[poem=font=",6,,bold,normal" bkcolor="white" bkimage="http://sites.ienajah.com/vb4/mwaextraedit2/backgrounds/3.gif" border="none,6,white" type=1 line=0 align=center use=ex num="0,black""]

الخاطر العمس من شوف العرب طايب=والروح جو الوطن ما هو مناسبها
لجة ضلوع الحنين لشوفة الغايب =والساعه من الوله ثقلت عقاربها
يا نايب المملكه.. ماللغلا نايب =الناس يا امير ما ترخص حبايبها
الصبر يا سيدي ما هو لنا ثايب = ارفق على قلوب شعبك لا تعذبها
غلاك يسكن خفوق الطفل والشايب =والمملكه تنتظر لقدوم غايبها
مسك الغلا والولاء بأرواحنا ذايب =وصدورنا لجيتك فاحت مطايبها
قلوبنا بوصلتها وضعها صائب =لو هي على الشمس وقت حلول مغربها
الديره اللي تجيها فالها طايب =والغيث لا حل له في دار يعشبها
يا سور قلب الخليج.. مورّد الهايب =يا قايد الجيش والعدوان مرهبها
يا درع شعبك.. عدوك مفلس وخايب =حدود موطنك من يقدر يقربها
الوضع ما هو على قول المثل سايب =عندك رجال رصاص الحرب يطربها
يردون للمعركه لو دمها رايب =وروس تصادمك ممهونه شواربها
ما دمت يا سيدي عن دولتك غايب =مشاعر الشوق ما نقدر نغيبها [/poem]

[align=center]محبكم

رشيد الفريدي[/align]