[poem=font="Times New Roman,5,white,bold,normal" bkcolor="transparent" bkimage="http://sites.ienajah.com/vb4/images/toolbox/backgrounds/21.gif" border="groove,7," type=2 line=0 align=center use=ex num="0,black"]
ذكرياتٍ بصدري تشعل الشوق نار= لا ذكرت الزمان اللي مضى وانطوى
جوف صدري تشب النار ليل ونهار= قلبي آنا بجمر النار حرّ انكوى
لا ذكرت الزمان اللي بالأحوال دار= لا ذكرت الزمان اللي ليدّي لوى
لا ذكرت الذي دونه كبار وصغار= كني الذيب طاوي من همومه عوى
لا ذكرت أمي اللي صعبٍ لها المزار= أبكي ماني بمن لا جاه همه قوى
فقدها كأس مر ومن لظى البعد حار= ليت موتك خذاني يوم جاك ونوى
ذكرياتك بقلبي يا الحبيبة كثار= كل ما كان حولك عنك قال وروى
ثوبك اللي مسكته ذكريات ومنار= والحجاب الذي للجوهرة قد حوى
ساعتك والخواتم والدبل والسوار= نعلك اللي بعزك فوق الأرض استوى
مصحفك والخمار اللي بقى لك شعار= مسجدٍ من سجودك ضاميٍ ما روى
غرفتك كم حكت لي عنك بأعذب حوار= تبكي على فراقك من زمان النوى
باقي الذكريات ولوحة من وقار= للمريض المعنّى من فراقك دواء
بعدك الدار يمه ما تسمى بدار= كنها غصنْ ضامي من جفافه ذوى
بعدك العيش مرّ ونار ترمي شرار= عالي الهامة اللي تذكرينه هوى
والليالي الطولية نافستها القصار= والليالي المليحة والقبيحة سوى
تالي الوقت بعدك ما غدا له قرار= كل ما قلت دل وعاد عوّد غُوى
لو مليت الدفاتر شعر سرّ وجهار= ما وفيت ومحالٍ ينطفي لي جوى
اعذريني عساني لك مع الوقت بارّ= كيف أبنسى حبيبٍ له بقلبي هوى[/poem]


ابن الجنوب