فسر على كيفك هرجْ حكيته
** غامض تناقض فـيـه كل الــمـعـانـي

اقول انا احبك وهجرك قـويـتـه
**اقـول انـا بـنـسـاك وانـت الامــانـي

دام الـغـدر بـوسط قلبك لقيته
**يـنـعـاف قـلـبْ ان خـذا مــاعـطـانـي

درب نصحتك منه لكن مشيته
** تـونـي تدريت انـك بـطـبـعـك انـانـي

شربت من حبك ولا ارتـويـتـه
**اسقيتني حـبـك وغـدرك سـقـانـي

كافي شجن وهم معك حيته
** تبي الحقيقة بـعـدك اعـيش هاني

لاتقول انا الغالي اللي هويته
** لاتشرح ظروفك بـكلـمـة اعـــانــي

نسيت وعـدْ بيننا مـا وفـيـتـه
**ماسمع كلام الناس قاصي وداني

دور هوى غيـري واذا لـقـيـتـه
**رح في طريقك وانا لي درب ثاني

خلاصة المعنى حبك نسيته
**وقلبْ يخون انساه ولـو مـانساني
العاشقة