إعـــــــلان

**admin** **admin** · 02-27-2012, 09:42 AM

[]الغاليه نونا

اولا احييكى على فكره الموضوع والتى حاولت كثير من المرات طرحها
بشكل غير مباشر من خلال موضوعات كراسي الاعتراف
والخيمه الرمضانيه والحوارات المفتوحه مع اهل ألهندسة الصناعية
باقتراح بعض الاسئله على صاحب الموضوع
لعرضها على ضيوفه لاستشف منها ما يجب عمله
لتقديم منتديات عربيه نموذجيه الى حدا ما

وهنا يبرز دافع هام ومحرض على الديكتاتوريه
الا وهو تجاهل مقاومه التطوير بين فتره واخرى
من منطلق ان مقاومه التطوير نابعه من كثره الاعتياد
على انماط كلاسيكيه ثابته فى التعامل مع المنتديات

ومنها على سبيل المثال حجم الاعتراض الذى جابهته
حين فكرت فى توحيد الصوره الرمزيه لاهل ألهندسة الصناعية
واعتبر البعض انه حق يقرره ويعبر عنه كل عضو بنفسه

اعتقد وبكل صراحه اننى ديكتاتورى فيما ارى فيه صالح ألهندسة الصناعية
كما ان الديكتاتوريه هنا لاتمس جوهر حريه التعبير الشخصى
بقدر الاجتهاد لتصب فى النهايه فى مصلحه محبى ألهندسة الصناعية وعشاقها
كمنتديات راقيه تستمد قوه تواجدها من اتحاد اهلها على تقديم
كل ما نشعر بانه مميز وراقى ونافع ومفيد
وتحضرنى هنا مقوله الاستاذه الدكتوره مها زكريا عبد الرحمن درويش
عميده كليه التربيه النوعيه ببورسعيد
( ألهندسة الصناعية تجربه رائعه وناجحه عربيا ان لم يكن عالميا )

ولعل موضوعك يسهم بشكل فعال في طرح جوانب
تساعد فى المزيد من التطوير والارتقاء بمنتدانا
شكرا لك
[/]

**بنت تونس** **بنت تونس** · 02-27-2012, 03:00 PM

[]الغاليه نونا
ليس من باب المجامله او خوف من دكتاتورنا
الطيب استاذ محمد ورد
بل ساقول رائي بكل صراحه ان كانت
الديكتاتوريه ستقودنا الى التميز والارتقاء
وتقديم ماهو افضل فمرحبا بها ان كنا
رضينا بدكتاتوريه قادتنا الى حافة الهاويه الا
نرضى بدكتاتور يرتقي بالفكر والمستوى علما
ان استاذ محمد يمارس معنا الديمقراطيه ومن
وقت لاخر يحاول معرفة نقائص منتدانا واصلاح
مايراه يتماشى ومنهجه الذي رسمه لجعل
ألهندسة الصناعية في مستوى عالمي
شكري وتقديري لكل من ساهم في تطوير
ألهندسة الصناعية حتى لو كان بمشاركه واحده
تركت اثر طيب للمتلقي ولاستاذنا الغالي
الذي اسس صرح وكله ثقه رغم العراقيل
بان في الوطن العربي طاقات ابداعيه وفنيه
عالية المستوى تستحق ان يكون لها بيت
يحتضن مواهبهم وابداعاتهم
والف شكر للمحاوره الجميله والتي اكتشفناها
من خلال ألهندسة الصناعية واكتشفنا ابداعها في الطرح
غاليتنا نونا
على المستوى الراقي ومشاركتها التي تزيد من
رصيدنا الثقافي والفكري
دمتي ودام ورد وكل اهله في تقدم ورقي
[/]

**dr-obgy** **dr-obgy** · 02-27-2012, 03:45 PM

[]بصى يا نونا
انا مقتنعة تماما ان الاستاذ محمد ورد ديكتاتور
واول دخولى فى المنتدى كنت متغاظة جدا منه
عشان عمل توحيد لكل الصور الرمزية فى صورة واحده
حسيت اننا كلنا لابسين يونيفورم و رايحين المدرسة,,,,هههههه
وعشان الشرط القاسى اللى لازم يلتزم بيه المشاركين فى المنتدى
اللى هو التفاعل على الاقل كل اسبوعين, لان اى حد فينا ممكن تجبره الظروف على عكس كده
و انا قولت الكلام ده فى الخيمة الرمضانية
بس الحقيقة هو ديكتاتور له كاريزما تخليكى تتقبلى منه اشياء
ممكن تكونى متضايقه منها
لانه عنده القدرة الكافيه على اقناعك بافكاره
و بعدين عنده سعة صدر و اسلوب لبق فى المناقشة
رغم انه فى الاخر بيعمل اللى فى دماغة
واللى هو اكيد من رؤيته كمسؤول عن كل كبيرة وصغيرة
و يرى بعينه الخبيرة ما لا نراه نحن
يعنى هى الدكتاتورية المحببه
و على فكرة انا عارفه هو مش هيزعل من اى حد فينا
تسلمى غاليتى نونا
تحياتى[/]

**nona** **nona** · 02-27-2012, 04:05 PM

[]وطبعا حبدأ بنفسى وربنا يستر

انا مينفعش اجامل على فكرة وبتكلم بكل صراحة
اولا بالنسبة لما يعجبنى فى المنتدى..وانا هنا اقارنه
بمنتديات اخرى ادخلها والا فكيف استطيع التقييم..؟
المهم المنتدى يضم مجموعة من الاعضاء ذوى الخبرة
والثقافة..ويهتمون بقيمة ما يرسلونه من مواضيع وهناك
كثير من المعلومات المفيدة...وفيه شخصيات لطيفة تتحب
بسرعة وتستريح لها من اول موضوع تقرأة لها...

كمان المنتدى منظم وهناك اهتمام من الاستاذ ورد
بكل صغيرة وكبيرة فيه زى متقولوا كدة
بيحافظ على صحته وبيهتم بيها اوى
وبيحاول اجراء بعض الاضافات والتحسينات دائما ...

اما لو اتكلمت على عيوبه ...بصراحة بصراحة فيه بعض القيود
زى مثلا انى مقدرش انزل اى صور بالطريقة السهلة المعتادة فى المنتديات

كمان بحس ان فى حد بيعدل ورايا احيانا من غير ماياخد رأيى...يعنى شوية
ديكتاتورية كدة عالماشى...كمان بحس ان اللغة المستخدمة متشابهة عند
الكل وهى اقرب الى الرسمية منها الى البساطة..والغريب ان الكل بيتكلم بيها
ماعدا انا ..

اما بقى حكاية الصور الرمزية اللى اتمنعت دى اتغظت منها اوى..
وحاسة انها بتأثر على علاقتى بالناس هنا الحقيقة..اقوللكوا ازاى..كل واحد
عادة بيرسم فى خياله بشكل تلقائى صور للاشخاص اللى فى المنتدى
لان اختيار اى حد لصورته الرمزية او توقيعة بيمثل جزء من شخصيتة واحنا
بناخد انطباعات متنوعة من شخصية لاخرى فى وجود الصور دى..كدة انا
حاسة ان الكل بقى شبه بعضه ...بس طبعا مهما حقول استاذ ورد ولا ح يعبرنى
ولا حيهتم بكلامى ولا حيغير رأيه عشان هو شايف ان ده هو الصح..

بس بقى سؤالى..هل تعرفوا وجهة نظره فى تغيير الصور كدة..؟

اللى يعرف ياريت يقوللى[/]

**نااانو** **نااانو** · 02-27-2012, 06:15 PM

[] الغالية نونا
احييك على الموضوع
واعطاء الفرصة لكل من يشارك فى ابداء رايه
اسمحى لى ارد على بعض النقاط

المنتدى منظم وهناك اهتمام من الاستاذ ورد
بكل صغيرة وكبيرة فيه زى متقولوا كدة
بيحافظ على صحته وبيهتم بيها اوى
وبيحاول اجراء بعض الاضافات والتحسينات دائما

وانا معك ان ده فعلا سبب تميز منتدانا
واختلافه عن بقية المنتديات

بصراحة بصراحة فيه بعض القيود
زى مثلا انى مقدرش انزل اى صور
بالطريقة السهلة المعتادة فى المنتديات

السبب ان اى مركز تحميل عند رفع الصور منه
بعد فترة تحذف منه
وبعدها نجد الموضوع بدون صور
ومنتدانا معظم مواضيعه تركز على الصور
لذلك لازم نرفع من مركز رفع يحفظ صوره ولا تحذف

كمان بحس ان فى حد بيعدل ورايا
احيانا من غير ماياخد رأيى...
يعنى شوية ديكتاتورية كدة عالماشى

الحقيقه معظمنا شارك في منتديات اخرى
قبل ان يسجل في ألهندسة الصناعية
ومعظمنا كنا مراقبات عموم في كثير من المنتديات
وكنا نعتمد على خبراتنا الشخصيه في التعامل
مع مهام اداره المشاركات والموضوعات
ولكن فى ألهندسة الصناعية الوضع يختلف تماما
فالمراقب لايصبح مراقبا الا بعد تدريبه بشكل مكثف على ادواته
ويتفهم الاهداف المأمول تحقيقها
من قيم تربويه وجماليه ونفعيه
ويتم التعديل بشكل موضوعى وللجميع
لتحقيق تكامليه بين الموضوعات المطروحه
وهدفنا المنشود فى منتديات اسريه
يسفيد منها ويستمتع بها اهلها

بحس ان اللغة المستخدمة متشابهة عند الكل
وهى اقرب الى الرسمية منها الى البساطة

الرد بهذا الشكل ليس برسمى بل هو احترام للطرف الاخر
وانا شخصيا بحس فى الردود بألفة بين الاعضاء
اعذريتى طولت عليك فى الرد
وشكرا لكِ [/]

**منى سامى** **منى سامى** · 02-27-2012, 07:27 PM

[]حبيبتى الجميلة نونا
احيك تحية من القلب
خالصة لوجه الله تعالى
موضوعك جميل ياغالية
وكنت عوزة ارد على فقرة فى ردك
لان اجابتها فى موضوع الخيمة الرمضانية
قد اجاب عنها استاذنا الغالى
فى سؤال ابننا رامى
حبيت اذكرك به

س17 الغالى رامى نور:
بالنسبة للصور الرمزية هى رمز يعبر عن كل عضو فى المنتدى
لماذا توحد جميع الرموز فى المنتدى ؟
الحرية مطلوبة حتى فى الرموز انا عن نفسى عاجبنى الصورة الموجودة حاليا
بس دا غريب عليا ولم يمر عليا من قبل؟

وكانت اجابة استاذ محمد ورد

الغالى رامى نور اتفق معك تماما في ان الصوره الرمزيه وصوره التوقيع حق اساسى لكل اهل ألهندسة الصناعية ولكن هل تعلم بان الصوره الرمزيه هى رابط مباشر للملف الشخصى لكل عضو بمعنى انه اذا كان عدد اعضاء احد المنتديات الفين عضو يكون الناتج الفين رابط ويكون مطلوب من وحده المعالجه المركزيه بالسيرفر استدعاء هذه المعلومات عندما نتصفح منتدانا وقد تبادر الى ذهنى فكره تقديم رابط واحد لوحده المعالجه يتم تخزينه فيما يعرف بالكاش ميمورى فلا يستغرق اى وقت يذكر لاستدعائه ويؤدى ذلك لتحسين سرعه اداء وحده المعالجه المركزيه فنستمتع جميعا بسرعه فتح وتحميل صفحات منتدانا فضلا عن التأثير الايجابى فى ان تصبح ارشفه منتدانا اكثر عمقا فتظهر موضوعاتنا فى النتائج الاولى لمحركات البحث مما يسهم فى تسجيل عضويات جديده يكون من بينهم رواد يتألقون في اداره ألهندسة الصناعية
واذا كان ذلك غريبا ولم يمر عليك من قبل فانا متأكد من انه غريب لانه فكر ابتكارى جديد احاول من خلاله الجمع بين قوه محتوى منتدانا وسرعه ادائه مع الحفاظ على جميع المميزات والشكل الجمالى

شكرا حبيبتى
لمجهودك وموضوعات المميزة
[/]

**هالة** **هالة** · 02-27-2012, 08:42 PM

اعتقد ان جه دوري ارد على
تساؤلاتك الغالية
نونا
تقريبا انا من اقدم مراقبي عموم
ألهندسة الصناعية
تعرضت منتديات ألهندسة الصناعية
للحذف اكثر من مرة
ليس لانها دون المستوى
ولكن لانها فوق المستوى
كثر زائريها في وقت واحد
فاصبحت حِمل على السيرفر
وفي كل مرة يُعاد فتح ابوابها
كان لابد من معرفة السبيل
الى تقديم خدمة مميزة
مع وجود الكثير من الزوار
وعدم التعرض للحذف
وكان هناك من يسهر ليدرس
كل التقنيات ويفاضل بين
المصلحة العامة للمنتديات
والمصلحة الظاهرية للاعضاء
بمعنى توحيد الصور الرمزية
دمج منتديات معا لتخفيف الحمل
وكان لابد من الحزم في اتخاذ
اي قرار يتعلق بمصلحة المنتديات
فنحن لسنا كغيرنا
ربما هي ديكتاتورية ولكنها
في الظاهر فقط وذلك للمصلحة العامة
والجميل في استاذ
محمد ورد
انه يتعامل مع كل فرد
من عائلة ألهندسة الصناعية
كأنه العضو الوحيد في العائلة
يوليه كل اهتمامه دون ان يشعر
انه ... مصدع مثلا او لم ينم
طوال الليل ليحل مشكلة ما
ربما كان ديكتاتورا احيانا
ولكنه كرب الاسرة الذي
يسهر على مصلحة
بيت العيلة

**هند** **هند** · 02-27-2012, 09:20 PM

[]نونا
و من غير رسميات زى ما بتقولى
انا شايفه ان موضوع الصوره الرمزيه
مش مهم خالص لان كل واحد فينا
شخصيته واضحه من مواضيعه وردوده
يعنى مش الصوره دى هى اللى هتقول انا مين
دا غير ان التوقيع موجود بديلا عن الصوره الرمزيه
واعتقد ان بعض الاعضاء توقيعاتهم صور شخصيه
اما الاستاذ محمد فباختصار
مش بورسعيدى لأ بورصعيدى
لكنه بالتأكيد عارف هو بيعمل ايه وبيعملوا ليه
لانه ببساطه ملم بالموضوع من كل الزوايا
اما نحن الاعضاء فافكارنا للتطوير تكون
من زاويه واحده ونجهل مدى امكانيه تنفيذها
فممكن نعرضها عليه
(بس اكيد مش هياخد بيها)
ههههههه[/]

**nona** **nona** · 02-28-2012, 06:19 AM

[]محمد ورد

وهنا يبرز دافع هام ومحرض على الديكتاتوريه
الا وهو تجاهل مقاومه التطوير بين فتره واخرى
من منطلق ان مقاومه التطوير نابعه من كثره الاعتياد
على انماط كلاسيكيه ثابته فى التعامل مع المنتديات

[/]

[]حضرتك تقصد الاعضاء يقاومون التطوير متمسكين
بالانماط الكلاسيكية..؟ ماشى بس كنت بتاخد رأيهم
اصلا فى اساليب التطوير دى وبتعرضلهم بدائل وللا
بتفرض فكرة معينة ملهاش بديل..؟ زى نظام الاستفتاءات
كدة اللى بيعملوها على رؤساء الدول الديكتاتورية....؟

ههههههههههههه[/]

**nona** **nona** · 02-28-2012, 06:23 AM

[]محمد ورد

اعتقد وبكل صراحه اننى ديكتاتورى فيما ارى فيه صالح ألهندسة الصناعية
كما ان الديكتاتوريه هنا لاتمس جوهر حريه التعبير الشخصى
بقدر الاجتهاد لتصب فى النهايه فى مصلحه محبى ألهندسة الصناعية وعشاقها
كمنتديات راقيه تستمد قوه تواجدها من اتحاد اهلها على تقديم
كل ما نشعر بانه مميز وراقى ونافع ومفيد

[/]
[]ايوة كدة اعترف..بس معلش كدة بتفترض انك الوحيد
بحكم انك صاحب الموقع يعنى..الوحيد اللى عارف مصلحة
المنتدى واعضاؤه..ودى بقى مش ديمقراطية خالص[/]

**nona** **nona** · 02-28-2012, 06:27 AM

الغاليه نونا
ليس من باب المجامله او خوف من دكتاتورنا
الطيب استاذ محمد ورد
بل ساقول رائي بكل صراحه ان كانت
الديكتاتوريه ستقودنا الى التميز والارتقاء
وتقديم ماهو افضل فمرحبا بها ان كنا
رضينا بدكتاتوريه قادتنا الى حافة الهاويه الا
نرضى بدكتاتور يرتقي بالفكر والمستوى علما

[]اهلا بنت تونس

طيب يعنى ماينفعشى تبقى الديمقراطية
والارتقاء بالفكر والمستوى يمشوا مع بعض..؟
ليه لازم ديكتاتورية فى مقابل ارتقاء..

الاتنين من حق شعب المنتدى
[/]

**امل نيازى** **امل نيازى** · 02-28-2012, 07:51 AM

[]اؤمن باستيعاب الراى الاخر واستدراك المنفعه
من اصراره على تنفيذ مايراه للصالح العام
الغاليه
نونا
اصارحك الراى لما لمسته فعلا
من ديموكتاتوريه نافعه ومفيده
للجميع
الكل يعمل بديموقراطيه وينفذ الديكتاتوريه باقتناع
ألهندسة الصناعية ملك محبيه
استاذ
محمد ورد
لانه مُعلم وقائد مسيره للخير
نستوعب قراره الفنى والتقنى لصالح منتدانا[/]

**nona** **nona** · 02-28-2012, 08:41 AM

[]dr-obgy

بصى يا نونا
انا مقتنعة تماما ان الاستاذ محمد ورد ديكتاتور
واول دخولى فى المنتدى كنت متغاظة جدا منه
عشان عمل توحيد لكل الصور الرمزية فى صورة واحده
حسيت اننا كلنا لابسين يونيفورم و رايحين المدرسة,,,,هههههه
وعشان الشرط القاسى اللى لازم يلتزم بيه المشاركين فى المنتدى
اللى هو التفاعل على الاقل كل اسبوعين,
لان اى حد فينا ممكن تجبره الظروف على عكس كده

يا قمر..وانا وحياتك مقتنعة انه ديكتاتور
بس الغريبة ان كلكوا فرحانين اوى بالديكتاتورية
دى حتى بعد الثورة...ازاى..؟
دنا عملت ثورة على جوزى شخصيا ..
وبعمل له مظاهرة انا والعيال
كل ما يحاول يفرض علينا حاجة بدون مناقشة
ويدخل اوضته يلاقينا معلقينله قايمة بالطلبات..
وانتوا بقى فرحانين اوي هنا بالديكتاتورية...
يعنى عمرى ماحقدر اعمل مظاهرة
واعترض عالاستاذ ورد فى حاجة
وكلامه حيمشى حيمشى ...متغاظة[/]

**nona** **nona** · 02-28-2012, 08:45 AM

[]نااانو

السبب ان اى مركز تحميل عند رفع الصور منه
بعد فترة تحذف منه
وبعدها نجد الموضوع بدون صور
ومنتدانا معظم مواضيعه تركز على الصور
لذلك لازم نرفع من مركز رفع يحفظ صوره ولا تحذف

[/]
[]اشمعنى يعنى مركز التحميل بتاعنا
مش بتضيع منه الصور بعد فترة..؟
مش فاهمة اى حاجة[/]

إعـــــــلان

استاذ ورد هل انت ديمقراطى

استاذ ورد هل انت ديمقراطى

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك