إعـــــــلان

**نااانو** **نااانو** · 12-30-2011, 01:09 PM

ما شاء الله عليك بوبة
بداية جميلة
الفرع جميل ومنفذاه صح
اعملى مجموعه افرع مثله
وعند تجميعهم مع بعض سوف يعطى لك السمك المطلوب
ولو حبيبتى تخانة اكتر ممكن تضيفى له سلك زيادة
أوتغلفيه بقطن طبى او خيوط صوفيه
من بقايا الخيوط اللى عندك
وبعد كل هذا تلفى عليه سلك يكون بقطر رفيع
مثل شجرات هاله
او لو حبيتى تلفى خيط السيرما
انا بشتغل بخيط سيرما يدوى وليس مكن
لان خيط المكن رفيع
وعموما يمكن لك عمل منه مجموعه خيوط وتلفى به
يعنى مثلا تقصى 6 او 8 خيوط بطول واحد وتلفى به كأنه خيط واحد
اتمنى اكون وفقت فى الشرح
وفى انتظار اى استفسار
لى ملاحظة
فى البدايه عندك سلك طويل منفذه عليه الورده الموجودة على القمة
اعملى فرع اخر بسلك طويل ولكن اقصر من الفرع الاولانى
ثم جمعيه مع الاولانى
وبعده اعملى فروع أخرى كل فرع بسلك لوحده
ومع اضافه كل فرع مع الفرع الاصلى
سوف يتخن معك الساق
جربى وعرفينى النتيجة

**هالة** **هالة** · 12-30-2011, 04:37 PM

بوبة الحبوبة
موفقة حبيبة قلبي
وكبداية ماشاء الله عليكِ
تنفيذ جميل واكيد مع الممارسة
حيكون متقن اكثر من كده
زي ماقالت لك الحبيبة
نااانو
اعملي فروع صغيرة
وجمعيها مع بعض
بحيث يكون فرع اطول
من الباقي وبتدريج اطوال الفروع
تجمعيهم في فرع كبير
وبعمل اكثر من فرع تجمعيهم
في حزمة واحدة
عمل فروع وتجميعها
يعطي سُمك للساق
يلا ياحلوة ورينا الشطارة

**dr-obgy** **dr-obgy** · 12-30-2011, 05:38 PM

ما شاء الله بوبه
عجبنى الفرع رغم انك اول مره تعملى حاجة زى كده
بس طالع جميل

**بوبة 44** **بوبة 44** · 12-30-2011, 10:07 PM

شكرا لتشجيعكم لى
بصراحة الفضل يرجع لنااانو وهالة هما اللى عرفونى أزاى أمسك السلك
وأنا بصراحة كنت متابعاهم من زمان قبل ما أسجل فى المنتدى
وربنا يديم المحبة بيننا
شكراdr-obgy على ذوقك وأنا مبسوطة أن الفرع عجبكم

**بوبة 44** **بوبة 44** · 12-31-2011, 01:59 PM

أنا كنت عاوزة أعمل بوكيه مش شجرة
بحيث يكون أوله الوردة وآخره الكريستالة الكورة
بس مش عارفة أثبته على أيه
ياريت اللى عنده فكرة يفيدنى
مستنية تفاعلكم معى

**بوبة 44** **بوبة 44** · 12-31-2011, 03:04 PM

ممكن سؤال لأستاذ محمد ورد
بما أن حضرتك من بورسعيد ممكن أعرف
السلك الفضى اللى بيتعمل منه الشجر
بيتباع عند مين فى بورسعيد والكريستال أشتريه منين
غير كريستال عصفور وشكرا لك

**هالة** **هالة** · 12-31-2011, 03:17 PM

ياترى انتِ عاوزة تعملي بوكيه
للعروسة و الا بوكية للسفرة مثلا
في الحالتين بعد ما تجهزي
كل الفروع زي ماتحبي بتجمعيها
مع بعض في باقة
افتكر بوكيه العروسة اللي في بالك
علشان كده انتِ عاوزة نهاية السلك
كريستالة كرة
و لو حبيتي تعملي بوكيه للسفرة اضغطي هنا

**بوبة 44** **بوبة 44** · 12-31-2011, 04:52 PM

شكرا لأهتمامك العزيزة هالة
أنا شفت البوكيه بيتباع جاهز لكن سعره بصراحة مبالغ فيه جدا
هو بوكيه سفرة لكن كان كله كريستال
ونهايته الكريستالة زى الصورة اللى أنا حطاها
فى الموضوع لكن بدون ورد

**نااانو** **نااانو** · 12-31-2011, 05:50 PM

بوبة الغالية
ان شاء الله انفذ لك فرع بالخطوات
وياريت يكون اللى فى بالك
لانى بصراحة مش قادرة افهم طلبك بالظبط
انتظرينى

**admin** **admin** · 12-31-2011, 06:15 PM

الغاليه بوبه

بعض الخامات الفنيه قد لاتتوفر فى بورسعيد
بسبب قله القوه الشرائيه للخامه
ويمكن شراء السلك من محلات جورج نصيف خلف قهوه الفيشاوى
بمنطقه الصاغه المتفرعه من الموسكى بالقاهره وهو اكبر تجار السلك فى مصر
بكل انواعه الابيض والاصفر والاحمر وقد يبدوا السلك عند شراؤه
داكن اللون ويرسل المحل ولد صغير لورشه مجاوره
لجلى السلك كيماويا بمبلغ زهيد يخرج بعدها السلك
نظيف وبراق مثل المعادن النفيسه
ويبيع هذا المحل السلك بالكيلو او حسب الطلب
اذ يتوافد عليه طلاب قسم المعادن من الكليات الفنيه المتخصصه
شكرا لك

**بوبة 44** **بوبة 44** · 12-31-2011, 06:38 PM

شكرا لكى الغالية نااانو أنا فى أنتظارك
أنا أقصد بوكيه زى اللى فى الصورة
شكرا لأهتمامك بالرد على سؤالى أستاذ محمد
بصراحة السفر فى الوقت الحالى صعب شوية بسبب الأمتحانات
ربنا ييسر الأحوال

**بوبة 44** **بوبة 44** · 01-01-2012, 04:21 PM

كنت عاوزة أسألك يا نااانو الكريستال الصغير الترمسة الواحدة فى القاهرة بكام

**نااانو** **نااانو** · 01-01-2012, 06:49 PM

اهلا بوبة
انا بشترى كرستال عصفور
طبق به 100 حبه ب 25 جنيه
وفيه كرستال صينى
اقل فى السعر لكن معرفش سعره
والكرستاله الكورة 3.25 جنيه عصفور
والسلك من نفس المحل
من درب البرابرة بمنطقة العتبة
محلات بيع النجف

**بوبة 44** **بوبة 44** · 01-03-2012, 03:56 PM

شكرا لردك نااانو وفى أنتظار شرحك زى ما وعدتينى

**بوبة 44** **بوبة 44** · 01-04-2012, 05:43 PM

عملت الورده
بس مش بعرف أظبطها كويس
وكنت عاوزة أحطها فى الفازة
بس عاوزة منكم أفكار أضع معاها أيه
عشان الوردة طلعت صغيرة على الفازة

إعـــــــلان

ورد الكريستال رائع و نفسى اتعلمه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك