إعـــــــلان

**هالة** **هالة** · 08-09-2011, 09:08 PM

[]السهرة تحلى بأحلى صحبة
مابين النجوم قمرنا نور
هنودة الحلوة
سبحان من صور
طيبة القلب وحب وود
خيمتنا اتعطرت
بعطر الورد
صحبة جميلة
ولمة حلوة
في فلكها ندور
ياترى مين عليه الدور
ممكن احل الفزورة
الفيلم
الخيط الرفيع
فاتن حمامة
محمود ياسين
والقصة لاحسان عبد القدوس
صح ياميس
[/]

**صديقه ورد** **صديقه ورد** · 08-09-2011, 10:31 PM

[]
كل سنه وأنتم جميعا طيبين وبكل خير متجمعين

مراقبه ألهندسة الصناعية
الرائعه
منى سامى
كل التقدير والاحترام للمجهود الرائع
فى أجمل خيمه رمضانيه
جزاك الله خير الدارين
وأعاد عليكى رمضان بالخير
كل عام
واعترف انى اول مره ادخل خيمه رمضانيه
ووجدت الخيمه متميزة مضيئه بالمودة والاحترام
ومليئه بالاذواق المتنوعه للادب والفن
وجمع رائع لورود منتدانا الغالى الاعزاء على قلبى
بارك الله فيكم
وتقبل منكم ومنا صالح الاعمال
تقبلى مرورى
[/]

**RaMy.NoUr** **RaMy.NoUr** · 08-10-2011, 12:59 AM

[]كل عام وانتم بخير صحبة ألهندسة الصناعية

خيمة رمضانية رائعة بقلم مراقبة ماهرة

[/]

**روفان اسامة** **روفان اسامة** · 08-10-2011, 07:19 PM

خيمة جميلة تسلم ايدكي و في انتظار الخيمة الجديدة

**منى سامى** **منى سامى** · 08-11-2011, 07:55 AM

[]أخى السيلاوى اضاءت أركان الخيمة
بنور حضورك الجميل وكلماتك الرائعة
شكرا لك

حبيبتى ومراقب عام ألهندسة الصناعية الغالية
هالة زينتى خيمة ورد باجمل حضور
ونثرتى عبير عطرك على كل الموجودين
تسلمى لى حبيبتى

صديقة ورد الجميلة
نورتى خيمة ورد باجمل طلة
وانتظرى دعوة على السحور
مع اجمل اعضاء فى اجمل منتدى
شكرا حبيبتى

ابنى الغالى رامى اسعدنى مرورك الجميل
وانتظر دعوة على السحور فى خيمة ورد
وبين قلوب صافية بكل الود

حبيبتى روفان اسامة
نورتى ياقمر وانتظرى دعوة على السحور قريبة
بين اهل واحبة بين اركان خيمة ورد الرمضانية[/]

**منى سامى** **منى سامى** · 08-11-2011, 08:18 AM

[]بكل الحب والود والصفاء
نبتدى ليلة جديدة من ليالى
خيمة ورد الرمضانية
نبتديها ببركة بسم الله[/]

[][/]

[]رمضان جنة جت من الرحمن
شمعة بتكبرا
في فانوس أخضر
رمضان نور
وهلاله يبان دائما فرحان
رمضان فرحة
شجرة و طرحه
اديني بلحه
بيتك عمران بياميش رمضان
رمضان جنة جت من الرحمن
أصحي يا نايم ربك دايم
ده سحور بركه و خير للصايم
شمعة بتكبر
في فانوس أخضر
رمضان نور
وهلاله يبان دائما فرحان

واجمل كلام اتقال فى شباب الثورة
وعلى لسان شباب الثورة

تعالو نشوف الشاب
عمر قطامش بيقول ايه
[/]

[]قالوا عنى شاب سيس لا أعرف
غير التهييس وثقافة عمرى تتلخص
فى شات الياهو والفيس
بنطالى يسقط عن وسطى
شبرين كـ شاب خنفيس
وأقول الـ Hey وأتبعها بالـ Thanks
أو Man أو Peace
وأتفتف فى شعرى جلاً
او بالتوكة والدبابيس
اتقبل منك السب
وأقبل قولك انى سيس
فبـ صرخة شاب سيس
سقط نظامـ ورئيس !
ومحطة إعلام الـ كاكى
رخصتهمـ كانت ملاكى ,,
قبل الثورة اخترناه وبايعناه
بعد الثورة غنوا لولاكى ,,
يوماً قلبت التلفاز لمحطة اعلام الكاكى ,,
لأتابع اخبار الثورة بعد ان افتعلت ارباكى ,,
قالت مذيعة بلهجة سريعة ,,
معنا مسئول كبير ليناقش امر التحرير ,,
أوجدنا حلاً لنقلل عدد المحتشدين على الميدان ,,
قطع الماء وقطع النور وقطع الفول
مع إلغاء النت وشبكات المحمول ,,
ولنقضى على المليونية
اوجدنا حلاً وبسرعة ,,
وبدون نقاش وجدال
قد الغينا يوم الجمعة ,,
كى نهدأ برهه وننام
خلى الأسبوع ست أيام ,,
ولاثبت للعالم إنى اهتم بدينى للأبدى
فـ صلاة الجمعة يا ولدى
كمؤازرة سنصليها مع اخوتنا يوم الاحد
ميرسى .. ميرسى يا فندم ,,
معنا شاب شرير .. من ميدان التحرير ,,
يا ناس انام على الأرض
والجسم من البرد يكاكى ,,
والمعدة صارت خاوية
كالصحراء بلا أشواك ,,
لا تشكو من هضم حتى
من اسهال او امساك ,,
والإعلام يقول بأنا نلهط وجبات الكنتاكى ,,
يا مصر انا لم يأخذنى للثورة حبك ألاكى ,,
يا مصر انا لم يأخذنى للثورة حبك ألاكــ !!
عذراً إنقطع الإرسال ,,
جائتنا إنباء مهمة ,,
حذروا فزروا ؟!!!
صح ,,
نجحت الثورة ,,
نجحت ثورتنا يا عالمـ ,,
نجحت ثورتنا ,,
ماذا ستقول يا فندم ؟!!
مبروك للشعب ولينا .. فاليوم فهمنا الحرية ,,
مبروك لشباب ناضل .. من أجل الديمقراطية ,,
كنا دوماً معهمـ فيها .. والله الأدرى بالنية ,,
عذراً لحظات ونواصل .. بعد فواصل إعلانيه ,,
لو شاكك او عندك خوف
قلقان من ضربة مولتوف ,,
لو خايف من غزة مطواة
هتجليك منهم على سهوة ,,
لو عايز تتحلى بصحة
لا تخاف على صوتك من ضحى ,,
ولا تهرب من اى مناورة
خد لك بق عصير الثورة ,,
عصير الثورة
الشعب يريد طعمـ البرتقال
يا معشر تجار الثورة .. لم يبقى مكان لغبى
احترموا ثورتنا كانت .. تشبه معجزة لنبى
احترموا الثورة واحترموا .. شهداء الوطن العربى[/]

**منى سامى** **منى سامى** · 08-11-2011, 08:36 AM

[]الفقرة الثانية
افلام عشقناها وعشناها
ليها فى قلوبنا مكان
هنفزر ونحزر مع عشاق الافلمانات
ونقول بعد التفكير
اسم الفيلم ده ايه
؟
؟[/]

[][/]

[]الفقرة الثالثة
وعجائب وغرائب خلق الله
واكيد هنقول مع بعض سبحان الله

( الذي أحسن كل شيء خلقه وبدأ خلق الإنسان من طين ( 7 ) ثم جعل نسله من سلالة من ماء مهين ( 8 ) ثم سواه ونفخ فيه من روحه وجعل لكم السمع والأبصار والأفئدة قليلا ما تشكرون ( 9) )[/]

[]

[/]

**منى سامى** **منى سامى** · 08-11-2011, 09:12 AM

الفقرة الرابعة
وصندوق الذكريات وحكاية من الزمن اللى فات
وهفتح معاكم صندوق ذكرياتى
وهدعبث لكم فى حاجاتى
واجمل اشياء من مقتنياتى
وصور الماضى فى لوحاتى
وهغمض عنيا واقول
بسمك ياحى ياقيوم

كان عندى يوما عصفوراصفر
بكل عطور الدنيا يتعطر
يغرد لى كل صباح
بصوت رائع صداح

علمنى ههذا العصفور كيف يكون الاخلاص
مع حبه للحريه لم يفكر يوما منى بخلاص

اراقبه كل يوم بشوق و تمعن
وهو يأكل ويشرب وينعم

حتى اصبح شريكا لحياتى
وسببا لكل ابتساماتى

**منى سامى** **منى سامى** · 08-11-2011, 09:54 AM

الفقرة الاخيرة
هنقضيها مع ضيف غالى علينا
وهنعزمه عل السحور
وهنسأله شوية اسأله تقربه اكتر مننا

وهنسيبه يجاوب عليها على انغام اغنية
بهديها له وكل احبابى فى منتدانا الغالى

ارجو ان يستمتع بها
تامر حسنى
افتكر لى

افتكرلى اى حاجه كانت حلوه منى
مش هجرح تانى قلبك
حبيبى خلاص سامحنى
انا مش عارف ابعد عنك
انا مش عارف حتى اعيش
واللى تعبنى بحبك اكتر
وانته بعيد ومبتشفنيش
معقول قادر تسيبنى وفرقنا سهل عندك
عديهالى عشان خاطرى حبيبى دنا حته منك
ايامى حبيبى فى بعدك والله مبيعدوش
انا ايه خلانى اخترت البعد لما انا مش قده

ضيفى اليوم من جيل الشباب
جيل الثورة عوزين نقرب منه
اكتر ونعرف طريقة تفكيره
ضيفى رسام موهوب
خطوطه رقيقة كرقة مشاعره
بنوته حلوة دخلت قلوبنا مع دخولها منتدانا
اصبحت فرد من العيلةبنكاتها الجميلة
عندها اصرار تكون فنان له مكان
حبيبتى وضيفتى الجميلة
روفان اسامة

ارجو ان اكون محاورة لطيفة وليس عقيمة
وتكون اسئلتى خفيفة وظريفة

س1 بما انك من جيل الثورة اعلن المجلس الاعلى للقوات المسلحة
قبول ترشيحك لرئاسة الجمهورية
فما هى خطتك وما هو برنامجك الانتخابى باختصار؟

س2 ما معنى اسم روفان وهل هو اسمك الحقيقى
ومن اختار لك هذا الاسم الجميل؟

س3لو اتاحت لك الفرص للهجرة الى امريكا
فما موقفك ؟ ولماذا؟

س4من وجهه نظرك كشابة وطالبة علم
ماذا ينقص التعليم فى مصر وما خطتك للنهوض به؟

س5 اغنية تحبى الاستماع لها وتهديها لمين؟

س6من هو مثل روفان الاعلى وما طموحاتك المستقبلية؟

س7لو قدمتى دعوة لاهل ورد للحضور لمدينتك الجميلة
فما هو شكل الرحلة بالتفصيل واين تصطحبينا؟

س8الفنون جنون او الجنون فنون فما رايك ومن الفنان المميز لديك
وما العمل الفنى الذى يؤثر بك؟

س9
نتعامل جميعا مع ا / محمد ورد من خلال ألهندسة الصناعية
وفتنتلى العصفوره انك تعاملتى
معه بشكل مباشر
ياترى ايه انطباعاتك عنه سوف
اعطيكى اختيارات
1 يتعامل بشكل دكتاتورى متسلط
2 يتعامل بشكل ودى
3 يناقش ويتفهم بشكل ايجابي
4-عنيد وغير متفاهم اطلاقا

س10 تنازل لك مدير منتديات ألهندسة الصناعية
عن ادارة المنتديات بالكامل
فما خطتك لتطوير المنتدى بكل حرية؟

اتمنى لك قضاء وقت ممتع مع اجاباتك للاسئلة
مع كوب عصير من مطبخ ورد
واجمل ورود

**امل نيازى** **امل نيازى** · 08-11-2011, 10:23 AM

[]الحلو قطامش
واجمل الاشعار
وحلول فوازير فيها مابنحتار
صحبه رائعه وسهرةممتعه
وذكريات جميله
نسعد بيها كل ليله
الله عليكى
حبيبتى
مراقبه ألهندسة الصناعية
الجميله
منى سامى
رائعه دائما
كل الشكر والتقدير لمجهودك واختيارك الجميل
دمتِ حبيبتى بكل خير
[/]

**نااانو** **نااانو** · 08-11-2011, 12:25 PM

[]ليلة جميلة من ليالى الخيمة الفريدة
مع ابن حميدو والعصفور
فى لوحات جميلة بيدور
على انغام حلوة
وشعر حلمنتيشى ثورى جميل
وزينه الخيمة اليوم
الجميلة الفنانة الموهوبه
روفان
منورة الخيمة بحضورها الجميل
تسلمى منى
امسية رائعة بروعه صاحبتها
شكرا لكِ[/]

**هالة** **هالة** · 08-12-2011, 02:03 PM

[]بسم الله نستفتح ونقول
سيري على بركة الله
يانورماندي تو تو تو
القبطان ابن حميدو
والريس حسن تو
وصلوا لألهندسة الصناعية
ونوروا الخيمة
حلوا الفزورة
وعرفنا فين بطن الزير
ومع قطامش الشاب الوسيم
طَيَّرنا كام وزير
وغرد العصفور الكناري
اللي كان هو كمان
داري بيا وبناري
نار والعة من الظلم والجور
طفاها ربنا واهي دولة وتغور
دولة ظلم اخرها عذاب
كسرة وذل ورمية كلاب
انا مستنية
الخيمة الجاية
دايما مليانة بالفرح
وصحبة هنية
[/]

**زهرة الكاميليا** · 08-12-2011, 02:33 PM

منى
الغالية

ما أجمل خيمتك
الرمضانية المدهشة
خيمة ألهندسة الصناعية 2011
وما أروع ما تبدعين فيها من فقرات
تخطف عين المشاهد وقلبه

نشكر لك جهدك منى
وتنوع أفكارك ومحاوراتك
وأحي كل ضيوفك
بحيويتهم وثراء تواجدهم

نتابع ..بإستمرار
دمت بإذن الله متألقة
عاما بعد عام

**منى سامى** **منى سامى** · 08-13-2011, 08:30 AM

[]الله على اجمل قلوب
واحلى كلمات من اروع ناس
حبيباتى الغاليات اسعدنى
مروركن بخيمة ألهندسة الصناعية
وكلامكن الرائع المميز
الذى يسعدنى ويشجعنى للبحث عن للافضل
دمت لى خير صحبة يسعد بها قلبى
الجميلة مبدعة
الغالية نااانو
الحبيبة هالة
الرائعة زهرة الكاميليا
شكرا من القلب[/]

[]الظاهر ان ضيفتى الغالية
روفان اسامة
لم تتمكن من الدخول للخيمة لسبب ما
واكيد هو سبب كبير
الذى منعها من الحضور
نلتمس لها العذر
ونسعد بها اى وقت
لتجيب على الاسئلة[/]

[]
وهنسمى بسم الرحمن
ونبدأ ليلة جديدة من ليالى
رمضان
وخيمة مليانه حب وخير وسلام
ونية صافية لكل الانام[/]

[]ونشوف الخال هيقولنا ايه
عن ثورة شباب 25 يناير
عبد الرحمن الابنودى[/]

[]ايادى مصرية سمرا
ليها فى التميز
ممددة وسط الزئير بتكسر البراويز[/]

[]سطوع لصوت الجموع شوف
مصر تحت الشمس[/]

[]آن الآوان ترحلى يا دولة العواجيز[/]

[]عواجيز شداد مسعورين أكلوا بلدنا أكل[/]

[]ويشبهوا بعضهم نهم وخسة وشكل[/]

[]طلع الشباب البديع قلبوا خريفها ربيع[/]

[]وحققوا المعجزة صحوا القتيل من القتل[/]

[]اقتلنى قتلى ما هيعيد دولتك تانى[/]

[]بكتب بدمى حياة تانية لأوطانى[/]

[]دمى ده ولا الربيع الاتنين بلون أخضر[/]

[]وببتسم من سعادتى ولا أحزانى[/]

[]تحاولوا ما تحاولوا ما تشوفوا وطن غيره[/]

[]سلبتوا دم الوطن وبشيمته من خيره[/]

[]أحلامنا بكرانا أصغر ضحكة على شفة[/]

[]شفتوتش الصياد يا خلق بيقتلوا طيروا[/]

[]السوس بينخر وسارح تحت أشرافك[/]

[]فرحان بيهم كنت وشايلهم على كتافك[/]

[]وأما أهالينا من زرعوا وبنوا وصنعوا[/]

[]كانوا مداس ليك ولولادك وأحلافك[/]

[]ويا مصر يا مصر آن العليل رجعتله أنفاسه[/]

[]وباس جبين للوطن ما للوطن داسه[/]

[]من قبل موته بيوم صحوه أولاده[/]

[]إن كان سبب علته محبته لناسه[/]

[]الثورة فيضان قديم[/]

[]محبوس مشافوش زول[/]

[]الثورة لو جد متبانش فى كلام أو قول[/]

[]تحلب وتعجن فى سرية تفور
فى القلب وتنغزل فتلة
فتلة فى ضمير النول[/]

[]متخافش على مصر يا با مصر
محروسة حتى من التهمة
دى اللى فينا مدسوسة[/]

[]ولو أنت أبوها بصحيح وخايف
عليها أى تركتها ليه بدن بتنخره السوسة[/]

[]وبيسرقوكى يا الوطن قدامنا عينى عينك[/]

[]ينده بقوة الوطن ويقلى قوم[/]

[]فينك ضحكت علينا الكتب بعدت بينا عنك[/]

[]لولا ولادنا اللى قاموا يسددوا دينك[/]

[]لكن خلاص يا وطن[/]

[]صحيت جموع الخلق قبضوا
على الشمس بأيديهم[/]

[]وقالوا لا من المستحيل
يفرطوا عقد الوطن تانى[/]

[]والكدب تانى محال يلبس قناع الحق[/]

[]بكل حب الحياة خوط فى دم اخوك[/]

[]قول أنت مين للى باعوا
حلمنا وباعوك وأهانوك[/]

[]وذلوك ولعبوا قمار بأحلامك[/]

[]نيران هتافك تحرر صحبك الممسوك[/]

[]يرجعلها صوتها مصر تعود ملامحها
تاخد مكانها القديم[/]

[]والكون يصالحها عشرات
السنين تسكونوا بالكدب فى عروقنا[/]

[]والدنيا متقدمة ومصر مطرحها[/]

[]كتبتوا أول سطور فى صفحة ثورة[/]

[]وهما علما وخبرة مداورة ومناورة[/]

[]وقعتوا فرعون هرب من قلب تمثاله[/]

[]لكن جيوشه مازالوا بيحلموا ببكره[/]

[]صباح حقيقى ودرس جديد أوى فى الرفض[/]

[]أتارى للشمس صوت وأتارى للأرض نبض[/]

[]تانى معاكم رجعنا نحب كلمة مصر[/]

[]تانى معاكم رجعنا نحب ضحكة بعض[/]

[]مين كان يقول ابننا يطلع من النفق[/]

[]دى صرخة ولا غنى وده دم ولا شفق[/]

[]أتاريها حاجة بسيطة الثورة يا أخوانا[/]

[]مين اللى شافها كده مين أول اللى بدأ[/]

[]مش دول شاببنا اللى قالوا كرهوا أوطانهم[/]

[]ولبسنا توب الحداد وبعدنا أوى عنهم[/]

[]هما اللى قاموا النهارده يشعلوا الثورة[/]

[]ويصنفوا الخلق مين عنهم ومين خانهم[/]

[]يادى الميدان اللى حضن الذكرى وسهرها[/]

[]يادى الميدان اللى فتن الخلق وسحرها[/]

[]يادى الميدان اللى غاب اسمه كتير عنه وصبرها[/]

[]ما بين عباد عاشقة وعباد كارهة[/]

[]شباب كان الميدان أهله وعنوانه[/]

[]ولا فى الميدان نسكافيه ولا كابتشينو[/]

[]خدوده عرفوا جمال النوم على الأسفلت[/]

[]والموت عارفهم أوى وهما عارفينه[/]

[]لا الظلم هين يا ناس ولا الشباب قاصر[/]

[]مهما حاصرتوا الميدان عمروا ما يتحاصر[/]

[]فكرتنى يا الميدان بزمان وسحر زمان[/]

[]فكرتنى بأغلى أيام فى زمن ناصر[/]

[]شايل حياتك على كفك صغير السن[/]

[]ليل بعد يوم المعاناة وأنت مش بتأن[/]

[]جمل المحامل وأنت غاضض[/]

[]بتعجب أمتى عرفت النضال[/]

[]اسمحلى حاجة تجن[/]

[]أتاريك جميل يا وطن مازلت وهتبقى[/]

[]زال الضباب وانفجرت بأعلى صوت[/]

[]لا حركتنا نبتسم ودفعت أنت الحساب[/]

[]وبنبتسم بس بسمة طالعة بمشقة[/]

[]فينك يا صبح الكرامة لما البشر هانوا[/]

[]وأهل مصر الأصيلة اتخانوا واتهانوا[/]

[]بنشترى العزة تانى والتمن غالى[/]

[]فتح الوطن للجميع قلبوا وأحضانوا[/]

[]الثورة غيض الأمل وغنوة الثوار[/]

[]الليل إذا خانه لونه يتقلب لنهار[/]

[]ضج الضجيج بالندا اصحى يا فجر الناس[/]

[]فينك يا صوت الغلابة وضحكة الانفار[/]

[]وإحنا وراهم أساتذة خايبة[/]

[]تتعلم ازاى نحب الوطن وامتى نتكلم[/]

[]لما طال الصدى قلبنا ويأسنا من فتحه[/]

[]قلب الوطن قبلكم كان خاوى ومضلم[/]

[]أولنا فى لسة الجولة ورا جولة[/]

[]ده سوس بينخر يا أبويا فى جسد دولة[/]

[]أيوه الملك صار كتابة إنما أبدا[/]

[]لو غفلت عينا لحظة يقلبوا العملة[/]

[]لكن خوفى مازال جوه الفؤاد يكبش[/]

[]الخوف اللى ساكن شقوق القلب ومعشش[/]

[]واللى مش راح يسيبه ولسه هيبقوا[/]

[]وهيلاقولهم سكك وببان ما تتردش[/]

[]وحاسبوا أوى من الديابة اللى فى وسطيكم[/]

[]وحاسبوا أوى من الديابة اللى فى وسطيكم[/]

[]وألا تبقى الخيانة منك وفيكم[/]

[]الضحك على البق بس الرك على النيات[/]

[]فيهم عدوين أشد من اللى حواليكم[/]

**منى سامى** **منى سامى** · 08-13-2011, 08:45 AM

[]الفقرة الثانية
مع فوازير جبناها مخصوص
لكل عشاق الافلام
وعشنا معاها احلى ايام
وحزر فزر اسم الفيلم ده ايه؟؟[/]

[]

الفقرةالثالثة

وعجائب خلق الله
وله فى خلقة شؤون
سبحان الله العلى العظيم[/]

[]

[/]

إعـــــــلان

خيمه ألهندسة الصناعية رمضان 2011

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك