[poem=font=",6,black,bold,italic" bkcolor="white" bkimage="" border="solid,1,black" type=2 line=0 align=center use=ex num="0,black""]
ســبحان منهــو محـصيٍ كل الانفاس=والــناس كـله تحــت عــلمه مفــاليس
يعـلم خــفايا النفـس في كل الاجناس=يســمع ويبــصر مـاخـلاف الكـواليس
سـهرت انـا باللــيل والخـلـق نعَّــاس=طـرى على الخـاطر هذيـك الهواجيس
أطلع من الهاجوس وادخل بهوجاس=وفـي ليـــلةٍ ظـــلما نجــــومه مقـابيس
نظـــمت قــافٍ واقــعـيٍ وحـــــسَّاس=واضح وضوح الشمس من دون تلبيس
لــيه الكــرامه تحت الاقــدام تنـداس=لــيه المـروَّه مـن ورى عــهد بلــقــيس
ليه العـزيز امـست خـطاويه للساس=لـيه العـرب باعــلى المـراتب مـــفاليس
ياهـمّ قلبٍ يصـفق اخمـاس واسداس=يـاشـيب عـينٍ من حلــوم و كــوابــيس
وقــتٍ تعـلَّى به خبـيـثـين وانجـــاس=وقــتٍ تبـعـثر بـه جــميـع القــراطـــيس
فــيه الزهــور اليانــعه دوم يـبَّــاس=فـيه السجــون وفــيه كــثر الجـواسيس
لنـا الفخـر في ورث الاجـداد ياناس=لــنا الفخــر فـي كاسبــين النـواميــــس
مـاظـنـتي فـي فـن الارهـاب نوماس=ولاظـنـتـي لــه بالمـراجـع قــوامـيــــس
استـنفر الهــمَّه وقــال إنت جــساس=غــرّه ابليــسه و الحـقايــق عـواكــيس
لابـــاس يالهــاجس تطـمَّن ولابـاس=عـــلى نهــــايـــتها تــدق النــواقـــيــس
غُمَّه عسى الله ينتزعها من الساس=ســـحاب صــيف وينـتهي كــنَّه قبـيس
[/poem]