تدافع يمك المخلوق
وشوف جفوفك مشرعه
وكل زاير دنه الشباك
يمك يذرف الدمعه
وكل دمعه التكع للكاع
تخضر للشرف نبعه
وفت ربعك يبو السجاد
امن اجتك ليله الجمعه
تصيح حسين وين حسين
حته لشخصك اتبعه

اولنك من وره الشباك على
متون اليطوف تحوم الخلعه
اوكل زاير جسيته بثوب لحد
يوم القيامه يكول ما نزعه
يضل حبك يغذي كلوب اوتضل
سور الامان وللدخل قلعه
اومن طاحت عكل للكاع
يمك كل عبيدك ضلت مفرعه
مثل جيدوم ينخه الكوم
ويفزع العشيره وتلتحم ربعه

مفاريع الزلم يحسين فرحانه
بعملهه لباجر اتزرعه
طلعنه بعيد فرحانين لانرضه
البواجي ولابعد ننعه
لان شفنه الضريح يلوح يم
عرش الجليل وربعك مشيعه
يبواليمه البنو امجاد
لعنان الثريا تخلدو تسعه
تره الشريان دم مابيه بس
حبكم وصله وهوه الينفعه

اجسه ولو لكيته ايحيد
اجسمه ارباع وكطعه كطعه
احط اذني على قلبي امرار اذا حسيت
بيه ملعوب وهواكم رايد يضيعه
سبع ضلوع اكصن واوصل السباح
فرض واجب عليه من الجذر شلعه
شلت بيرغ بيوم الكون محد يكدر يرفعه
وشلت طفلك درس للناس
وسهام المنايه بحضنك ترضعه

وماننسه السهم من جاك
جبدك لازم يقلعه
ولامثلك شخص مهضوم
ثابت وخته التودعه
شمرت الدم لباري الكون
وملايكته اعله هالموكاف مجتمعه
رجف عرش الجليل عليك
وصرخ جبريل ونته تنازع تسمعه
فزت يحسين هذا اللوح ونته
اول شهيد واسمك نطبعه
مشت وادم وره التصميم وره
الجلمه العنيده الكرهت الطمعه
وره الصوت النده هيهات
هاي ايدي وجذب لعداي متوقعه
ولون قلبك رعيع وخاف
جا شفت الدروب المهرتك وسعه
لجن قلبك ذبح كل الخوف مثل
قلب الصميده الماعرف خرعه
وحق دمك بس دمعه التهل
عليك ضلت للقلب لذعه
وشهر عاشور من يهل تطيح
قلوب فوك الكاع متوجعه
نجيك ازحوف ممنونين وشطول
المسافه وتكبر الذرعه
يضل رب العرش وياك وتضل
ذيج المناره تناطح السبعه