[poem=font="Simplified Arabic,6,black,bold,italic" bkcolor="limegreen" bkimage="http://sites.ienajah.com/vb4/images/toolbox/backgrounds/16.gif" border="outset,8,darkred" type=2 line=0 align=center use=ex num="0,black"]
وش للقلم يكتب من أبيات وأشعار= فيمن هواها ما تجيبه قصيدة
وش يكتب وتملي له الحب الأفكار= واللي لها حبي تحب الجديدة
والحب من قلبٍ تولّع بالأحرار = ويحبّها بأول دم في وريده
بنت كساها من حماها من العار = ثوب من العزة وكانت فريدة
بنت بهاها ساحرٍ كاسب أنظار= تلفت عيون الناس وأجمل خريدة
لازم توجّه صوبها كل الأقطار= في اليوم لو كانت بديرة بعيدة
تدرون من هي يا محبين الأخبار= هي مملكتنا والركون المشيدة
هي دولة بالعزّ سارت ومن سار= بالعز يوصل للمراقي السعيدة
من فجرها الأول ومن أول نهار= والمملكة صرحٍ تزايد رصيده
عبدالعزيز آل السعود ابن الأخيار=اللي عطاها العقد في مدة ايده
كبّر وباسم الله قدّار الأقدار= وأسس على ساس الصفات الحميدة
واللي حكمها بعده أولادٍ أبرار= هذا ملكها والبقية عضيدة
خمسة ملوك أبوهم المالك البار= كلٍّ عطاها ما تمنى وتريده
لين اكتمل صرح البناء وأصبحت دار= دار الهدى والعز دنيا مديدة
لين ارتسم في وجهها نور الأنوار= أمن وأمان ونعمة مستزيدة
مكة وطيبة فخرها يوم الأفخار= ولخدمة الدين ارتكت والعقيدة
والشاهد الليلة حضورٍ وزوار= في صرح الأمجاد العلوم المجيدة
تبقين يا دولة هل العز والكار= تبقين لألحان البطولة نشيدة [/poem]