[poem=font="simplified arabic,7,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يفز قلبي يهلي بعد رد السلام=لاستقبلت شاشة الجوال مرسالها
ويزيد نبضي وأنا أقراها بكل اهتمام=ما دامها جت تطمني عن احوالها
رسالة الود تغتال العتب والملام=تنهي متاهات غربتنا وتغتالها
جت تعبر الفكر وتجدد طيوف الغرام=وتجلب افراح قلبي كان منزالها
غابت وغيباتها هم وعذاب وسقام=واصبحت في غربتي اتذكر أعمالها
من ذكرياتي بنيت لها مقر ومقام=وأستوطنت روح وأحيت ساير أمالها
أثر المحبه مطر له ذكرياتي غمام=وأثر الرسايل نخيل يبرد ظلالها
يا تمر عمر الوفا حبي وحبك وسام=يا قهوة أحلى السنين وطيب فنجالها
جودي بوصلك وحذرى تخفرين الذمام =خلي خيوط الرجا تمشي على فالها
الصد والبعد والهجران ذنب وحرام =والوصل والود ودي نجذب حبالها
بالقرب نرسم حياة العشق والاحترام=وبعشقنا الناس تضرب أروع أمثالها
ومهما حدتنا الظروف يظل مسك الختام=أحب شاشه تقرب رقم جوالها[/poem]