[poem=font="Simplified Arabic,5,white,bold,normal" bkcolor="transparent" bkimage="http://sites.ienajah.com/vb4/images/toolbox/backgrounds/21.gif" border="inset,4,gray" type=2 line=0 align=center use=ex num="0,black"]
آه منك يادموعي ليلة الفرقا نزلتي=والعرب تنظر وتسأل ياترى وشهي المصيبة
الله اكبر ياعيوني كم من الحسرات شلتي= شلتي الحسرات ماهو بالرضا لكن غصيبة
وان صمدتي ياعيوني وان صبرتي واحتملتي=حاربك هم الفراق وخاسر منهو حريبة
ياظروف الوقت حني والله انك قد قتلتي=خافق مجروح وجروحه من الفرقا عطيبة
يالليالي السود فيني وش رميتي وش فعلتي=والله اني ميت ونهايتي صارت قريبة
يالليالي السود بالله ليه فيني ماعدلتي=ليه شبيتي خفوقي ليه زودتي لهيبه
يالمشاعر لونزفتي واحترقتي واشتعلتي=من يفارق له حبيب ودعه مايلتقي به
يالحبيبة في وداعك ليه للونات شلتي=كان ودي ترحلي من دون صوت يالحبيبة
يوم جيتيني بعلمك يوم عندي قد وصلتي=شفت انا بعيونك اثار لدمعات غريبة
اثرها الفرقا دعت لك واثرك انتي ماحتملتي=اثرها الفرقا علينا حكمت سيف الغليبة
قد عطيتك قلبي انا وانتي بقلبي دخلتي=قلت هذا بيتك العامر بقلبي وانزلي به
وانتي بحبك عطيتي وانتي بحبك بذلتي=مير خانتنا ظروف ظالمة جدا صعيبة
والله انك يوم رحتي والله انك قد جعلتي=حالتي مثل المريض اللي يئس منه طبيبة
بعد ما رحتي وغبتي بعدما عني انتقلتي=انتظر موتي يجيني عمر ضايع وش ابي به[/poem]