[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لا جيت ابكتب عن الشعر الوداعيه = وقفت لي يافهد واخلفت نياتي
الشعر مهنه وانا ماني براعيه = انا فقط مهنتي تركيب الابياتي
الناس تكتب لجل ليره وربيه = وانا اكتب اشعور واصفها بكلماتي
عشرين عام وزياده رفقته ليه = الحفه بعد ما نقيه بسكاتي
لو غاب لا من دعيته يسرع الجيه =اضيق واليا حضر بدد معاناتي
اصوره في تصاوير خياليه = وارتبه قبل ما يطلع بكلماتي
لكن حقيقه بصدري عنك مخفيه = اقولها يا فهد واسمع لما ياتي
الشعر لو له مواقيف جنونيه = ما يعتبر حلم في كل اتجاهاتي
وانا لو اعطيت للشعر الاهميه = صدحت باعذب لحونه كل الاوقاتي
لو كان ماله معي روحه ولا جيه =من لي سنه خامله بالحرف ساحاتي
عجزت لكتب عن الشعر الوداعيه = خابت عزومي عن افراقه وهقواتي
[/poem]