[poem=font="Times New Roman,6,black,bold,italic" bkcolor="transparent" bkimage="http://sites.ienajah.com/vb4/images/toolbox/backgrounds/8.gif" border="groove,4," type=2 line=0 align=center use=ex num="0,black"]
يا وجودي وجودي راح مالي خسارة = وانطفت شمعة آمالي بريح النسب
سوق الأسهم سقاني منه كاس المرارة = بعد ما صابني منه العنا والتعب
ما جمعته بعمري بعد بيع العمارة = والقروض وديونٍ كلها في كتب
راح بأسبوع وأسرع ما عرفنا قراره = كل ما قيل يرجع زاح وإلا انسحب
من دمي الضحايا كل يوم حَمَاره = لاح لي في سما الشاشة رعود وسحب
الموشر مبنشر معترف بانهياره = والمصحصح مصحح صدق ما هو كذب
البنوك أتعبتني والعطل له شعاره = والسبب من كلا اللقمة عليها شرب
والصناعي عصاني في قليل المهارة =عاد رأس الجماعة بين ربعه ذنب
والسمنتات يبْستْ مثل صلب الحجارة = طاحت على ظهورٍ طاحت على الركب
وانثنى الخادم اللي خدمته بالاشارة = فيه ماني مفرق بين كل الرتب
كهربتني الكهارب وألتمسني شرارة = ثم قالوا على العداد حق العطب
وانفصال اتصالي كان باقي دماره = ضعت ما أحْدٍ درى بي في فجاج الهرب
وإن يقولون تأمين أي آمان وطهارة = ضاع حقي معاهم يا وجيه العرب
والزراعي حصدني والجنا من غباره = ما عطاني علف وإلا فواكه وحب
لعن بوها تجاره كان هذي تجارة = ليتني ماعرفت المال لو من ذهب
كنت أظن التجارة فن وأيضاً شطارة = وأثرها الهم والغم وعصير العنب
كنت عاطل يدور رزق مشغل نهاره = فيك يا سوقه اللي سهّره بالعجب
رأس مالي ديون وآهـ منها عبارة = قلت أبلعب بكيفي دام غيري لعب
آهـ يا سوق كله غبن كله حقارة = كم يتيمٍ حرمته إرثه بلا سبب
طعت من قال لا للبيع بعد استشارة = وانتهى بي المطاف على بلاط وخشب
وصلوا هالرسالة لأهل عزّ وجسارة = وصلوها لأبو متعب وأنا مرتقب
باسم شعب تضرج بالدمي وسط داره = أحرقته الشبوب اللي تذري لهب
بعد ربّ رجوه الستر قبل انهتاره = ما لهم غير أبو متعب ملبي الطلب
والختام اسمحنوي والله ما أبغي الاثارة = كلّ يوم مغني كني على طرب
والحقيقة مغني همّ وارتاح تارة = وأحمد الله على الصحة وحمده وجب[/poem]