نصوص يتيمة

**عبد الله العتيبي** · 18-07-2013, 06:14 AM

رد: نصوص يتيمة

حتى متى الأيام تقسـى علينـا
حتى متى هذي الليالي كئيبة
مـرة نـقـول الـوقـت عـيــا عـلـيـنا
ومــرة نـقـول من الظروف الصعيبة

**عبد الله العتيبي** · 18-07-2013, 06:55 AM

رد: نصوص يتيمة

ليلي سوادٍ تحتويه الغرابيل
وليلك تطارد بسمته فيك الأتراح
انا سعادة ماجنتها المحاصيل
وانت محاصيل السعادة والأفراح
وانا نهاري يشبه لغفوة الليل
وانت مسيانك كما فلق الأصباح

**رياح الوفا** · 18-07-2013, 08:05 PM

رد: نصوص يتيمة

ما جيت للمنتدى لجل الهوى والغرام

ولا جيت ادور صداقه او ادور عشير

جيت اتسلى مع اخواني بكل احترام

اقدر الغير وحضوري عليهم قدير

وافضل الصمت دايم عن كثير الكلام

ماهو تكبر ولا به غير ربي كبير

لاشك طبعي كذا من يوم وقت الفطام

الصمت هو عادتي واشوف انا الصمت خير

**رياح الوفا** · 20-07-2013, 07:13 AM

رد: نصوص يتيمة

ياربي اطلب رضاك ورحمتك يا رحيم

واخاف انا من عقابك يوم وقت الحساب

و حتى ولو كان دربي دايماً بالسليم

احساب النفس لجلك خوفاً من العقاب

ومن لا يخاف انتقامك يا الحليم العظيم

صارت حياته من العصيان هم وعذاب

**عبد الله العتيبي** · 21-07-2013, 07:34 AM

رد: نصوص يتيمة

كلش يهون إلا انت ياعطر الأنسام
قدرك على راسي وقلبي وعيني
لا ترحل وتترك حياتي للأوهام
يكفي زمان الحزن بينك وبيني
انا حياتي عشتها ايام بـ ايام
أجمل تفاصيلة هموم السنيني
والله ماذكر يوم عانقت الاحلام
ولا لمست اصغر حلم في يديني
ما مرني أمسي وانا بيه قدام
لقيت ماضي خاطري محتوني

**رياح الوفا** · 21-07-2013, 08:16 AM

رد: نصوص يتيمة

يحن لك قلبي ويشتاق لك حيل

وسلي النفس الحزينه بطرياك

تسري همومي كل ما يقبل الليل

ويهل دمع العين لا عشت ذكراك

يا شينها الفرقى لياهدت الحيل

تحس ما لك اي قيمه بدنياك

تضحك تجامل وانت كلك غرابيل

تمشي ولحظات الحزن تتبع اخطاك

**عبد الله العتيبي** · 22-07-2013, 12:56 AM

رد: نصوص يتيمة

قلبي على الهم مفتوحة شبابيكه
والجفن أمسى من الدمعات شباك
ثوب الحزن صار لي مدة وانا أحيكه
وألبس تفاصيل حزني يوم ذكراك
مايوم مرت ثواني دون تحريكه
قلب سكن من غلاك بيت طرياك
ياروح كانت أماني وأنصرف شيكه
في وقت ماضي من أحلامي بدنياك
خلي بريق الفرح يكفيك تفريكه
مارد فرحك انتهى ماعاد يبغاك

**عبد الله العتيبي** · 22-07-2013, 04:50 AM

رد: نصوص يتيمة

[align=right]من غربة الفرحة الى حد الأحزان
كن المواجع للجروح السفينة
حاولت دفع موادعة قدر الإمكان
ظني نهايات العواصف سكينة
لكن تبع ظني من البعد بركان
فجر عواطف في ضلوعي دفينة
وبديت في رحلة بلا وجه عنوان
ودعت معها كل ضوء ومدينة!![/align]

**رياح الوفا** · 22-07-2013, 05:49 AM

رد: نصوص يتيمة

يارب ياخالقي ياغافر ذنوبي

احاسب النفس لجل رضاك واكسرها

يا الله طلبتك بأمرك سهل دروبي

وكل الصعايب سألتك لي تيسرها

يارب من زود همي ضاق بي ثوبي

اطلبك رحمة واموري لا تعسرها

**عبد الله العتيبي** · 14-08-2013, 12:36 AM

رد: نصوص يتيمة

ماعندي استعداد تجرح واداوي
والروح ماهي مثل اول تحمل
انا خبير من الزمن وانت هاوي
كمل مع غيري من الناس كمل
الحزن في عيني من الوقت راوي
والهم نثر من السوالف تأمل !!
في دنيتي صارت حياتي حكاوي
تروي نهايات البداية من أول
ماني على طرد المقفي شفاوي
والقلب عن ركب المقفين حول
ارسلت للماضي حتوف الخطاوي
ومشيت في دربن عن الحب شمّل

**رياح الوفا** · 14-08-2013, 05:00 AM

رد: نصوص يتيمة

اتصل بي ياعساني فدوة ن لك / يوم اشوف الرقم قلبي به يهيم

روف يا كل الغلا في قلب خلك / لك ذبحه الشوق والله العظيم

شوقي لصوتك لهمسك إلا كلك / شوق ماهو تو لا والله قديم

التفت لي يا عسى الله ما يعلك / لا تخليني مثل طفل ن يتيم

**عبد الله العتيبي** · 23-08-2013, 12:19 AM

رد: نصوص يتيمة

عمر الأمل مازارني لو بالأحلام
من راح ماشفته مع الدرب عوّد
امشي وحيد وزادي احزان واوهام
وجروح من رجف المواجع تجوّد
في نفسي الغربة لها عدت اعوام
والروح فيها حزن الايام دوّد
ارمي خٌطاي ويرجع الظيم قدام
والشوف من حكم المقادير سوّد

**عبد الله العتيبي** · 15-10-2013, 09:06 AM

رد: نصوص يتيمة

من طلعت الشمس لين ارواحنا طابت
يجيبك الفكر ﻻ رحتي وﻻ غبتي!!
حتى طيور اﻷمل ماعدها هابت
ضباب اﻻحزان ﻻصبح على سبتي

**رياح الوفا** · 25-10-2013, 06:43 AM

رد: نصوص يتيمة

من باعنا ياصاحبي كيف نشريه/ ماهي بعاده نطرد اللي مقفي

الحب ماهو غصب وإلا مشاريه/ واللي حصل لي من غرامك يكفي

اما تجي والبعد تترك طواريه / ولاتروح وتسحب من ....ملفي

احاول اكتم جرح قلبي وداريه / واصبر لو ان الصبر ماهو موفي

**عبد الله العتيبي** · 25-10-2013, 02:49 PM

رد: نصوص يتيمة

غلطة وخبيتها في درج كتماني
وطويت معها حصاد سنين في ليلة

اللي جمعته خيال وجيت له عاني
غيمة مشاعر تلاشت قبل ما احكي له

عنده غدا الليل عمس وفك وجداني
مابين حلم الليالي وقِلة الحيلة

وتمازجت من لهيب الموقف أشجاني
إتسابق حروفي دموعي هماليله

نصوص يتيمة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك