محتاج أضمك ياهوى البال وارتاح
وأعانقك لحظات لو هي قصيرة

يكفي عيوني حزنها بعدكم راح
وأسراب لغيوم المآسي غزيرة

آه الحكي من كثر مايشربك ناح
يصبح بديرة والمساء بالف ديرة

أمست ليال الحب والشوق فواح
وتطيّبت أحلامنا من >>عبيرة

وأستورق العنّاب والخافي إنباح
وسال الغلا بين الأصابع غديرة

ليلٍ مضالي قبل لا عرفك أشباح
ووجيه بيضاء لكن >أنفس حقيرة

الكل لو تغلط رفع رمح وسلاح
حتى نياب الفار صارت شطيرة

جن البشر ماشي وقاعد وسداح
طعناتهم بكتوف (غافل) خطيرة

انا دخيل عيونك السود ياصاح
مليّت من زيف العرب والجزيرة

خذني حبيبي عن زماني والأتراح
عمر الفرح وقفات ماهي كثيرة

تدرين ولا أقول: يوم الحطب طاح
انتي ملاذي والأمان >>>وأميرة

وأنتي ملاك وطيف وريوف وأفراح
وانتي حنان وشوق وضحكة منيرة

بس عاهديني يامطر كل الأرواح
ابقى أسيرك وأنتي >>أجمل أسيرة