إعـــــــلان

**امل نيازى** **امل نيازى** · 08-02-2011, 06:01 PM

[]
كل سنه وانتم بكل خير
اجمل صحبه فى دنيا وردنا الجميل
مراقبه ألهندسة الصناعية
الغاليه
منى سامى
كل الشكر والتقدير لمجهودك الرائع
خيمه رمضانيه عامره
بالفن والخير والجمال
يسلم ذوقك واختيارك الرائع
دائما تسعدينا بودك الجميل
يارب يسعد اوقاتك بكل خير [/]

**منى سامى** **منى سامى** · 08-03-2011, 09:01 AM

[]اسعدنى مرور كل الغاليين
وكلماتكم الرقيقة الرائعة
مراقب عام ألهندسة الصناعية
الغالية هالة

اخى السيلاوى
اختى وحبيبتى مبدعة

ليلة جديدة من ليالى
خيمة ورد الرمضانية

ليلة غير كل الليالى
ليلة تحمل عبير الحرية
تحمل الامل فى غد افضل
استيقظت من نومى مستبشرة
حقيقى ممكن صوتى يوصل

صباح الخير يامصر صباح الحرية
ياحبيبتى يامصر ياغالية عليا
عدى كل الحواجز واقفزى فوق كل خوف
النهاردة يوم مش عادى بتشهده الالوف

وهنسمى بسم الرحمن
ونبدأ الليلة
مع كلمات الشاعر
جمال بخيت[/]

[][/]

[]
دين ابوهم اسمه ايه؟

دين أبونا يا مسلمين
في يقيني أعز دين
كلمة النور الأمين
كلمة الحق المبين
حكمة يكتبها الإله
فوق جبين الطيبين
دين أبونا يا محمد
انت سره ومبتداه
انت إحساسه ومداه
دقة عارفينها في قلوبنا
لما نخشع للإله
لما نطلب يوم رضاه
لما نركع لما نسجد
لما نفرح بالحياة

دين أبونا إبراهيم
رش جمر النار حنين
ع الخرايط والأماكن
اتولدنا طوافين ذاكرين

دين أبويا لو مسيحي
رحمة لاجل العالمين
نصرة لاجل المظلومين
كلمة الحب اللي بايس
الصليب جوه الكنايس
ندهة الأجراس لمريم
والأمان للمجدلية
رحمة ليكو ورحمة ليا
المسيح شايل آلامنا
لاجل يهدينا السلام
خد أيمن خد أيسر
العبادة مهيش كلام
عيش بإسم الإنسانية
وانسى نية تدفعك للانتقام

دين أبويا دين إلهي
أينما كان اتجاهي
حتى لو كان دين يهودي
احنا مش ضد اليهود
موسى في القرآن وليد
يحضنه نيل الخلود
بين إيديه تسعى عصاته حية
وجدودنا شهود سحرة
آمنوا برب موسى انقسم له بحر عاتي
والجبل عرف السجود
رجعت الحية عصاية
حضنت التوراة وصايا
إوعى تقتل
إوعى تسرق
إوعى تزني
إوعى تقبل بالخضوع
بحر خير االكون يواتي
لما نفرد له القلوع
والجحيم ياكل سنينكم
لو فقير فيكم يجوع
الوصايا هي هي
أرتضيها زي ما هي
في ضميري وفوق شفاهي

دين أبويا دين إلهي
أينما كان اتجاهي
حتى لو كان مش إلهي
المجوسي يترعب من النار
ويعبد الإله اللي في خياله
ليه حرامه وليه حلاله
تسمعه في معبد دعاء
تلهمة رعشة رجاء
للبقر ناس يعبدوه
ويدينوله بالولاء
مش غباء
تعرفوا في البقرة إيه بيقدسوه ؟
العطاء

دين أبويا
أي دين
فيه عصاة أو مخطئين
بس في نهاية المطاف
فيه ملايكه ومؤمنين
والرضا للصالحين
والهنا للصابرين
فيه ملاذ للعابدين الشاكرين
المشتاقين رغم الضياع
لليقين

دين أبويا
أي دين

اللي انا بقى معرفوش
الوحوش
الكروش
اللي لو طالوا رقابينا
بينهشوا مبيرحموش
دين أبوهم إسمه إيه ؟
اللي داسوا فوق رؤوسنا بالبيادة
اللي مشيوا بالبلاد للبلادة
اللي فتاويهم فساد للعقل
يقضى على العبادة
اللي مسحوا من الآيات معنى الشهادة
دين أبوهم اسمه إيه؟

لوثوا الدم في عروقنا
سدوا عين الشمس فوقنا
سرقوا ضوؤنا
صادروا نيلنا
ودفعونا تمن وضوؤنا
دين أبوهم اسمه إيه؟
اللي باع وطن بحاله
خضرته وصفرة رماله
نسوته وشهوة رجاله
بهجته ودمه وعياله
خطوته وسنين نضاله
ثورته ضد احتلاله
دين أبوهم اسمه إيه؟

مين إلهه ؟
مين رسوله؟
فين كتابه؟
فيه ملايكة والا غابوا؟
فيه شياطين والا تابوا ؟
لما شافوا التابعين
شرهم زاد عن جهنم شر لا يمكن حسابه
دين أبوهم اسمه إيه؟

حتى فرعون اللي صدق
انه من نسل الإله
واللي قال انه الإله
كان بيبني الأهرامات للمات قبل الحياة
كان له بعث ويوم حساب
كان له دوله
حضور
إدارة
كان منارة ترشد الكون للحضارة
كان له جيش فارض وجوده
كان محارب بين جنود
واما يتجاوز حدوده
كان له رب يغرقه وينقذ يهوده
حتى فرعون اللي صدق
انه من نسل الإله
واللي قال انه الإله
كان له كهنة في العلوم
يقروا في كتاب الكواكب
يرصدوا سير النجوم
يفتحوا له سكك بيبان
في سراديب الزمان
ويقولولو ازاي يدوم
حنطوه
خلدوه
بالمعاني والمباني والرسوم
كانوا كهنة مؤمنين
خلوا كلمة مصر دين
حاضرة في العهد القديم
حاضرة في العهد الجديد
حاضرة في القرآن حضور
الآيات فيها تدور
مفردة عز وجلال
معلنة وبين السطور
تخترع
ثانية وشهور
تخترع شعر وبحور
حتى فلاحها الفصيح
شكوته بتشع نور

إيه يا مصر
إيه يا أرض الطبيبين
اللي حكموا في الزمان ده يبقوا مين ؟
دين أبوهم اسمه إيه؟
حد يعرف فيكوا دين
كل أتباعه لصوص أو قوادين ؟
في المعاصي مولودين
في الكراسي مأبدين
في التفاهة معدودين
في السفاهة مفرودين
ع البلاهة مسنودين
للشراهة مجندين
ع القرف متعودين
ع الشرف متمردين
ع الوطن متنمردين
بالخيانة موحدين
اللي يعرف دين كده يقوللي عليه
دين أبوهم اسمه إيه؟

[MP3]http://dc393.4shared.com/img/721737976/3a57bbbc/dlink__2Fdownload_2F0ojWMZ7U_3Ftsid_3D20110803-065819-3f5e06f8/preview.mp3[/MP3]

دين ابوهم اسمه ايه - جمال بخيت mp3 للتحميل اضغط هنا[/]

**منى سامى** **منى سامى** · 08-03-2011, 09:06 AM

[]الفقرة الثانية
مع عجائب خلق الله
وسبحان الله العلى العظيم
وكأن عوامل التعرية
شمرت زراعيها وشكلت اجمل المنحوتات من الصخور[/]

[]

[/]

[]الفقرة الثالثة
افلمانات
واسم الفيلم ايه ؟
؟
؟
؟[/]

[][/]

**منى سامى** **منى سامى** · 08-03-2011, 09:07 AM

الفقرة الرابعة

صندوق الذكريات
وانا بدعبس فى صندوق ذكرياتى
لقيت صورى تذكرت بها لعبة جميلة كنا بنلعبها كلنا

وحاولت اتذكر كلماتها
لقتنى بقول
فتحى ياوردة قفلى يا وردة
هنا وردة--وهنا وردة
وهنا فيونكة مربوطة ربطة
وهنا فستان من الستان
وهنا شراب مليان تراب
فتحى ياوردة قفلى يا وردة

بريلا بريلا بريليلة
عاوزين مين؟؟؟

**منى سامى** **منى سامى** · 08-03-2011, 09:14 AM

[]الفقرة التالية
هنستضيف شخص عزيز علينا من اهل منتدانا
وفى اثناء اجابته على اسئلتنا
ادعوه معكم لسماع اغنية رائعة[/]

[]
اغنية اوعدك
لفنانة سعاد محمد[/]

[]أوعدك وإنت بعيد
تفضل حبيبي
أوعدك دايمًا فاكراك
أوعدك ولا يوم أنساك
حيرانه .. وحديَّه غريبه في ليل البُعد
حيرانه .. وخايفه عليك من نار البُعد
وغريبه حيرتي .. يا حبيبي
ونا راضيه بحيرتي .. يا حبيبي
وباوعدك في كل مكان .. وف أي زمان
نفضل حبايب .. وأشتاق إليك
وتبقى غايب .. وأنده عليك
أوعدك دايمًا فاكراك
أوعدك ولا يوم أنساك
أنده لك في ليالي البُعد
تجيني تجيني .. تجيني أوام
تجيبي بضحتك .. بشوقك بصورتك
تجيني بهمستك
يا ريتني أشوفك .. يا حبيبي
وتنوَّر كل الأيام
أوعدك في كل مكان .. وف أي زمان
نفضل حبايب .. وأشتاق إليك
وتبقى غايب .. وأنده عليك
أوعدك دايمًا فاكراك
أوعدك ولا يوم أنساك

كلمات: مجدي نجيب
الحان: محمد سلطان[/]

[][/]

[]الفقرة الاخيرة[/]

[]دعوة على السحور مع ضيف غالى
وضيفنا اليوم ضيف مش عادى
من ارض الابطال أخ عزيز
تسلل الى قلوبنا جميعا بردوده المحترمة
الراقية
وذوقه العالى الذى يشهد به الجميع
موضوعاته تحمل حنين لوطن مغتصب
نتمنى من الله ان ينعم وننعم به
ضيفى الغالى السيلاوى
ارجو ان تمتعنا بأجاباتك الرائعة[/]

[]س1 كتيرا ما تتحول الصداقة الى حب
ولكن لايمكن للحب ان يتحول صداقة
مقولة لاحد الفلاسفة فما راك فيها؟[/]

[][/]

[]س2 لكل منا امانى نرجو تحقيقها فمنها
مايتحقق ومنها مننتظر تحقيقة
فما هى الامنية التى تمنتها وتحققت
وما هى الامنية التى لم تتحقق؟[/]

[][/]

[]س3لو اعطيتك قلم تسطر به على جدار الزمن
فماذا تقول ليقرأه البشر حتى قيام الساعة؟[/]

[][/]

[]س4ما هى الكلمات التى تؤئر فيك
سواء شعر او خواطر او كلمات اغنية؟[/]

[][/]

[]س5 الصداقة الحقيقية كنز يندر وجوده
فهل من الله عليك بصديق حقيقى
وهل تعتقد ان هناك صديق صدوق كما يقولون
يستحق ان يكون بير اسرارك؟[/]

[][/]

[]س6 كلمة شكرا كلمة قصيرة لكن كبيرة المعنى والقيمة
يشعر بالمتعه كل من قالها ومن استمع لها
فلمن تقولها ؟ ولماذا؟[/]

[][/]

[]س7لو عزمت اهل ألهندسة الصناعية بكل اعضائها
وادارتها فأين تذهبنا -صف لنا الرحلة؟[/]

[][/]

[]س8 منتدانا بيتنا الجميل نتجمع فيه لنعطى بلا حدود
ونعلم الناس كيف يكون العطاء لوجه الله
ما الذى جذبك فى ألهندسة الصناعية
-وما الذى تود ان تضيفه ليكون ارقى منتدى؟
[/]

[] [/]

[]س9 ماذا تعنى لك هذه الكلمات
الحق--الخير--الجمال؟[/]

[][/]

[]س10 بما تشعر عند رؤية منظر الغروب؟[/]

[]شكرا
ارجو ان تستمتع بالاجابة
مع طبق حلوى من مطبخ ورد[/]

[][/]

**هالة** **هالة** · 08-03-2011, 12:25 PM

[]دخلت الخيمة وانا متشوقة
اطل طلة ع الحبايب
لقيت الكل هنا
ولا فينا حد غايب
من لعبة حلوة وغنوة احلى
لفيلم راقي وضيف غالي
الفيلم سيدة القصر
للجميلة
فاتن حمامة
وطبعا الاسي
عمر الشريف
بأمارة تابلوه الكنفاه
صح ياصاحبة الخيمة
ان شاء الله مايحرمنا منك
ولا من خيمتك الدفيانة بالحب
تسلمي لنا ياغالية
[/]

**نااانو** **نااانو** · 08-03-2011, 12:35 PM

[]الله على خيمتنا النهاردة
جميلة وراقية كا العادة
منورين فيها ياأجمل صحبة
كل السعادة والجمال تجدها فى خيمة ألهندسة الصناعية
قصيدة رائعة
لعبة فى لوحات جميلة
ضيف عزيز وغالى
تسلمى لنا يا اجمل منمونة
فى استضافتك الدائمة لنا
بارك الله فى خيمتك الرائعة وصحبتها الجميلة
[/]

**السيلاوي** **السيلاوي** · 08-03-2011, 05:52 PM

السلام عليكم ورحمة الله وبركاته
اختي منى سامي
أولا اسمحي لي ان اشكرك لكرم ضيافتك

واستضافتي في الخيمة الاكثر من رائعه
خيمة ألهندسة الصناعية
واشكرك جدا على المقدمة الرائعة التي اتمنى
أن أكون أستحقها
و اشكر الأخوة والأخوات جميعا
واتمنى لكم اياما سعيدة هانئة وكل عام وانتم بخير
واضرع الى الله العلي القدير في بدايات الشهر الفضيل
وفي أيام الخير والرحمة أن يمن على أختنا العزيزة
زينب زيات بالشفاء العاجل وان يعيدها سالمة غانمة الى
أهلها وأولادها والى كل اخوانها واخواتها في منتدانا الغالي
وان يشفي الله كل مريض ويعافيه
والآن نبدأ على بركة الله إجابة الأسئلة

س1 كتيرا ما تتحول الصداقة الى حب
ولكن لايمكن للحب ان يتحول صداقة
مقولة لاحد الفلاسفة فما راك فيها؟

هذه المقولة اعتبرها صحيحة

فيمكن ان تتحول الصداقة الى حب مع مرور الزمن

ولكن ان يأتي شخص بعد فترة من الزمن ليخبر من أحبه

أن مشاعري قد تغيرت وانتهت فترة صلاحيتها

والافضل أن نكون صديقين بدلا من حبيبين

فهذا جرح للمشاعر وتحطيم للأفئدة

ولا يمكن استمرار صداقة مثل هذه

س2 لكل منا امانى نرجو تحقيقها فمنها
مايتحقق ومنها مننتظر تحقيقة
فما هى الامنية التى تمنتها وتحققت
وما هى الامنية التى لم تتحقق؟

الحمد لله تمنيت عدة امنيات تحققت بفضل من الله

وكرمه

فمثلا تمنيت أن يرزقني الله الزوجة الطيبة الصالحة

والحمد لله رزقني الله اياها ورزقني منها بأربعة أقمار

منيره وتمنيت بيتا يكون لي ولأولادي من بعدي

والحمد لله رزقني الله به قبل عشرة أيام من الآن

أما أغلى أمنياتي التي سعيت الى تحقيقها
ولم تتحقق لغاية الآن
واسأل الله في هذه الأيام الفضيلة أن يحققها لي

فهي الشهادة في سبيل الله مقبلا غير مدبر

س3لو اعطيتك قلم تسطر به على جدار الزمن
فماذا تقول ليقرأه البشر حتى قيام الساعة؟

هناك الكثير من الكلمات
التي تستحق ان تنقش نقشا على جدران الزمن

ولكن تخطر ببالي ابيات هي من الروعة
بحيث أظل ارددها بيني وبين نفسي
وتستحق ان تكون دستور حياه
لو تم تطبيقها وهي :

كن في الدنيا كعابر سبيل
واترك وراءك كل اثر جميل

فما نحن في الدنيا إلا ضيوف

وما على الضيف إلا الرحيل

فلو طبقنا هذه الأبيات في حياتنا لساد الحب بدلا من الكره

ولساد الخير بدلا من الشر

ولأصبح للحياة وقع أجمل

س4ما هى الكلمات التى تؤئر فيك
سواء شعر او خواطر او كلمات اغنية؟

كل كلمة طيبة جميلة تؤثر في فقد تطربني

وقد تشجيني قد تضحكني وقد تبكيني

ولكن لا أجد أبلغ من كلام الله تعالى

وأهتز من الأعماق عندما اسمع الآية الكريمة

(ألم يأن للذين آمنوا أن تخشع قلوبهم لذكر الله

وما نزل من الحق)

س5 الصداقة الحقيقية كنز يندر وجوده
فهل من الله عليك بصديق حقيقى
وهل تعتقد ان هناك صديق صدوق كما يقولون
يستحق ان يكون بير اسرارك؟

يا سيدتي في كل مرحلة من مراحل حياتنا نتعرف

على الكثيرين من البشرونتخذ بعضا منهم

اصدقاء ونعتقد أننا وجدنا

ضالتنا وما ننشده ويكونون لنا بير أسرار

وكلما تقدمنا في الحياة أكثر كلما زاد عدد ابيار أسرارنا

وعلى ذلك اقول ان الله حباني بالكثير من الأصدقاء

من جميع الجنسيات والأديان وحفرت ابارا كثيرة

وحفروا ابارا ولكن قد يكون الزمن طمربعض

هذه الآبار وغطاها وضاعت في غياهب النسيان

س6 كلمة شكرا كلمة قصيرة لكن كبيرة المعنى والقيمة
يشعر بالمتعه كل من قالها ومن استمع لها
فلمن تقولها ؟ ولماذا؟

كلمة شكرا لو احببت ان اقولها لما وسعها قاموس المفردات كله

شكرا لله اولا وأخيرا على كل نعمه وكرمه

شكرا لوالدي ومعلمي وقدوتي حفظه الله

شكرا للصدر الحنون واللمسة الحانية أمي ادامها الله

شكرا للبسمة الجميلة التي تقف دوما الى جانبي

وتشجعني وتشد من ازري زوجتي وام أولادي

شكرا لكل من وضعني على درب المعرفة ويسرها لي

واخيرا شكرا لكل أهلي في منتدانا الغالي

الذين احتضنوني بكل الحب والترحاب

وعلى رأسهم اخونا الغالي محمد ورد

والذين اشعر دوما بدفئ مشاعرهم

وحلاوتها برغم بعد المسافات بيننا

واحن لهم واشتاق حتى وانا معهم

س7لو عزمت اهل ألهندسة الصناعية بكل اعضائها
وادارتها فأين تذهبنا -صف لنا الرحلة؟

يا سلام على أحلى رحله مع أحلى صحبه

رحلتنا نبدأها على بركة الله الى الديار الحجازية

المقدسة لأداء مناسك الحج

وبعد الانتهاء من الحج نذهب للسلام على

الرسول عليه الصلاة والسلام

ثم بعدها نذهب الى المسجد الاقصى المبارك

كما كان يقال قديما لتقديس الحج

حيث كان العجائز قديما يعتقدون ان الحج
بدون الذهاب الى القدس والتقديس هو حج ناقص

س8منتدانا بيتنا الجميل نتجمع فيه لنعطى بلا حدود
ونعلم الناس كيف يكون العطاء لوجه الله
ما الذى جذبك فى ألهندسة الصناعية
-وما الذى تود ان تضيفه ليكون ارقى منتدى؟

اول دخولي الى منتدى ألهندسة الصناعية كان عن طريق

الصدفة حيث كنت ابحث عن موضوع معين

يختص بقوالب الجبس علما اني لست غريبا

عن عالم الفن حيث أن تخصصي هو هندسة الصناعات

الكيماوية وعملت في احد مصانع الخزف والسيراميك

لمدة 11 عاما وكنا مسؤولين عن تحضير الالوان والجليز

والانجوب وطينة الخزف وفحصها مخبريا
ومتابعة منحنيات الاحتراق المناسبة في الأفران
للمواد الخام والمنتج النهائي

لكل ذلك وجد المنتدى هوى في نفسي

حيث وجدت فيه كل ما هو مفيد

والأهم من ذلك كله وجدت رقيا في

التعامل بدءاً من ادارة المنتدى

وحتى اصغر عضو وجدت اخوة حقيقية

لم ألمسها في منتديات اخرى

وفي اعتقادي ان منتدى ألهندسة الصناعية هو

من افضل وارقى المنتديات الموجوده

بفنه وأهله وناسه

ويجب على جميع أهلنا في المنتدى المساهمة

الفاعلة ليبقى اسم منتدانا منتدى ألهندسة الصناعية

علما في سماء المنتديات

س9 ماذا تعنى لك هذه الكلمات
الحق--الخير--الجمال؟

لو استطعنا أن ندمج الكلمات الثلاث معا

لأضاء الكون بنور الهي لايمكن تقليده

وهذه الكلمات تمثل النور المطلق

فدولة الباطل ساعة ودولة الحق ألف ساعة

أما الخير فهو مفهوم نسبي بالنسبة للانسان

فكل ما يتلاءم مع عقل الإنسان وأحاسيسه

فهو خير بالنسبة إليه وكل ما لا يتلاءم معه فهو شر

ان الله جميل يحب الجمال

س10 بما تشعر عند رؤية منظر الغروب؟

منظر الغروب منظر كنت استمتع به كثيرا

كنت فيما مضى اهرب الى شاطئ البحر

لارقب منظر الغروب وكنت احس بعودة الطمأنينة

الى نفسي والهدوء يغمر كل كياني

والشكر الجزيل على الحلوى اللذيذة

وأخيرا كل الشكر لكم يا اهلي الأعزاء
واعذروني ان اطلت عليكم

**زهرة الكاميليا** · 08-03-2011, 07:07 PM

منى الجميلة

كل سنة وانت طيبة
ومنتدانا يجمعنا
صحبة زاخرة بكل جميل وممتع ومفيد
خصوصا فى خيمتك الرمضانية الأكثر من رائعة
كل فقراتها منتقاة بذوق وإحساس فنانة
جمال وغزارة المعلومات
تقول أن بداخلك كنز من رقي وصفاء
أشكرك وأحييك منى الغالية للطرح الجذاب
وأحيى ضيوفك الأخوة الأعزاء
قاسم نايف
و
السيلاوى
وقد قضيت معهما وقتا ثريا مفيدا أسعدنى كثيرا
وزهوت بأعضاء وعضوات منتدانا
وتأثرت بكلمة أستاذنا الغالى
محمد ورد
وقد لخصت كلمته القريبة من القلب
كل ما قد أود إضافته

شكرا حبيبتى
نتابع كل أمسيات الخيمة الرمضانية بشغف
محبتى وتقديرى

**السيلاوي** **السيلاوي** · 08-04-2011, 10:24 PM

[]سيدتي ست الكل
زهرة الكاميليا
اسعدتني كلماتك الرقيقة واطربتني
وافرحني جميل ترحيبك
بارك الله فيك ورعاك دوما
[/]

**منى سامى** **منى سامى** · 08-06-2011, 10:41 AM

احبابى كل احباب ألهندسة الصناعية
اشكركم من قلبى على تشريف الخيمة
مراقب ألهندسة الصناعية
الغالية هالة
اشكرك حبيبتى نورتى خيمة ورد

حبيبة قلبى نااانو
اسعدنى مرورك وكلامك الجميل

الغالية وست الكل
زهرة الكاميليا
اسعدنى ردك الجميل
وكلماتك نيشان شرف
يسعدنى تقيمك لموضوعاتى

ضيفى الغالى السيلاوى
اسعدك الله كما اسعدتنا بزيارتك الجميلة
الخفيفة التى اظهرت انسان رائع
بارك الله لك فى اولادك وزوجتك
واسعدك بهم وانار حياتك بنور الهدى والايمان
شرفت خيمة وردللفنون

ليلة جديدة من ليالينا الرائعة

فى خيمة ورد اللى جمعانا كلنا
هنلف الدنيا وهنختار لكم من الفنون انواع
من الادب والشعر والثقافة اجمل ابداع
ونبتدى الليلة

بكلمات احمد فؤاد نجم
يعتذر ويطلب من الرئيس المخلوع الرجوع

سيادة الرئيس ارجعلنا

مش انت واحد مننا ؟

و عمرك في يوم ما سرقتنا

ولا خدت مليم مننا

ما تيجي طب ترجعلنا

تقعد بأهلك وسطنا

أهو مرة تاكل أكلنا

وتلبس يا خويا من لبسنا

وتعيش في حارة او في شارع زينا

قلت ايه ؟؟ يا حارق دمنا

سيادة الرئيس ... ارجعلنا

وغداك يا سيدي عندي أنا

رز و بطاطس مسرطنة

لحمة ؟ مفيش من سنة

فاكهة ؟ تعيش انت و أنا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

سيادة الرئيس . ارجعلنا

مش سبت الحكم . لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا انت فاكر زينا

قطر اتحرق من كام سنة

وغازنا اللي طار من أرضنا ... لعدونا

وعبارة مللي بيغرقوا
غرقت في عرض البحر و راحوا أهلنا
و الجاني فلسع مننا

ومركبة بأحلى شباب
ييجوا من ايطاليا غرقانين
والقرش ياكل لحمنا

والله كانوا زينا

ويمكن أحسن مننا

ليهم بيوت و ولاد و عيشة و حلم
زي حلمنا

اتغربوا و اتبهدلوا
لما الفساد طال كل حاجة في أرضنا

واللي ما ماتش .. قاعد في غربته
والغريب بيذلنا

اقول كمان ؟؟ ولا كفاية
و اهو انت عارف عننا

أصبر هتسمع حكمنا

سيادة الرئيس ... ارجعلنا

ولو انت واحد مننا

فعلا يهمك أمرنا

بينا عالنائب العام
تفتنله على ولاد الحرام
مصوا بلدنا و دمنا

و افتن دي فتنة مهيش حرام
ده حقنا

دا لو انت واحد مننا

أصبر هتسمع حكمنا

سيادة الرئيس ... ارجعلنا

اقعد معانا و زينا

هعرفك .....ـ

دي (أم خالد) أمنا

ودول أهل (سالي) أهلنا

و(عمر بن بنونة ) إبننا

فسر و احكي و قللهم .. و قللنا

واستسمح الروح اللي منورة في الجنة عند ربنا

هتقول مكنش قصدنا ؟؟ـ

دول ماتوا غصب عننا ؟؟ـ

كداب و فاجر .. و اللي يصدقك زيك
والكدب ريحته منتنة

تتشل إيد اللي ضرب
و اللي أمر ،، و عليكوا لعنة ربنا
.
أصبر هتسمع حكما

أيوه بقول ارجع لنا

ياللي سرقت حلمنا

وغربتنا و نهبتنا ... و في كل حتة أهنتنا

إحنا اللي سال دمنا

في الأربعين و اسكندرية و التحرير يشهدلنا

آدي القفص ... أقف هنا

والشعب يحكم .. مش أنا

صدقني ... هي بينة

من فوق سبع سماوات .. قالها ربنا

العين بالعين والسن بالسن ... و هو دا بقه حكمنا ... و مفيش غيره عندنا

**منى سامى** **منى سامى** · 08-06-2011, 10:52 AM

الفقرة الثانية

وحزر فزر اسم الفيلم ده ايه
وابطاله بيعملو ايه
وافلمانات عشقناها
ومخصوص للخيمة جبناها

فيلم اليلة اسمه ايه؟

الفقرة الثالثة
عجائب خلق الله
وسبحان الله
اضخم خضروات وفاكهه

**منى سامى** **منى سامى** · 08-06-2011, 11:03 AM

[]الفقرة الرابعة

فتحت صندوق ذكرياتى
وغمضت عينى واخترت
طلعت صورلى ولحصانى
حصانى اللى وضعت فيه كل الامانى
كنت بركب عليه ويطير بى فى عالم خيالى
وكنت اميل عليه اوشوشه بكل اسرارى
وعلى ظهره ياما غنيت احلى الاغانى
حصانى الخشبى كان وسيلة انتقالى
ليتها تعود تلك الليالى[/]

[][/]

[][/]

[][/]

[][/]

[][/]

**منى سامى** **منى سامى** · 08-06-2011, 11:20 AM

الفقرة الاخيرة

هنستضيف ضيف عزيز علينا
وهنسألة شوية اسألة
وهو بيجاوب عليها
نسمعه اغنية
واغنية اليوم اخترتها شبابية
تلائم احلى ضيف غالى على

تامر عشور
قلبك بيت كبير

انت ياللى خت قلبى من الزمان
ومن اللى فى
خت قلبى للدنيا تانية
احلى من اللى حلمت بيه
احلى عمر انا عيشته جنبك
والحنان عندك كتير
هو فى كده زى قلبك
لسه فى الدنيا خير

عمرى ما انسا قبلك كنت فى ايه
ومعاك بقيت انا ايه
اناباقى ليك ولحد عمرى ينتهى
هفضل يا حبيبى معاك
وهعيش واموت بهواك
انا ليا مين غيرك حبيب عمرى
عمرى ما انسا قبلك كنت فى
ايه ومعاك بقيت انا ايه
اناباقى ليك ولحد عمرى
ينتهى هفضل يا حبيبى معاك
وهعيش واموت بهواك
انا ليا مين غيرك حبيب عمرى
يا ما عيشت اتمنى اقبلك
ياللى زيك مش كتير
مش مجاملة عشان بحبك
ده انت ليا حاجات كتير
هيا كام مرة هقابل حد بيحب بضمير
حد عاش عمره عشانى
قلبه ليا بيت كبير
عمرى ما انسا قبلك كنت فى
ايه ومعاك بقيت انا ايه
اناباقى ليك ولحد عمرى
ينتهى هفضل يا حبيبى معاك
وهعيش واموت بهواك
انا ليا مين غيرك حبيب عمرى

اتمنى تستمتع بكلماتها الرائعة

ضيفى ضيف رائع
طيب رغم اسمه كله حيوية ومرح
زى نور الشمس يسطع لما يظهر
من مؤسسين وردنا وليه مكان كبير فى قلبنا
ضيفى قصدى ضيفتى مشرفة
فى المطبخ ليها اروع موضوعات
بنتعلم منها ازاى يكون الاخلاص

ضيفتى اجمل شريرة

س1 كلنا كالقمر لنا جانب مظلم
فما هو الجانب المظلم فى حياة شريرة؟

س2رغم مرحك واشراقك وطيبتك لماذا اخترتى
اسم شريرة يكون لقبك بيننا؟

س3 شركة البساط السحرى الخاصة بألهندسة الصناعية
تقدم لك عرض خاص رحلة مجانية لاى مكان فى العالم
هتختارى تروحى فين؟ ليكى 3 اماكن على سطح الارض؟

س4يقول احد الفلاسفة ان الحب هو
تاريخ المرأة وحدث عابرا فى حياة الرجل
رأيك ايه فى هذه المقولة؟

س5ماذا تعنى لك هذه الكلمات
الوفاء--الخيانة--الامانة ؟

س6 اغنية تحبى تسمعيها عندما يكون ذهنك صافى ؟

س7 هناك مواقف تمرين بها تحتم عليكى
ان تتحلى بالذكاء الاجتماعى---فأذا صادفتى
زوج صديقتك مع امرأة اخرى-هل تذهبين لاخبارها
او تقولى وانا مالى---ماهو تصرفك؟

س8 ياترى ماهو السر وراء ادمان ألهندسة الصناعية؟

س9 هناك اشخاص فى حياتنا نتمنى نكتب لهم
ولو كلمة تعبر عن اشياء بداخلنا
لمن تقولى هذه الكلمات--لن انساك---سامحك الله
----اتمنى القاك يوما----اشكرك من قلبى---اتمنى بعدك؟

س 10 العطاء معنى حلو المذاق
لا يشعر بحلاوته الا من عشقه وادمنه
ومنتدانا رمز للعطاء-فما هى افكارك لتطوير منتدانا والرقى به
وما هى العيوب التى به ترغبى فى
اصلاحها ؟

اتمنى تستمتعى بالاجابة
مع عصير فريش
من مطبخ ورد

**نااانو** **نااانو** · 08-06-2011, 05:42 PM

[]ادخل خيمتك واكون اول المدعوين
واستقبل ضيوفك بالترحيب
وانا بسمع القصيدة
وبتذكر معك الحصان الخشبى
اللى مافيش بيت كان يخلوا منه
لوحات رائعة للحصان الخشبى اللعبه الجميلة لكل طفل
وطبعا اتيتِ لنا من اصناف واصناف
لكن حبة واحدة تكفى كل الضيوف مرة واحدة ويتبقى منها كمان
وفى انتظار جميلتنا الحلوة
وشريرتنا الطيوبة
على انغام اغنيتك المختارة
تسلمى منمونتى
وعرضك الجميل المميز دائما
[/]

إعـــــــلان

خيمه ألهندسة الصناعية رمضان 2011

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك