[poem=font=",6,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يا صعب بعد الرجاوي والاماني موت الامال=والله يعين النفوس اللي زمنها مبتليها
غلاي للمهره اللي ما عسفها كل خيال=تبطي وهي باقيه في داخلي بصمة يديها
احيا بها حلم وان مات الامل تبقى على البال=لو قلت انا انساه مع طول الزمن ما عاد فيها
لبيه مانتي بشر عادي ولك قيمه ومنزال=تبختري بين ريضان الحنايا واسكنيها
يسعد صباحٍ فضح ليلك ونورٍ ماله ظلال=ويسعد مسى الكلمه اللي ترتبك في شفتيها
وغمازتينٍ بها الموت الحمر قصاف الاجال=فتنه على روح عاشقها وقلباً مهتويها
الى اقبلت غن ياوجه الزمان بطيبة الفال=وان غيبت لعن ابو من لامني يوم ارتجيها
ياوجد حالي عليها وجد من حدته الاحوال=ويابري حالي من ايامٍ حدتني وتحديها
اي والله انه سكن صدري من الجال للجال=في ديرة ما تبي غيره وهو يامر عليها
عسى الرجاء في وصاله ما يخيب وتحيا الامال=ويطيب جرح النفوس اللي زمنها مبتليها
[/poem]