تويت
بعد الغياب أحييكم بكل ورود الدنيا وبكل لحون بلابلها وهمسات لياليها ونفحات أنفاس الصبا
مشتاااااااااااااااااااااا ااااااااااااااااااااااق لكم حدي
وش اللي أغلاك بين الناس وأرخصني
تعزّ نفسـك ونفسـي دوم ترخصهـا
أولاد تسعه ولا بـه شـيء ينقصنـي
نفسي عزيزه وش اللي عنك ينقصهـا
وهمك تكابرعلـى يختـي وغوصنـي
بختي ويختي في أوهامـك تغوصهـا
مديت كف الوفاء وأنت اللي تبخصنـي
كف وفت لك على أي أساس تبخصهـا
فرشت لك مهجتي وظللتـك بغصنـي
ودليت لك من عناقيـدي تمصمصهـا
وروضت نوح الحمام اللـي منغصنـي
من شان عينك أخاف الورق ينغصهـا
أحرص على راحتـك والآه تحرصنـي
تحرصني آهاتي الثكلى وأنا أحرصهـا
عريت نفسي وحرالقيـض يقرصنـي
وحسيت لدغه في عروقـي يقرصهـا
غطيـت خوفـك بجلبـاب تقمصنـي
وأنت تجيـد الخديعـه فـي تقمصهـا
أغريت فينـي عيـون بـك تربصنـي
وأعميت عنك عيـون بـي تربصهـا
الهم ناظر فـي عيونـي وشخصنـي
راقـب جفونـي وحللها وشخصـهـا
طبيبـي اللـي بخبراتـه تفحصـنـي
ضاعت علومه من جـروح تفحصهـا
لو شفت عين الشماته كـم تمحصنـي
طالـت بوقفاتهاوأبطـى تمحصـهـا
لأجلك تجاهلـت نظـرات تبصبصنـي
وأثاري عينك على غيري تبصبصهـا
على شروخ الزمـن همـي يرقصنـي
وشواطي رموشـي الدمعـه ترقصهـا
جحودك اللي سرى بي لين قصقصنـي
وأوراقي الوارفـه بيـدك تقصقصهـا
ألوقـت ويـاك شرخّنـي ونمصنـي
أتعـب عزومـي ونتفهـا ونمصهـا
تظـن عذالـي أن الحكـي يمغصنـي
وصمتي حرقها من أعلاها الى أخمصها
الفرق واضح مابين الليث والحصنـي
أعز نفسي ولا أنـك يـوم ترخصهـا
تعليق