[poem=font="Simplified Arabic,5,black,bold,normal" bkcolor="transparent" bkimage="http://sites.ienajah.com/vb4/images/toolbox/backgrounds/8.gif" border="groove,8," type=2 line=0 align=center use=ex num="0,black"]
يا المستحي المشتهي لا تستحي عادي=هات الذي خاطرك يخفي ولي بدّه
ما عاد بيني وبينك قرب وإبعادِ=خط رسمته حياء جاوزه وتعدّه
أدري حلاتك حياك وطبعك الهادي=يا طيب جوي ويا ريحانه ونَدَّه
هرجك وسولافك أنت وطيري الشادي=فسحة بضيق الزمن وإقبال في صدّه
في بحر حسنك سبحت وطوّل إجهادي=محتار في صاحب ودّه ولا ودّه
أوصفك وأرسمك لوحة فني البادي=وتحار كل القوافي فيك وبشدّة
يا اللي عيونه بحورٍ تسحر النادي=يا اللي حمار الورود يغار من خدّه
يا بو ثمان جواهر بيض وجدادِ=في مبسمٍ همسته تأتي على قدّه
فلت شعرها على الأرداف متهادي=كنّه حرير سرق من خاطري جدّه
وشفاتك الحمر واللي طيبها كادي=أحلى من السكر اللي جاي من جدّة
والصدر رمان يا زينه وهو بادي=لأطلق نظره المحب وبالهوى لدّه
وأرداف مليانة ما هي من أعوادِ=يا أقصر طويلة ومن حدّ البهاء حدّه
أعطيتك الشعر مكتوب بدم فؤادي=يا تأخذه كله أو بأحلى أدب ردّه
فيك استماتت حروفي بعد ميرادي=والشعر أخذ وصفك بيوم السبق عدّة
يا المستحي المشتهي وأبياتي تنادي=لا تحرق أعصاب من يهواك وتردّه
يا كم تمناك يومه رايح و غادي=يطلبك نظرة وما يبني لك تهدّه
افتح له الباب واكرم ضيفك البادي=فنجال من كفك الحالي ترى سدّه
ما يرتجي المستحيل ولأجلك يفادي=ارحمه واعطه مراده واترك الحِدّة
لا تظهر إنك مع وقتٍ له معادي=يكفيه هذا الزمان اللي وقف ضدّه
ابن الجنـــــــــــــــــــــ ــــــــــوب[/poem]