[poem=font=",6,red,normal,normal" bkcolor="transparent" bkimage="http://sites.ienajah.com/vb4/mwaextraedit4/backgrounds/20.gif" border="double,4,red" type=1 line=0 align=center use=ex num="0,black""]
عزالله اني ماخشيت اي مخلوق =حتى ابويه من قبل ماخشيته

اليا زعل قبلت انا يديه برفوق=ماخاف منه بس ابد ماعصيته

خوفي من اللي معتلي بالسما فوق=الواحد اللي لا تضايقت جيته

رب ن اليا ناجيته بهمي اروق=ورتاح من ضيقي ليامن دعيته

ولا لأ حد عندي ابد اية حقوق=مافيه من خنته ولا من جفيته

ومن هو شراني مسكنه داخل الموق =ومن باعني بارخص ثم ما شريته

وامشي دروب مستقيمه بلاعوق=ودرب الردى با امر الولي ما مشيته

ولوالدين ما انذكر فيني عقوق =الكل منهم في عيوني فديته

ولاني من اللي تهتوي روحة السوق =احس في ضيقة صدر لا لفيته

ومن صغر سني اكره الكذب والبوق =والعهد ما خونه ليامن عطيته

املك بصمتي مستوى حيل مرموق =وتاج المروة با الفعايل خذيته

ولوكان قلبي من غثى الناس محروق=مافيهم اللي بالمضرة نويته

طبعي كذا والهرج بالصدق موثوق =يشهد عليه ربي اللي رجيته[/poem]