[poem=font="Arabic Transparent,5,#8b0000,bold,normal" bkcolor="" bkimage="" border="none,1," type=2 line=1 align=center use=ex num="0,"]
وجدي على الماضي ومن فيه يا وجدي=وجدي على أحلى ليالي العمر وأيامه
لو للهوى سوق وأشري منه ما ودّي=لأشريك يا ماضيٍ ما خَسْر من سامه
لا جيتني في ركايب حلمي الوردي=سرقتني من جفون الهم وحزامه
حلاّك يا ماضيٍ ما غاب في بُعْدي=ناسٍ حلاهم على خدّ الزمن شامة
أعطيهم الشعر عقد أبياتْ من ودّي=في جيد شوقٍ رفيع الذوق والقامة
يستاهل الليّ يصون العهد من بعدي=بدّا الوفاء ما جفا والعزة وسامه
عزّ الرفيق إن جرى درب القدر ضدّي=ظلّه يظلل على من زادت أسقامه
معهم يطيب الزمان وفايته يَبْدِي=ويهون صعب يراه الطرف قدامه
واليوم والناس حولي كنّي بوحدي=من فارق الغالي إلا تكثر أحلامه
لا جاني الليل جاني الفكر متقدّي=يسري بي على جناحٍ طال حِوّامه
يا خذني ولأرض من خاويته يودي=ويمر بي سدها وأروى من أوهامه
وأشوف نخلٍ به الصفري وهو حدي=ما أذوق طعمه وأنا الفايت عن أكمامه
وأشوف ناسٍ غلاهم في الصدر سدي=يروي ضما ذكرياتي بأعذب أنغامه
وأعود من غيبتي والدمع في خدي=يجري ويغسل غبار الحزن وركامه
إن طال وإلا قصر عمري بقي وجدي=والقلب يشتاق والمجنون من لامه[/poem]


ابن الجنوب