[poem=font="Simplified Arabic,6,black,bold,italic" bkcolor="white" bkimage="http://sites.ienajah.com/vb4/images/toolbox/backgrounds/32.gif" border="outset,4,white" type=2 line=0 align=center use=ex num="0,black"]
هات يا قاف الحكم وصف الدواء=مرت أيامي ورأس الطفل مال
كم تمنى القلب يرجع ما قوى=أصعب الدنيا رجوع اللي محال
عالي الهامة مع وقته هوى=وانحنى ظهره مع شد الرحال
والطريق الملتوي راح انطوى=ما بقي للفرحة بقلبي مجال
وينها أيامي شباب باستواء=وينها آمالي وفكرٍ له نضال
شاب رأسي وأخضر النبته ذوى=والليالي طالت بطول الخيال
مرّ عمري مثل غيمٍ لا روى=بالمطر ديرة شعيب واستحال
مرّ وأبكي ليه بالنار انكوى=ضاع مني في متاهات الضلال
يا حسايف لا ذكرته في الغوى=كني اللي يسقي دميه رمال
يا حسافة مثل ذيبٍ لا عوى=لانكسر ظهره وقرب للزوال
طايحٍ في حرّ شمسٍ وانشوى=بالسموم اللي تهب من الشمال
لين يغشاني برادٍ من هواء=فيه تحيا النفس وتدور بدال
لا ذكرت التوبة ودرب استوى=قبل ما رأسي على روسٍ يشال
أحمد الله معطي القلب إن نوى=دام عمري في رضى ربي وطال[/poem]




ابن الجنوب