[POEM="font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]قصه ومن بعد الحياه السعيده = وسط الجحيم اصيح ياناس مظلوم
بيتآ لعمي حافظه وقمت اعيده = وردده في كل ليله وكل يوم
جاهل مسوي حافظآ لي قصيده= لو تساله معناه مافيه معلوم
ودارة بنا الدنيا على ما تريده = وراحت بناء الدنيا ورا ذيك الاحزوم
والكل منا مبتلش في رصيده = يطرد وراء الدنيا على غير ملزوم
واحدآ في فراشه صار قيد قيده = مهمه امول البشر لوهي ارزوم
وجده على شوف النخل مع جريده= وجده على شوف المزارع والاقروم
وجده على شوف الحطب والوقيده= وجد اليتيم اللي من الام محروم
ناظر لي بعينه وثم مد لي ايده = وانا على مقيل خادم ومخدوم
مديت له يدي على ما يريده = احسبه يبغاني اسعده ويقوم
اثره شكالي مايحس ابوريده = دون ايتكلم اشتكا بدمع مرسوم
ومن بعدها ياعم شفت الوكيده= وعرفت معنا البيت واقول مفهوم
ودريت ان هذي الحياه العنيده = متقلبه بين السعاده و الهموم
نوبآ يصير الهم للفرح سيده = ونوبآ يصير الهم للفرح محكوم
لكن ولو مرت ليالي شديده = لبد ماتفرج على العبد لو يوم
وختامها يلي قريت القصيده = عطني جواب اللغز ويكون مختوم[/POEM]