميع .. تكون عندكم غيره وخوف من الله على بنات الناس؟؟ والله يهديهم ويهدينا معاهم ... وينور بصيرتنا بالعلم والايمان ويقينا شرور أنفسنا...
وقبل ما أختم أحب أقول أن فينا شباب ملتزمين ومومنين ومثقفين وواعين .. ونفتخر فيهم بعد
وسامحوني
تحياتي
تعليق