[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دكتور جرح العام للحين ماطاب = بلعكس يادكتور زايد صوابه
العام غاب الزين واليوم قد غاب = وانا بلا قلبي ترى من غيابه
اصبحت امر الباب واقول ياباب = ياليتني اصير في يوم بابه
والا اصير بدرج محبوبي اكتاب = يشوفني لامن تذكر اكتابه
دكتور ماينفع دواء وخلط الاعشاب = ولا فزعت شيوخن وقفات لابه
الحب جرحه بين بعين من صاب = اتشوف شيبه بينن في شبابه
لا مايفرق بين صادق وكذاب = ولا يعرف الجيره وحق القرابه
الحب مثل الداب وله قرصت الداب = مثل الزمن لامن ضحكلك بنابه
وختامها ممكن من الحب قد تاب = وترك طريق الحب ماينمشابه
واسمه ترى منور وللعز طلاب = ابوه دوخي خير من يقتدابه
من نسل وايل لارتفع بيرق انساب = عدوهم ياشين فالن رمابه
ولافيه قاصر فانشاما والاشناب = سبعان والا مطير والا عتابه[/POEM]