يالله . ياعالم خفيّات .. الاسرار
ياواحدٍ . كل المخاليق . ترجيه
|"|
يالباسط القابض . يالنافع الضار
يامجري أيام الدهر . مع . لياليه
|"|
يالوالي العالي يالواهب . البار
يالرازق المعطي ماغيرك ادعيه
|"|
أطلبك تفرج هم قلبٍ بي إحتار
وإتبدّل احزانه بعطفك وتشفيه
|"|
القلب مترع هم من كأس الامرار
والروح مشبعها زماني بلاويه
|"|
كلما أدق بلوح الأحلام مسمار
يرجع من الواقع بقسوة ويرميه
|"|
ضاعت حلولي من يديني والافكار
عدّي كبيرٍ والعيال قطعوا فيه
|"|
وحيد في دنيا مسافاتها اعمار.؟!!
غريب خطواته تلاعب به . التيه
|"|
مالي رجا بالناس لو فيهم اخيار
إلا بمنهو . معدم الحال . يغنيه
|"|
اللّي بعث برد وسلامٍ على النار
يرسل على قلبي سلامة ويطفيه