تويت
كم شكينا المواجع لين ملينا***بس يا للأسف ما احد(ن)بسامعنا
من هو اللي بها الدنيا شعر فينا*** من هو اللي على الشدة وقف معنا
هاجس الخوف وسط القلب يكوينا***وعادة الصمت هذي من طبايعنا
صابرين ونبي قلب(ن)يواسنا***لكن الصـبر ما ظنيت ينفعنا
مالقينا الحنان اللي يسلينا***صد حرمــان هم(ن)ما يشجعنا
يمضي العمر والحسرة تبارينا***ترحـل ايامنا من مر واقعنا
الشعر والوصل والحب يبكينا***والأمـل كل ماعشناه ودعنا
في دروب الشقا تاهت خطاوينا***غدر الأيــام نسانا دوافعنا
بعد ما ماتت الأحلام بيدينا***ماهقيت الزمــن ينوي يجمعنا
لو مع الوقت ننسى طيف ما ضينا***كيف ننسى الجروح اللي تلوعنا
تعليق