لم اكتب هذه القصيده عبث انما هي معاناة لأحدى النساء التي اتصلت بي هاتفياً

وبكت بشده من اهمال زوجها لها ولأطفاله وطلبت من ان ابرد كبدها بكتابة رسالة له والى بعض الرجال اللي الله لايكثر من امثالهم في المجتمع

ولاعذر والسموحه ان كانت القصيدة بها قصور لأني كتبتها على عجالة

[poem=font=",6,red,normal,normal" bkcolor="transparent" bkimage="" border="double,4,red" type=1 line=0 align=center use=ex num="0,black""]
ما هو بعيب ان الرجل يأخذ اثنين = لاشك عيب اليا تناسى الكبيره

الشرع حلل اربعه يا المسلمين = ما نعترض يا هل الوجوه السفيره

ياهيه يكفي ظلم يا بارد العين = تبيع من هي خلفت لك عشيره

رحت وتركت اطفال بعدك صغيرين = خليتهم مابين هم ....وحيره

سؤالهم ؟ (يا ميتي )(بينا) وين =مسجون والا في حياة ...خطيرة

وجاهم جواب الأم من دون تعيين = والله ما ادري انا بأي ....ديرة

ياعيالي ابوكم خذته الشياطين = شهرين راحت ماعرفنا ...مصيره

عوضكم برب ن يعين المساكين = من يوم صارت لي بقلبه خشيره

كلامها يا ناس كنه سكاكين = سكين صنع السيف دايم شطيره

يوم الفقر والضيق و والهم والبين= وقفت معه يوم الظروف العسيره

راح وتركها مع هموم الوراعين = فرط بها من بعد ماهي.... اميره

ويله من الله يوم جمع المصلين = على الجنازة متجه ....للحفيره

ترا المره نفس المره ونتبه زين = لا يخدعك عطر الفراش وحريره

خلك رجل وافطن لمكر النساوين = عقلك لا تسمح لأي حرمه تديره

وانتي بعد يا اللي بجنبه تنامين = مستناسه يا ظالمه في شخيره

في ظلم غيرك كيف با الله ترضين = با النوم قولي كيف عينك قريره

من باع الأولى دورك يكون بعدين = لا تفرحي دنياك هذي خطيره [/poem]