[poem=font="Simplified Arabic,5,white,bold,normal" bkcolor="transparent" bkimage="http://sites.ienajah.com/vb4/images/toolbox/backgrounds/21.gif" border="inset,5,orangered" type=2 line=0 align=center use=ex num="0,black"]
الديـــــــــــــــــــــ ن والتقسيــــــــــــــــــ ـــــــــــــط
انا يوم ابتدي بابدا بذكر الواحد المنان=ومن يبدا بذكر الله حظه والسعد فاله
ياحظك يالذي مايطلبه بنك ولا ديان=ينام الليل مرتاح ولا اشغل فكره وباله
ولا قفل عليه البيت واغلق دونه البيبان=هرب من وجه ديانه وكل طالب ماله
والا يالعنبوه الدين كم في الناس له سهران=وكم لاجله عزيز ذل وصارت حالته حاله
وكم رجل تمنى لاجل دينه لفة الاكفان=يموت ولا يعيش برحمة الديان واذلاله
اجل وشهي حياة صار فيها الادمي غرقان=بحق الناس مرهون وكل يطلب رياله
وله في كل يوم طالب يطلب وهو زعلان=يحب الخشم واللحية ويرمي تحته عقاله
حياة مالها معنى.. حياة مالها عنوان=حياة خلت العاقل يطيح بغبة هباله
والا يامعشر الاصحاب والصدقان والاخوان=نصيحة لاتجون الدين وتطبون بحباله
عليم الله ماجربه رجل الا غدا ندمان= وجاب الشيب في راسه وكل قال عزى له
ومن ينصحك بالاسلاف والتقصيد هو شيطان=اكلها قبلك وطاح بعناه ولااحد شاله
تمهل واعلم ان الحلم يتحقق على يسران=وخل منافسة غيرك ترى ماهيب لك قاله
ونختم بالصلاة على محمد سيد ماهان=عدد ماهل من مزن بقطر الخير هماله
راجــــــــــــــــــــــ ــــــــــــي الوصـــــــــــــــــــــ ــــــــــــــــل[/poem]