إعـــــــلان

**ملك** **ملك** · 08-21-2011, 06:04 PM

الغالية منى سامى شكرا لكِ
على الخيمة الرمضانية
و امتاعنا باجمل الموضوعات
و الفقرات الرائعة مع ضيوفك الكرام
كل عام و انتى بحير تسلم يدك

**السيلاوي** **السيلاوي** · 08-21-2011, 11:30 PM

انا معكم يا احبابي لا تتركوني
وان رحتوا على خيمة الورد
وحدي لا تخلوني
اعز الحبايب عنكم ما تخليت
و حق اللي رفع السما
و عمر البيت
منى يللي بنيتي خيمة العز
بالحب اركانها ابد ما تنهز
يجزيك ربي عنا كل خير
و الدعا الك على
طول الدهر ما ينعز
اجمل ترحيب بالغالي ابو نيره
و بانتظار العزيزه الفنانه

**الفنانه** **الفنانه** · 08-22-2011, 03:11 AM

بسم الله الرحمن الرحيم
اولا احب اشكرك جدا جدا اختى الغاليه
منى سامى
على الخيمه الرمضانيه الرائعه و على اسلوبك المشوق اللذيذ
الذى احبه كثيرا
وعلى شخصك الجميل الذى هو احب الشخصيات واقربها الى قلبى
ثانيا اشكرك كثيرا على المقدمه الرائعه التى اخجلت تواضعى
اما عن الاغنيه التى اهديتنى اياها فانى اعشقها جدا جدا احسنتى اختيارك الذى اتحفنى
وعلى بركه الله ابدا الاجابه على الاسئله

س1 الفن بحر عميق متنوع ومتشعب فلماذا اطلقتى على نفسك
انسانة فنانة؟ وفى اى بحور الفن تسبحين؟
اقصد بمعنى انسانه فنانه انسانه بسيطه تعشق الفن بكل انواعه
وبالذات فن الرسم لانه من الفنون المقربه الى نفسى ومن هواياتى منذ الصغر
اما اهلى واقربائى واصدقائى يطلقون على الفنانه وهذا شرف لى واتمنى ان اكون فنانه بما تحملها الكلمه من معنى

س2 انا احب منتديات ألهندسة الصناعية لانها ... لانها ماذا ؟
لانها شامله جامعه كل انواع الفنون التى اعشقها
ولانها بها صحبه طيبه وكل اهلها بمثابه اخوة لى

س3 لكل منا فى حياته لحظات حزينة
مر بيها ولحظات سعيدة اخبرينا بالله عليك
ما اسعد لحظاتك وما احزنها؟
اسعد لحظات حياتى عندما نظرت فى وجه طفلى الاول بعد الولاده لان الله رزقنى طفلى الاول بعد 5 اعوام من زواجى
اما احزن لحظاتى هى مرض ابى بجلطتين فى القلب ووجودى بجانبه داخل المستشفى

س4 لو حبيتى تبعتى اربع مسيجات
لاربع اشخاص فى المنتدى فلمن وماذا تقولى لهم
اختارى الاشخاص الاربع واكتبى المسيجات لهم؟
المسج الاول
الى استاذى القدير
محمد ورد
اشكرك من كل قلبى على احياء هذا الصرح الجميل
عالم ألهندسة الصناعية الذى يتحفنا جميعا بما يقدمه لنا من فنون جامعه شامله
تحياتى لشخصك الكريم
المسج الثانى
الى حبيبتى الجميله الرقيقه
منى سامى
اهديكى باقه ورد خالصه الى شخصك النبيل
وعلى مجهودك الرائع فى منتدانا
مع ارق تحياتى
المسج الثالث
الى الاستاذ القدير
ملك
شكرا لك بما تقدمه من مواضيع رائعه
تعجبنى كثيرا كثيرا
واستفيد منها جدا
واحب اشكرك على ردك الرائع الذى يزين جميع مواضيع ألهندسة الصناعية
لك ارق تحيه
المسج الرابع
استسمحك بان اهديه الى جميع اعضاء وعضوات منتدى ورد الرائع والمحبب الى قلبى الذى اعتبرهم كلهم اخواتى واخوانى
تحيه طيبه منى لكم
واجمل باقه من الزهور لاجمل منتدى

س5 تتميز ألهندسة الصناعية بمصداقيه كبيره بين اهلها
فهل كان لك حظ فى اختبارها كونت
لديك قناعه بان هذه المصداقيه حقيقه ؟
نعم احيانا كان الاستاذ محمد ورد يعمل جوائز لعمل مواضيع فى اقسام معينه
و صادفنى الحظ مرتين لاناله الجائزه بالفعل

س6كلمات سمعتيها وعجبتك سواء قصيدة او اغنية
و لمن تهديها؟
كلمات اغنيه على بالى لعايده الايوبى تعجبنى كثيرا جدا
و اهديها الى كل شاب مصرى فى الغربه

س7 الندم شئ فظيع فهل ندمتى على شئ
و ما هو ؟
ندمت على عدم تكميلى لدراستى
لانى خريجه معهد للفنون قسم زخرفه وديكور
و كانت امنيتى انى اكمل دراستى فى احدى الكليات الفنيه
و لكن منعنى ابى لانه كان يخاف علي ان اسكن فى بيت طالبات بعيد عن البيت فرفض و لكن الخيره فيما اختاره الله

س8 لو قلت لك لمن تقولى هذه الكلمات
1-سلام من القلب بعت لك
2-اهواك واتمنى لو انساك
3-بعيد عنك حياتى عذاب
4-بحلم بلقاك
سلام من القلب بعت لك يا امى الغاليه
اهواك و اتمنى لو انساك و لكننى عندما اهوى لا اتمنى ان انسى
بعيد عنك حياتى عذاب اقولها للقلوب الطيبه الطاهره و النفوس و النوايا الصافيه
بحلم بلقاك احتفظ بالاجابه لنفسى

س9 رحلة مع اهل ورد الغاليين فأين تذهبى بنا
صفى لنا الرحلة؟
والله اتمنى هذه الرحله بالفعل والرحله ستكون فى مدينه الاسكندريه عروس البحر الابيض المتوسط
من ابوقير حلقه السمك الجميله واعزمكم على احلى اكله سمك وجمبرى
وقصر المنتزه الرائع وشاطىء البحر الخيالى
ومكتبه الاسكندريه حيث نقضى بعض الوقت المفيد والرائع
ولكن معالم الاسكندريه كثيره مثل المسرح الرومانى وقلعه قايتباى والمنحف اليونانى الرومانى والمرسى ابو العباس على الاقل اسبوع للاستمتاع بالرحله والصحبه الجميله

س10 لو كنتى انت المسؤلة عن ألهندسة الصناعية
فما هى السلبيات التى تتمنى التخلص منها فى منتدانا
وما هى الجوانب التى تحتاج تطوير منك بكل حرية
فأنت مديرة المنتدى؟
لو كنت انا المسئوله عن اداره هذا المنتدى الرائع لما وجدته باكثر من هذه الصوره الثريه ابدا واوجه شكرى وتقديرى الى استاذنا الغالى محمد ورد الذى يقيم هذا المنتدى ويديره بشكل رائع ومقنن يبذل كل الجهد للرقى بهذا المنتدى وتطويره منتدى ثرى بمعلوماته يفيد الباحث والطالب ويخدم الجميع دون التفكير بالربح المادى ولا اجد من العيوب لاقولها عن هذا المنتدى الرائع بل انه من احسن المنتديات

واخيرا اوجه شكرى اليك يا غاليه
على استضافتى
واشكر جميع الاعضاء والعضوات الذين يسعوا لخدمه الاخرين من خلال هذا الصرح
الذى هو قائم بجهودهم
ملحوظه تسلم يديك على القهوه
مع ارق تحياتى
اختكم الفنانه

**امل نيازى** **امل نيازى** · 08-22-2011, 07:25 AM

القلب يعشق كل جميل
ولصحبتكم الجميله القلب يميل
اجمل تحيه لاروع صحبه خير
شخصيات عملاقه بفنها
جميله فى تواضعها
كريمه بعطائها
الجميله
منى سامى
متابعه ممتعه للقائتك المتجدده
تحياتى وتقديرى لابداعك
وتالقك الرائع
شكرا لك

**منى سامى** **منى سامى** · 08-22-2011, 09:54 AM

الله عليكم اجمل ورود بستانى
اسعدكم الله كما اسعدتونى بردودكم الجميلة

أخى ابو نيرة
نورت الخيمة وزينتها بروحك الجميلة
وردودك الرائعة رغم اختصارها
بارك الله فيك وأعطاك من الخير حتى ترضى

أخى ملك
اسعدنى ردك الجميل وتشريفك الخيمة
ربنا يطمنا عليك وتنوردايما منتدانا
اشكرك من القلب على حضورك الجميل

أخى السيلاوى
ايه الكلام الجميل ده كل يوم نكتشف فيك
انواع جديدة من الفن يضاف لشخصيتك الرائعة
كل الشكر ليك لكلمات الجميلة جدا
التى زينت بيها خيمة ورد
ولروحك الرائعة التى تزين بيها منتدانا

أختى وحبيبتى المبدعة
مبدعة
نورتى الخيمة ياقمر كما تنيرين حياتى
بطيبة قلبك وكلامك الرائع وروحك الملائكية
تسلمى لى حبيبتى ربنا يبارك فيك

اما الفنانة فأحيكى تحية خاصة
لحضورك الخيمة واتحافنا
مميزة رقيقة رائعة
واشكرك من قلبى للمحبة
الصادقة لكل اعضاء منتدانا
فأنت فراشة رقيقة وفنانة حقيقية
ربنا يسعدك ياغالية ويحقق لك كل ماتتمنى

ونبدأ على بركة الله
ليلة جديدة يارب سعيدة
على كل الاحبة فى منتدانا
وليلة جديدة من ليالى خيمة ورد الرمضانية

نبدأها بكل الحب
وباقة ورد لقلوب صافية هنا اتلمو
وبأجمل صورة لمنتدانا حلمو
وكل معانى الاخلاص فهمو

ونقول احلى كلام
احمد فؤاد نجم يسخر قائلا
دا شعب فقرى

نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك....... نسترحمك
نستعطفك ...... نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا في يومين شقا
عايزين نجرب الإضطهاد
ونعوم ونغرق فى الفساد
بيني وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم

**منى سامى** **منى سامى** · 08-22-2011, 10:01 AM

[]الفقرة الثانية
حزر فزر لكل غاوى للافلام
تعالى قول قوام بكل أهتمام
اسم الفيلم ده ايه؟
؟
؟
؟[/]

[]

الفقرة الثالثة وعجائب وغرائب
واللى يعيش ياما يشوف
أضخم اشياء[/]

[][/]

[][/]

[][/]

[][/]

[][/]

**منى سامى** **منى سامى** · 08-22-2011, 10:18 AM

الفقرة الرابعة
صندوق الزكريات
واجمل عمر فات
كان فيه شوية آهات
لكن يحمل بين الطيات
أشياء ومواقف جميلة فاكرنها دايما
وجبت لكم اجمل صور فى لوحات عن لعب زمان
واخويا واختى وابويا وامى
عيلة بكل الحب اتجمعت

أخويا الصغير كان فاكهه حياتى
وكان بنظرة عينه يمسح آهاتى
أهدية تحية حب فى سلاماتى

مع اجمل لحظات حياتى
لما يقتلنا اللعب ونتلم على بعض ويغلبنا النعاس
مالقاش غيره على صدره ارتاح من بين الناس

**منى سامى** **منى سامى** · 08-22-2011, 10:56 AM

[]الفقرة الاخيرة
مع ضيف علينا عزيز
بكل الحب نقوله اهلا بيك
واجمل باقة ورد هنهديك
وشوية أسئلة نتمى ترضيك
نقوله مقدما هتسعدنا بيك

وعلى انغام اغنية من القلب نهديها لك
مع كل اهل منتدانا هنسمعها لك
اخترت لكم الليلة اغنية
خفيفة وكلماتها جميلة

نانسى عجرم
مين ده اللى نسيك[/]

[]مين ده اللى نسيك
تعرف لو قلبى بيتكلم
كان رد عليك
مين ده اللى نسيك
قبل مانتعاتب طب سلم
الله يخليك
واعملك ايه بقول هنسى ومبنساش ليه
هواك لسه انا عايشة عليه
ومش حاسة ان انا هقدر اعيش غير بيه
لو عدو سنين قلبى محلفنيى
انى ما اكمل غير وانا وياك
تعرف لو مين قسانى عليك
مهما يعمل انا مش هنساك
واعملك ايه بقول هنسى ومبنساش ليه
هواك لسه انا عايشه عليه
ومش حاسة ان انا هقدر اعيش غير بيه[/]

[]

ضيفى النهارده ضيف غالى باحساس عالى
كله رقة وذوق ردوده وموضوعاته بتقول
انه انسان جميل وقلب كبير
برقته ملا المنتدى وفى قلوبنا تلاقى له مكان
دكتور بيداوى جراح ولكلامه الحلو ترتاح
ضيفى النهارده الجميله dr-obgy
اتمنى تسعدى باسئلة شهية
على دعوة على السحور[/]

[][/]

[]س1 لو اعطيتك المايك وقولت لك عرفينا بيك
مين dr-obgy ولماذا اطلقتى على نفسك هذا اللقب؟[/]

[]س2 يتمنى كل منا ان يصادف الصديق الصدوق
فهل صادفتيه فى حياتك وما هى صفاته؟

س3 منتدانا بيتنا الجميل نعطى فيه بكل الحب
كيف عرفتى طريق ألهندسة الصناعية
وماهى المميزات التى جعلتك تحبى الاقامة فيه؟[/]

[]س4 اربع كلمات لمن ترسليهم
1- الامانه 2- الحزن-3 الخيانة-4الحب؟[/]

[]

س5 فى رايك حبيبتى ماذا ينقص ألهندسة الصناعية لكى يكون مميزا
وما خطتك لتطوير المنتدى لو كنت انت مديرة ألهندسة الصناعية؟[/]

[]س6 هقدم لك دعوة من شركة البساط السحرى التابعة لمنتدانا الغالى
لتجوبى العالم فمع من تتمنى الذهاب والى اين؟

س7 اغنية تحبى الاستماع لها
وانت هادئة صافية الذهن ولمن تهديها؟[/]

[]س8 سؤال يحيرنى--انت دكتورة فما علاقة الفن بالمشرط
وغرفة العمليات هل هناك علاقة ام هى لحظات تنفيس
عن فنان بداخلك يرتدى ثوب طبيب؟

س9 هناك لحظات محرجة نمر بها
وايضا لحظات صعبة ماهى
اصعب واحرج اللحظات التى مريتى بها؟[/]

[]س10 كلمة تحبى ان تهمسى بها فى اذن أستاذ محمد ورد
ولا تخافى لن تحذفها الرقابة هههههههه؟

اسعدنى جدا قبولك الدعوة
واشكرك من قلبى مع
فنجان شاى من مطبخ ورد

[/]

**بنت تونس** **بنت تونس** · 08-22-2011, 12:31 PM

[]خيمه ثريه واركان منيره بحروفها وضيوفها
المميزه بنجمتها الامعه
منى سامي
اسعد دائما بمروري واستمتع بما تقع عليه
عيني من ابداع بخيمة الثقافه والرقي
دمتي حبيبتي ودامت خيمتك[/]

**ابو نيرة** **ابو نيرة** · 08-22-2011, 12:35 PM

[]الاخت منى سامي
شكرا لك واختصرت حتى اكون خفيف على الصائمين في الشهر الكريم
وكل عام وانتي بالف خير
وفيلم الزوجة الثانية
للفنانة سعاد حسني
وعملاقي السينما المصرية
الفنان صلاح منصور وشكري سرحان
[/]

**نااانو** **نااانو** · 08-22-2011, 01:37 PM

[]أجمل لقاء بيكون فى اروع خيمة
بها كل جميل
من صحبة وشعر ومعلومة
مع ضيوفك استمتعنا بأجوبتهم وتعرفنا عليهم
فنانتنا الجميلة
أبو نيرة
نورتم الخيمة
واسعدنا بأجمل الكلمات من القلب
أخينا الغالى السيلاوى
بارك الله فيك أخى
ومع رواد الخيمة قضينا وقت جميل
مع سماع الشعر والاغنية
منمونتى الجميلة
ورفيقة يومى الغالية
بارك الله فيك حبيبتى
ودائما نسعد معك فى أجمل خيمة
شكرا لكِ[/]

**dr-obgy** **dr-obgy** · 08-23-2011, 08:28 AM

[]س1 لو اعطيتك المايك وقولت لك عرفينا بيك
مين dr-obgy ولماذا اطلقتى على نفسك هذا اللقب؟[/]

[]السلام عليكم ورحمة الله و بركاته[/]

[]اولا احب اشكرك اختنا و مشرفتنا الغالية منى سامى على دعوتك الكريمة
و التقديم الجميل
على فكرة انا بحب الاغنية دى لنانسى عجرم رغم انى مش من المعجبين بالاغانى الجديده لكن الاغنية دى بجد لها مذاق خاص جدا
انا طبيبة امرض نساء و توليد
حصلت على درجة الماجيستير من جامعة عين شمس
و اعمل باحدى المستشفيات الحكومية
بالنسبة لاسمى هنا فى المنتدى فهو عبارة عن اختصار مهنتى
يعنى هى اختصار طبيب امراض نساء و توليد
OBGY(obestetrics and gynecology)

س2 يتمنى كل منا ان يصادف الصديق الصدوق
فهل صادفتيه فى حياتك وما هى صفاته؟[/]

[]الحمد لله عندى من الصديقات من اشعر انهن حقا كنفسى
و الصديق بالنسبة لى هو من يصدقك و لا يجاملك بالباطل
من يكون لك مراه ترى فيها عيوبك قبل مميزاتك
من يتقبلك كما انت
من يقف بجوارك فى الشدائد دون ان تطلب منه[/]

[][/]

[]س3 منتدانا بيتنا الجميل نعطى فيه بكل الحب
كيف عرفتى طريق ألهندسة الصناعية
وماهى المميزات التى جعلتك تحبى الاقامة فيه؟[/]

[]عرفت ألهندسة الصناعية بالصدفة البحته
فانا احب مشاهدة التابلوهات دون التصوير الفوتوغرافى لانى اشعر فيه بالابداع
و عند قيامى بالبحث فى جوجل وجدت ضالتى المنشودة... ألهندسة الصناعية و لم اتردد بالتسجيل فيه
عندما تجولت بين ربوعه و رايت ما فيه من ابداع اخاذ و مستوى رفيع[/]
كمان حسيت انه منتدى هادى و مريح للنفس , يعنى مفيهوش جدال و ثرثرة و خناقات و ضغائن, فالجميع هنا يتميز بالخلق الرفيع

[]س4 اربع كلمات لمن ترسليهم
1- الامانه 2- الحزن-3 الخيانة-4الحب؟[/]

[]الامانه........ اعاننا الله جميعا على ادائها
الحزن.............لكل مبتلى لا تحزن فان الله يؤجرك على قدر صبرك على ابتلائك
الخيانه.......... احساس صعب لا احب ان اراه و لا ان اعيشه[/]
الحب........ بكل انواعه هو ما يهون علينا عناء الحياة

[][/]

[]س5 فى رايك حبيبتى ماذا ينقص ألهندسة الصناعية لكى يكون مميزا
وما خطتك لتطوير المنتدى لو كنت انت مديرة ألهندسة الصناعية؟
ألهندسة الصناعية مميز فعلا
كان نفسى يكون فى جزء فى المنتدى خاص بالتنمية البشرية او بمعنى ادق جزء يتكلم عن المشاكل النفسية و كيفية التخلص منها و علاجها[/]

[]س6 هقدم لك دعوة من شركة البساط السحرى التابعة لمنتدانا الغالى
لتجوبى العالم فمع من تتمنى الذهاب والى اين؟[/]

بما اننا فى الشهر الجميل شهر رمضان, احب اروح رحلة عمرة و هاخدكم كلكم معايا

[][/]

[]س7 اغنية تحبى الاستماع لها
وانت هادئة صافية الذهن ولمن تهديها؟[/]

[]انا بحب اغنية نبتدى منين الحكايه للعندليب عبد الحليم حافظ[/]

[]س8 سؤال يحيرنى--انت دكتورة فما علاقة الفن بالمشرط
وغرفة العمليات هل هناك علاقة ام هى لحظات تنفيس
عن فنان بداخلك يرتدى ثوب طبيب؟[/]

[]لو تلاحظى هتجدى ان العديد من اشهر الشعراء فى الاصل هم اطباء
يمكن جفاف الماده العلمية يجعل الطبيب يميل ناحية الفن كنوع من التنفيس فعلا
و الضغط النفسى و العصبى ايضا يجعل الطبيب فى حاجة ماسة لما يروح عن نفسه[/]

و على فكرة احيانا تكون مسكة المشرط ايضا فن و ابداع

[][/]

[]س9 هناك لحظات محرجة نمر بها
وايضا لحظات صعبة ماهى
اصعب واحرج اللحظات التى مريتى بها؟[/]

[]اصعب موقف مر بيا كان فى غرفة العمليات فى بداياتى كطبيبة نساء و توليد
كانت حالة متعسرة و كان الطفل نازل فى الحوض بالمقعدة مش بالراس و هو الوضع الطبيعى
و لما فتحت الرحم و حاولت اشد رجل الجنين وحاولت اشد القدم الاخرى لم اجدها مطلقا و حاولت مرارا دون جدوى و كان موقف صعب جدا و مكنش معايا اى دكتور اكبر منى و انا عارفه ان الطفل كده هيبتدى يتعب
و فجاه دخل رئيس قسم النساء و التوليد باحدى المستشفيات الكبرى, فهو ياتى لعمل حالاته بالقسم الخاص فى المستشفى التى اعمل بها[/]
هنا فقط تنفست, و الدكتور لم يتردد عندما سالته المساعده, و الحمد لله ربنا ستر

[]س10 كلمة تحبى ان تهمسى بها فى اذن أستاذ محمد ورد
ولا تخافى لن تحذفها الرقابة هههههههه؟[/]

[]اول مدخلت المنتدى وجدت احد الاعضاء بيعترض على حاجة ليه و اتحذفت
و بعدها رد عليه الاستاذ محمد و قاله انه كمان ممكن يحذف عضويته خالص
حسيت بنوع من الاستفزاز( معلش يا استاذ محمد انا بتكلم بصراحة)
يعنى احنا ممكن نوجه الاعضاء بنوع من اللليونه و المرونه او حتى ممكن نبعت لهم رسالة خاصة ننتقدهم فيها قبل ما ننتقدهم فى العام
كمان فى حاجة انا متحفظة عليها جدااااااااااا
حكاية ان العضو اللى مش بيساهم بمشاركة او تعليق ممكن تتوقف عضويته بعد اسبوعين
طيب نفترض ان اى حد انشغل او حصلت له اى ظروف.
يدخل المنتدى يلاقى الباب مقفول فى وجهه
اتمنى تعيد النظر فى الموضوع ده استاذنا العزيز محمد ورد
مع كل احترام و تقدير ليك
و بكرر شكرى ليكى اختنا الغالية منى سامى[/]

[][/]

**منى سامى** **منى سامى** · 08-23-2011, 10:53 AM

اسعدنى رد كل الغاليين على قلبى
حبيبتى بنت تونس
ربنا يسعدك دايما تنورى خيمة ورد باجمل طلة

اخى ابو نيرة ربنا يبارك فيك ويسعدك
حل الفزورة صحيح فى الملاتين
بارك الله فيك ودمت بخير وسعادة

حبيبتى نااانو
دايما يسعد القلب بتشريفك الغالى
وكلامك النبع من القلب
شكرا ياقمر

اما حبيبتى الغاليةdr-obgy
اقولك نورتى خيمة ورد ياجميلة
بكلامك الرائع واجاباتك المميزة
انت انسانة رائعة وقلب نادر الوجود
تسلمى لى وانا سعيدة بمعرفتك وقربى منك
نورتى ياغالية

ليلة جديدة من ليالى خيمة ورد

ونبدأليلة جديدة يارب سعيدة
على اغلى ناس فى منتدانا
بالحب نقول كلام مش عوزين ابدا خصام
هنقول ياحب جمعنا واملأ دنيتنا بأحلى معنى

وهنسمع احمد فؤاد نجم
وهو بسل سؤال مهم
ازاى احبك يابلد

إزاي أحبك يا بلد وإنتي مش حبَّاني
إزاي أعيش وأموت وأندِفِن في أرض رفضاني
بنام وأحلم ببكرة ألاقي بكرة زَوِّدْ أحزاني
آه يا بلد… لو بإيدي كنت
أهدِّك وأبنيكى من تاني

بيقولَّك تعديل دستوري
إحنا عايزين تعديل إنساني
كل إنجازات البلد أنفاق وكباري
بلد بتموت وشعب فى حالة
سكوت وكإنها لعبة أتاري
من كُتْر الظلم والظلمة
بقول ياريت أيام الملك والإنجليز ترجع تاني

آه يا بلد…مَلِيتْ بحُبرك الدفاتر
مع العلم إنك قتلاني
مين اللي قال إن عبَّارة السلام غِرقِتْ
ومين اللي قال إن ممدوح إسماعيل قاتل وجاني
اللي غرقت مصر واللي غرق ما بيطلعش حي تاني
هوَّ يطلع من صالة كبار الزوار وأنا أتحبس
في سجن المطار وأتعِرِضْ على البحث الجنائي

أنا اللي من صغري إخترتك سِكِّتي… أتريها سِكِّة أحزاني
أنا اللي من صغري أخترتك كِلْمِتي ألاقيكي مقيداني
آه يا بلد نفسي قبل ما أموت ألاقي زمانك وزماني
إتغرَّبت أكتر من سبع سنين ورجعت
لقيت الغربة هنا شكل تاني

بلد بِتعَاني بكل المعاني… بكياني وأنا أملي أحس بكيانى
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتى أبويا اللي رباني

بكرة نتحاسبوا على السكوت وعلى العِيشة العميانى
إبني مكملش سنتين نايم جنب
مني بيشد في شعري ويحط صُباعه في وداني
ويضربني بالقلم ولسان حاله بيقول ليه يابا خلفت تاني
وأنا في سِرِّي بقول ياريتك يا أحمد يابني ياباني إبن ياباني

مع إنّ وجودك في الدنيا عمل فيا وخلاني
أحب البلد أكتر وأهد جدران دكاني
شيخ الأزهر بيقول المعارضة حرام
وأنا نفسي أعرف آية الحلال
فى بلد المِيِتْ مِليون حرامي

**منى سامى** **منى سامى** · 08-23-2011, 11:04 AM

[]الفقرة الثانية
مع حزر فزر اسم الفيلم ده ايه؟
؟
؟

الفقرة الثالثة
وعجائب وغرائب
واغرب مساكن
واللى يعيش ياما يشوف[/]

[]

[/]

[][/]

[][/]

[]
[/]

**منى سامى** **منى سامى** · 08-23-2011, 11:20 AM

الفقرة الرابعة
وصندوق الذكريات واجمل عمر فات
ولحظات مرت لها فى القلب مكان
مابين انسان لذكرى حلوة لمكان
والنهاردة اخترت لكم
بائعة الخضروات
كانت تجلس بجوار بيتنا بائعة للخضروات
وكانت لها فى كل يوم قصص وحكايات
وهى تنادى على بضاعتها وتعلى الضحكات

إعـــــــلان

خيمه ألهندسة الصناعية رمضان 2011

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك