قصيده قديمه لي حبيت اضعها بين ايديكم لعلها تنال استحسانكم
[poem=font=",6,black,bold,normal" bkcolor="skyblue" bkimage="" border="none,4," type=1 line=0 align=center use=ex num="0,black""]

يوم امتلا صدري هموم وكآبه=قامت تزاحم بي جديد الطواريق
تاتي ولا فيها عليه غرابه=وضمها بالصدر بين المعاليق
لا غاب شعري ما تحمل غيابه=ما اصبر على فرقاه لحظه ولا اطيق
والوقت ما يسوى جناح الذبابه=لا صار في وجهي ابوابه مغاليق
ما غير اسلي خاطري بالكتابه=وقول عل اللي بقالي توافيق
واللي مضالي من سنيني تشابه=خيبة امل ما غير من ضيق في ضيق
ضامي ونا عيني لكف السحابه=اخيل للغيمه ونا يابس الريق
من عاث به وقته من اول شبابه=يحس نفسه غير كل المخاليق
من جرح وقته ما تفيد الطبابه=غصنه ذبل وغصون غيره مواريق
رجاي باللي ما يخيب الرجاء به=عسى الفرج من عند رب المشاريق
[/poem]