[poem=font="Simplified Arabic,6,black,bold,italic" bkcolor="transparent" bkimage="http://sites.ienajah.com/vb4/images/toolbox/backgrounds/30.gif" border="none,4," type=2 line=0 align=center use=ex num="0,black"]
يا طير يا اللي على الأغصان تغريده=ما لك عسى ما شكيت البُعد والفرقى
ما ينفع الشاكي الوجعان تنهيده=وإلا البكا قبل يومٍ عيده الملقى
إن كان فارقك من تهواه وتريده=عندك جناحين طر غربٍ وطر شرقا
قل لي وأنا من شكا الفرقى ولا بيده=سافر , وفقْده بكاس العلقمات أسقى
قل لي وأنا ديرتي عن داره بعيده=كيف آصله وألتقي لي منوتي وألقى
قال الهوى صعبْ من يدخله فيزيده=ينزل لـه ولا يفـكّر وإن رقى يرقى
وإن شفت خلي عل غصنٍ لنا عيده=خبّره عني وقل لـه صاحبك يشقى
قلت أبشر أخبّره والله وأصيده=من غير جرحٍ , يسدّه ما معك يلقى
جربت أنا الحب وجروحه وتشريده=فارقتها والفراق أمرّ ما نلقى
ولولا إني أغار أنا لأقول لك ميده=قل لـه حبيبك ترى حبك معه يبقى
ما أبغاك تبصره , لي عينه ولي جيده=لي طولـه ولونه اللي لو ظهر برقا
إن غاب عني كواني من مواعيده=وإن شفته أحرقني بنار الهوى حرقا
يا طير ما أنت بوحيدٍ يبكي فقيده=أنا مثيلك ولي طرق الهوى طرقا
إن كان تغرق بحبٍ زاد تمجيده=حنّا ببحر الهوى يا صاحبي غرقا[/poem]