طاب الخاطر
..

الحب ياعذب النباء جد قتال
وانا قتيلك وانت ريّح قتيلك

أجمل ميادين المـودة والآمال
فيها تطارد خيل حبي وخيلك

ترى الوفاء مهما تحدته الاحوال
يبقى وفاء وانا وفاك وعميلك

في حبك شعوري نفل كل الاجيال
وفالعالم الثاني خذاني دليلك

واصبحت مثل اللي ركد بعد زلزال
وامن الفرح تجني عيونه حصيلك

ماهمني في ودك القيل والقال
مدام طاب الخاطر بسلسبيلك

فيك الهلاك ألذ من شرب فنجال
وأجمل من القمراء في خد ليلك

يفدنّك الخفرات يا مايس الحال
وتفداك روحٍ تعترف في جميلك

في زحمة الدنيا تصور .هوى البال؟
مافيه دربٍ اسلكه ما يجيلك.؟!!

وحتى اذا غمّضت بالعين تختال
وحلمي يوديني روابي مسيلك

عساي لك باقي ولالك لي ابدال
وعساك لي باقي ولالي بديلك



عبدالله العتيبي