إعـــــــلان

**العمدة** **العمدة** · 01-24-2008, 06:26 PM

طوف و شوف

كلمات عبد الفتاح مصطفى
الحان رياض السنباطى

طوف وشوف

طوف بجنة ربنا
ببلادنا و أتفرج وشوف
ضفتين بيقولوا أهلا
و النخيل شامخ صفوف
و ابتسامة شمسنا
أجمل تحية للضيوف
و النسيم يرقص بموج النيل
على الناي و الدفوف
طوف و شوف
شوف هنا جنب المصانع
و المداخن و الزحام الغيطان
إللي أخرها المدنة و أبراج الحمام
و السواقي اللي ما نامت
ليله من كام ألف عام
شوف جمال الريف
و آمن بالمحبة و السلام
طوف و شوف
شوف اثار أجيال
ملو الدنيا حضارة و ابتكار
علموا قلب الحجر
يوصف معارك الانتصار
علموه يبقى سفير الدهر ليهم بالفخار
كان نهار الدنيا ما طلعشي
و هنا عز النهار
طوف و شوف
كل دي كانت كنوز الماضي
شوف حاضر بلادي
شوف كنوز الثورة فيها
و المواهب والأيادي
اللي بيهم سدنا يعلا
و فيض الله يزيد
يزحفوا بالميه تخلق
م العدو عالم جديد
يكشف سر الصحارى
يصهروا عزم الحديد
يوصلوا الدنيا بقنالنا
من هنا بورسعيد
طوف و شوف
الجنود اللي بيحموا
مجدنا من كل عادي
الصفوف اللي يبنوا
بعزمهم نهضة بلادي
اللي خطوتهم تبوسها
أرضنا و تقول ولادي
نادوا بالحرية قام الشعب
و أتحدى المحال
و الأمل أصبح عمل
و الخيال أصبح نضال
هي دي ثورة بلادي
اللي حققها جمال

طوف و شوف - ام كلثوم mp3

[MEAUDIO]https://ia801504.us.archive.org/31/items/ward2u_06/016.tuf_wishwf.mp3[/MEAUDIO]

يتبع

**العمدة** **العمدة** · 01-24-2008, 06:28 PM

دليلي احتار

كلمات احمد رامى
الحان رياض السنباطى

دليلي احتار

ما بين بعدك و شوقي إليك
و بين قربك و خوفي عليك
دليلي احتار و حيرني
تغيب عني و ليلي يطول
و فكري في هواك مشغول
أقول امتى أنا و أنت
حنتقابل مع الأيام
و لما القرب يجمعنا
أفكر في زمان بعدك
و أخاف يرجع يفرقنا
و أقاسي الوجه من بعدك
و بين بعدك و شوقي إليك
و بين قربك و خوفي عليك
دليلي احتار و حيرني
و يوم ما ألقاك قريب مني
و أقول البعد تاه عني
أشوف عنيك ترى عيني
و قلبي من لقاك فرحان
و أشوف بينك و بين عيني
خيال البعد و الحرمان
و أخاف لتفوت ليالينا
و أهيم في بحر أشجاني
و تتبدد أمانينا
و أقاسي البعد من ثاني
و بين بعدك و شوقي إليك
و بين قربك و خوفي عليك
دليلي احتار و حيرني
أخاف في البعد توحشني
و أخاف في القرب تتركني
قريب مني تناجيني
و طيف بعدك يخايلني
بعيد عني تناديني
و مين يقدر يوصلني
لا أنا باصبر على بعدك
لحد عنيه ما تسلم
و لا بفرح في يوم قربك
و أخلي الفرحة تتكلم
و بين بعدك و شوقي إليك
و بين قربك و خوفي عليك
دليلي احتار و حيرني
يا ريت حلم في جفوني
أنام و ألقاك و أعيش وياك
و آخر طيف أشوف أنت
يا ريتك فجر في عيوني
أنام و أصحى على فرحة
أول صورة أشوفها أنت
و بين صورتك و بين طيفك
أعيش و القلب متهني
مش أفضل كل ما أشوفك
أخاف ترجع تغيب عني
و أقول امتى أنا و أنت
حنتقابل مع الأيام

دليلي احتار - ام كلثوم mp3

[MEAUDIO]https://ia801504.us.archive.org/31/items/ward2u_06/017.dalili_iihtar.mp3[/MEAUDIO]

**العمدة** **العمدة** · 01-24-2008, 06:30 PM

اقولك ايه عن الشوق

كلمات عبد الفتاح مصطفى
الحان رياض السنباطى

اقولك ايه عن الشوق
أقولك ايه عن الشوق يا حبيبي
أقولك ايه و مين غيرك داري بي
اقول ليالي في هواك اسهر و افكر
و مهما قلت لك في القلب اكتر
شوية اني اقول لك حبيبي
يا ريت فيه اكتر من كلمة حبيبي
اقولك ايه و ايه يوصف هوايا
و انا ف قلبي كلام مالوش نهايه
دي أجمل كلمة في الدنيا حبيبي
بقولها لك و برضه مش كفاية
ما قولش مناي كان حبك
ده أكثر من اللي بتمناه
و م الفرحة و انا جنبك
باعيش في كل لحظة حياة
و قلبي نعيمة ف قربك
و انت فرحته و دنياه
و اقول لك ايه
شوية اني اقولك يا حبيبي
يا ريت فيه كلمة اكثر من حبيبي
هواك هو اللي خلى العمر غالي
و بالثانية أحسبه مش بالليالي
و أخاف أسرح تفوتني لمحه منك
و م الدنيا اللي اجمل من خيالي
هواك نسى الزمان طبعه
و خذ منه الأمان لينا و داري عننا دمعه
و خلاه ما دري بينا و نور للأمل شمعة
و طمن بيه ليالينا و اقول لك ايه
شوية اني اقولك يا حبيبي
يا ريت فيه كلمة اكتر من حبيبي
وعودك في الخيال غالية علي
و أجمل من حقيقة بين ايديه
و اصدق كل كلمة قلتهالي
و اكذب في هواك ظني و عنيه
يا ريت في كلمة أوصف بها حبك
و اقولها لك ما بين قلبي وقلبك
ما يقدرش الكلام يوصف غرامي
و لا أشواقي في بعدك و قربك
و اقولك إيه

اقولك ايه عن الشوق - ام كلثوم mp3

[MEAUDIO]https://ia801504.us.archive.org/31/items/ward2u_06/018.aqwlk_iyh_ean_alshuwq.mp3[/MEAUDIO]

**العمدة** **العمدة** · 01-30-2008, 02:00 AM

إنت عمري

كلمات احمد شفيق كامل
الحان محمد عبد الوهاب

إنت عمري

رجعوني عنيك لأيامي اللي راحوا
علموني أندم على الماضي و جراحه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
قد ايه من عمري قبلك راح وعدّى
يا حبيبي قد ايه من عمري راح
و لا شاف القلب قبلك فرحة واحدة
و لا داق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي و فكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
الليالي الحلوه و الشوق و المحبة
من زمان و القلب شايلهم عشانك
دوق معايا الحب دوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى و كفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا حبيبي تعالى و كفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا أغلى من أيامي يا أحلى من أحلامي
خدني لحنانك خدني من الوجود و ابعدني
بعيد بعيد أنا و انت بعيد بعيد وحدينا
ع الحب تصحى أيامنا ع الشوق تنام ليالينا
صالحت بيك ايامي سامحت بيك الزمن
نستني بيك آلامي و نسيت معاك الشجن
ودعوني عنيك لأيامي اللي راحوا
علموني أندم على الماضي و جراحه
اللي شفته قبل ما تشوفك عنيه
عمر ضايع يحسبوه إزاي عليّ

إنت عمري - ام كلثوم mp3

[MEAUDIO]https://ia801504.us.archive.org/31/items/ward2u_06/019.iint_eumry.mp3[/MEAUDIO]

ربنا يسهل ونكمل باقى الاغانى

**طيف** **طيف** · 02-01-2008, 02:02 AM

عظمه على عظمه يا ست

فكروني

كلمات الشاعر الباكستانى محمد اقبال
الحان رياض السنباطى

فكرونى

كلموني تاني عنك فكروني فكروني
صحوا نار الشوق في قلبي وف عيوني
رجعولي الماضي بنعيمه و غلاوته
و بحلاوته و بعذابه و بقساوته
و افتكرت فرحت وياك قد ايه
و افتكرت كمان يا روحي بعدنا ليه

بعد ما صدقت اني قدرت انسى
بعد ما قلبي قدر يسلاك و يقسى
جم بهمسه و غيروني
كانو ليه ليه بيفكروني

بعد ما اتعودت بعدك غصب عني
بعد ما نسيت الأماني و التمني
كلمتين اتقالو شالو الصبر مني
صحوا في عينيه حنينهم لابتسامك
صحو سمعي يود كلمه من كلامك

صحوا حتى الغيرة صحولي ظنوني
و ابتدى قلبي يدوبني يدوبني بآهاته
و ابتدى اليل يبقى اطول من ساعاته

و اسهر اسمع نبض قلبي بيناديك
روحي فيك مهما جرى أنا روحي فيك
تسوى ايه الدنيا و انت مش معايا
هي تبقى الدنيا دنيا الا بيك

اللي فات وياك يا روحي بعود اليه
و اللي عشته معاك رجعت أعيش عليه

كلموني تاني تاني عنك
بعد طول حرماني منك
جرحوا الجرح اللي قرب يبقى ذكرى
سهروني اعيش لبكره و بعد بكره
يا حياتي انا كلي حيره
و نار و غيره و شوق إليك

نفسي اهرب من عذابي نفسي ارتاح بين ايديك
و الخصام و انت و ليالي الاسيه كل دول
دول ما يهونوش حبك عليه
و اللي جو القلب كان في القلب هو
رحنا و اتغيرنا احنا الا هو
هو نفس الحب واكتر
هو نفس الشوق و اكتر
هو هو هو هو

يا حبيبي حياتي بعدك مستحيله
يا حبيبي الحياه ايام قليله
ليه نضيع عمرنا هجر و خصام
واحنا نقدر نخلق الدنيا الجميله
بالوداد والقرب
تجدد حياتنا بالحنان وبالحب تتبدل اهاتنا
والجاي نعيشه احلى من اللي فاتنا
القمر من فرحنا حينور اكتر
والنجوم حتبان لنا اجمل واكبر
والشجر قبل الربيع قبل الربيع حنشوفه اخضر
واللي فات ننساه .. وننسى كل اساه
يلا نلحق من الزمن ايام صفاه
الحياه من غير لقانا مش حياه
و احنا مش حنعيش يا روحي مرتين

فكروني ازاي هو انا نسيتك
انت اقرب مني ليه
يا هنايا حتى و انت بعيد عليا او معايا
تنتهي الايام
و نطوي العمر
مانا و انت حبك انت للأبد ملوش نهايه
حبك انت ملوش نهايا ملوش نهايه

فكروني - ام كلثوم mp3

[MEAUDIO]https://ia601504.us.archive.org/31/items/ward2u_06/020.fakruni.mp3[/MEAUDIO]

يتبع

**العمدة** **العمدة** · 02-05-2008, 09:32 PM

شكرا طيف على التواجد و المتابعة
و ان شاء الله نكمل باقى الاغانى
حتى يكون ارشيف كامل لاجمل الكلمات

حكم علينا الهوى

كلمات عبد الوهاب محمد
الحان بليغ حمدى

حكم علينا الهوى

حكم علينا الهوى نعشق سوا يا عين
و احنا اللي قبل الهوى شوف كنت فين و انا فين
و آه يا ليلي آه ع الوعد و المقسوم
يا ليل يا عيني آه ع الوعد و المقسوم
لا تحوشه لا و لا آه ما بين عيون و قلوب
حكم علينا الهوى نعشق سوا و ندوب
صدق اللي قال الهوى فوق الجبين مكتوب
السعد وعد يا عين و الإسم نظرة عين
و انا و انت روح مغرمة كان حظها من السما
و اتجمعوا القلبين
و آه يا سلام ع الهوى آه يا سلام سلم
خلانا من قلبنا بالفرحة نتكلم
و آه يا ليلي آه ع الوعد و المقسوم
يا ليل يا عيني آه ع الوعد و المقسوم
لا تحوشه لا و لا آه ما بين عيون و قلوب
حكم علينا الهوى نعشق سوا و ندوب
صدق اللي قال الهوى فوق الجبين مكتوب
الأوله يا أنا بنقولها تحيينا
و الثانيه آه يا هنا احضن ليالينا
و التالته آه يا هوى
سلمنا ليك أمرنا و لقينا فيك عمرنا
و أجمل أمانينا
و آه يا سلام ع الهوى ىه يا سلام سلم
خلانا من قلبنا بالفرحة نتكلم
و آه يا ليلي آه ع الوعد و المقسوم
يا ليل يا عيني آه ع الوعد و المقسوم
لا تحوشه لا و لا آه ما بين عيون و قلوب
حكم علينا الهوى نعشق سوا و ندوب
صدق اللي قال الهوى فوق الجبين مكتوب
قالوا المحبة قدر أنا قلت جمعنا
و القرب تمم لنا و إدّى الحياة معنى
خلى الليل يا حبيبي يعدي و انا وياك ف ثواني
بعدنا كان الليل و انا وحدي بيطوّل حرماني
من حبك يا روحي نور الفرح بان
و ف ضلّك يا روحي حسيت بالأمان
و الحظ ابتسم لي و ضحك لي الزمان
و آه يا سلام ع الهوى آه يا سلام سلم
خلانا من قلبنا بالفرحة نتكلم
و آه يا ليلي آه ع الوعد و المقسوم
يا ليل يا عيني آه ع الوعد و المقسوم
لا تحوشه لا و لا آه ما بين عيون و قلوب
حكم علينا الهوى نعشق سوا و ندوب
صدق اللي قال الهوى فوق الجبين مكتوب

حكم علينا الهوى - ام كلثوم mp3

[MEAUDIO]https://archive.org/download/ward2u_06/021.hakam_ealayna_alhuaa.mp3[/MEAUDIO]

**بنت تونس** **بنت تونس** · 10-30-2010, 10:09 PM

كل الشكر اخي الكريم
العمده
فمن منا لايحب شدو كوكب الشرق
ومن منا لم يتغني باجمل الكلمات
وتشده اروع الالحان
كل الشكر على الهديه الرائعه

هو صحيح الهوى غلاب

كلمات
الحان

هو صحيح الهوى غلاب

هو صحيح الهوى غلاب ما عرفش انا
و الهجر قالوا مرار و عذاب و اليوم بسنه
جاني الهوى من غير مواعيد
و كل مادا حلاوته تزيد
ما أحسبشى يوم ح ياخذني بعيد
يمني قلبي بالأفراح
و ارجع و قلبي كله جراح
إزاي يا تري ؟ أهو ده اللي جرى!
و انا ما عرفش
نظره و كنت أحسبها سلام و تمر قوام
أتاري فيها وعود و عهود و صدود و آلام
وعود لا تصدق و لا تنصان
عهود مع اللي مالوش أمان
صبر على ذله و حرمان
و بدال ما اقول حرمت خلاص
أقول يارب زدني كمان
إزاي يا تري ؟ أهوه ده اللي جرى
و انا ما عرفش
يا قلبي آه
الحب آه
أشجان و الم
و اندم و اتوب
و على المكتوب
ما يفيدشى ندم
يا ريت أنا أقدر أختار
و لا كنت اعيش بين جنة و نار
نهاري ليل و ليلي نهار
أهل الهوى وصفوا لى دواه
لقيت دواه زود في أساه
إزاي يا تري ؟
أهو ده اللي جرى!
و انا ما عرفش

هو صحيح الهوى غلاب - ام كلثوم mp3

[MEAUDIO]https://ia601504.us.archive.org/31/items/ward2u_06/022.hu_sahih.mp3[/MEAUDIO]

**منى سامى** **منى سامى** · 10-31-2010, 10:15 AM

الله عليك ياعمدة
مجموعه منتقاه من اغانى كوكب الشرق
نعشقها جميعا
وأهدى لموضوعك اغنيه انت الحب
دمت بخير

إنت الحب

كلمات : أحمد رامي
ألحان : محمد عبد الو هاب

ياما قلوب هايمه حواليك
تتمنى تسعد يوم برضاك
و انا اللى قلبى ملك ايديك
تنعم و تحرم زى هواك

الليل على طال
بين السهر و النوح
و اسمع لوم العزال
اضحك و انا المجروح

و عمرى ما اشكى من حبك
مهما غرامك لوعنى
لكن أغير م اللى يحبك
و يصون هواك أكتر مني

اول عنيه ما جت فى عنيك
عرفت طريق الشوق بيننا
و قلبى لما سألت عليك
قاللى دى نار حبك جنه

صدقت قلبى فى اللى قاله لي
لكن غرامك حيرنى
و طول بعادك سهرنى

تجرى دموعى و أنت هاجرنى
و لا ناسينى و لا فاكرني
و عمرى ما اشكى من حبك
مهما غرامك لوعنى

لكن أغير م اللى يحبك
و يصون هواك أكتر منى

أهواك فى قربك وف بعدك
و اشتاق لوصلك و ارضى جفاك
و إن غبت احافظ على عهدك
و افضل على ودى وياك

يورد على خاطرى
كل اللى بيننا اتقال
و يعيش معاك فكرى
مهما غيابك طال

واحشنى و انت قصاد عينى
و شاغلنى و انت بعيد عني

و الليالى تمر بى بين أماني و بين ظنون

و انت يا غالى على كله فى حبك يهون

و عمرى ما اشكى من حبك
مهما غرامك لوعنى

لكن أغير م اللى يحبك
و يصون هواك أكتر منى

و لما اشوف حد يحبك
يحلالى أجيب سيرتك وياه

و اعرف جرى له ايه فى حبك

و قد ايه صانه و رعاه
اسأله إن غبت عنه يا حبيبى
يشتاق اليك قدي انا
و إن جافيته يا حبيبى
يسهر الليل و يناجيك زيى انا
ألاقى قلبى أنا حبه ما جه على بال
لا عن هواك له غنى و لا يوم لغيرك مال

أنت الأمل اللي احيا بنوره
عمره ما يبعد يوم عن عينى
و انت الشوق اللى اسمع صوته
لما تغيب عنى ينادينى
و انت الحب اللى ما فيش غيره
لو يسعدنى أو يشقينى
و عمرى ما اشكى من حبك
مهما غرامك لوعنى
لكن أغير م اللى يحبك
و يصون هواك أكتر منى

إنت الحب - ام كلثوم mp3

[MEAUDIO]https://ia801504.us.archive.org/31/items/ward2u_06/023.iint_alhub.mp3[/MEAUDIO]

**admin** **admin** · 11-16-2010, 07:28 AM

يا ليلة العيد

تاريخ: 1939
كلمات: احمد رامي
الحان: رياض السنباطي
مقام: بياتي

يا ليلة العيد

يا ليلة العيد آنستينا
و جددتي الأمل فينا
هلاك هل لعنينا
فرحنا له و غينينا
و قلنا السعد حيجينا
على قدومك يا ليلة العيد
جمعت الأنس ع الخلان
و دار الكاس على الندمان
و غني الطير على الأغصان
حيي الفجر ليلة العيد
حبيبي مركبه تجري
و روحي في النسيم تسري
قولوا له يا جميل بدري
حرام النوم في ليلة العيد
يا نور العين يا غالي
يا شاغل مهجتي و بالي
تعالى اعطف على حالي
و هني القلب بليلة العيد
يا دجلة ميتك عنبر
و زرعك في الغيطان نور
يعيش هارون يعيش جعفر
و نحيلهم ليالي العيد
يا نيلنا ميتك سكر
و زرعك في الغيطان نور
تعيش يا نيل و نتهنى
و نحيي لك ليالي العيد
يا نيلنا ميتك سكر
و زرعك في الغيطان نور
يعيش فاروق و يتهنى
و نحيي لُه ليالي العيد

يا ليلة العيد - ام كلثوم mp3

[MEAUDIO]https://ia801504.us.archive.org/31/items/ward2u_06/024.ya_laylat_aleid.mp3[/MEAUDIO]

يتبع

**زهرة الكاميليا** · 11-29-2010, 08:42 PM

مادام تحب بتنكر ليه ليه ؟

سومة..أهى تغنى
أم يزغرد صوتها
بدلال..بشقاوة ..وعذوبة ؟
فى هذه الأغنية الجميلة
من مقام نهاوند
كلمات أحمد رامى
لحن محمد القصبجى
أهديها للعمدة
ولكل عشاق أم كلثوم

مادام تحب بتنكر ليه ليه ؟
دا اللى يحب يبان فى عينيه

تصد عنى وتهجرنى واكلمك تهرب منى
وان غبت يوم تسأل عنى
واعرف هواك ساعة لقاك من طول جفاك
واللى يحب يبان فى عينيه
مدام تحب بتنكر ليه
***
لو كنت عاوز تراضينى
وتصالح النوم على عينى
كنت اشتكيلك تواسينى
وتشوف عنيا راضيه الاسيه
تعطف عليا
واللى يحب يبان فى عنيه
مدام تحب بتنكر ليه
***
لكن فؤادك يهوانى
واعرف هواك من وجدانى
هو انت تقدر تسلانى
وانا بين يديك اشكى اليك
واشوف عينيك
واللى يحب يبان فى عينيه
مدام تحب بتنكر ليه

مدام تحب بتنكر ليه - ام كلثوم mp3

[MEAUDIO]https://ia801504.us.archive.org/31/items/ward2u_06/025.madam_tihb.mp3[/MEAUDIO]

**زهرة الكاميليا** · 12-08-2010, 06:10 PM

آخر ما لحن محمد القصبجى لأم كلثوم
ثم
لأسباب شتى
جفت ينابيع الألحان لسنوات طويلة
لكنه وبوفاء نادر
بقى محتضنا عوده ..
عازفا خلفها ضمن فرقتها الموسيقية .

رق الحبيب

كلمات أحمد رامى
لحن محمد القصبجى

رق الحبيب وواعدني يوم
وكان له مده غايب عني
حرمت عيني من النوم
لاجل النهار مايطمني
صعب علي أنام
أحسن أشوف في المنام
غير اللي يتمناه قلبي
سهرت أستناه
واسمع كلامي معاه
وأشوف خياله قاعد جنبي

من كترشوقي سبقت عمري
وشفت بكره والوقت بدري
وايه يفيد الزمن مع اللي عاش في الخيال
واللي في قلبه سكن أنعم عليه بالوصال
طلع عليه النهار سهران في نور الأمل
وغنت الأطيار لحن الهوي والغزل

وفضلت افكر في ميعادي
واحسب لقربه الف حساب
وكان كلامي مع اصحابي عن المحبه والأحباب
من فرحتي بدي اتكلم واقول حبيبي مواعدني
لكن أخاف ليكون بينهم مظلوم في حبه يحسدني

هجرت كل خليل لي
وفضلت عايش مع روحي
يمكن يبان شيئ في عنيه
من كتر خوفي علي روحي

ولما قرب ميعاد حبيبي ورحت أقابله
هنيت فؤادي علي نصيبي من قرب وصله
ولقيتني طايل من الدنيا كل اللي أهواه
بس اللي كان فاضل ليّه أسعد بلقاه

لما خطر ده علي فكري حير أمري
والقرب سبب تعذيبي
ولقيتني خايف علي عمري ليروح مني
من غير ما شوف حسن حبيبي

رق الحبيب - ام كلثوم mp3

[MEAUDIO]https://ia801504.us.archive.org/31/items/ward2u_06/026.raqi_alhabib.mp3[/MEAUDIO]

**زهرة الكاميليا** · 12-09-2010, 09:07 AM

بكره السفر - ام كلثوم mp3

كلمات : أحمد رامي
ألحان : زكريا أحمد
من فيلم دنانير

بكرة السفر بكرة بكرة السفر
بكرة السفر ويروق بالنا وأفرح بقربك وأتهني
وإن كنا نهجر أوطانا الحب يهدى لنا الأوطان
بكرة السفر بكرة
بكرة السفر
ياللي ملكت الروح ف ايديك طال انشغال الفكر عليك
امتي عينيا تناجي عينيك لوحدنا والدنيا أمان
بكرة السفر بكرة
بكرة السفر
ونعيش سوا والبال خالي والجو يصفي ويحلالي
وأوصفلك اللي شغل بالي وخلا عقلي عليك حيران
بكرة السفر بكرة
بكرة السفر
ياما بنيت ع الحب آمال وكنت أخاف كيد العزال
بكرة السفر ويروق البال و يسعد القلب الولهان
بكرة السفر بكرة
بكرة السفر
وأسقي هواك من كاس حبي وأسمعك الحان قلبي
وأشوف طبيب الروح جنبي والقلب متهني وفرحان
بكرة السفر بكرة
بكرة السفر

بكره السفر - ام كلثوم mp3

[MEAUDIO]https://archive.org/download/ward2u_06/027.bukrh_alsafar.mp3[/MEAUDIO]

**زهرة الكاميليا** · 12-09-2010, 07:57 PM

أهل الهوى

كلمات : بيرم التونسي
ألحان : زكريا أحمد

أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطولوك يا ليل ويقصروك يا ليل
يطولوك يا ليل من اللي بيهم
وانت يا ليل بس اللى عالم بيهم
فيهم كسير القلب والمتألم
واللي كتم شكواه ولم يتكلم
واللي قعد بعد الحبايب وحده
وبات حزين يشكي هيامه ووجده
يشكو ولا مخلوق سمع شكواهم
إلا الكواكب فى السما سمعاهم
يطولوك يا ليل بالسهد والأفكار
والشمس بعد الليل يطلع عليهم نهار
وبعد طول الويل تعود لهم ياليل
ويقصروك ياليل فى صحبه هنيه
على وتر رنان فى الصبحية
فيهم ياليل خل عطف على خله
ويقوله لحن الشوق وخله يقول له
ويقصروك ياليل على هنا وسرور
والشمس بعد الليل يطلع عليهم نور
ويسألوك ياليل امتى تعود ياليل
ناس من قلوبهم تقول ياليل
وناس على الأرغول تقول ياليل
واحنا معانا بدر طالع فى ليلة قدر
فيها حبيب القلب وافا ووفى الندر
هو يقول ياليل واحنا نقول ياليل
وكلنا بنقول ياليل أهل الهوى ياليل

اهل الهوى - ام كلثوم mp3

[MEAUDIO]https://ia801504.us.archive.org/31/items/ward2u_06/028.ahl_alhuaa.mp3[/MEAUDIO]

يتبع

**manino** **manino** · 12-11-2010, 09:43 AM

الله الله على الاختيارات الرائعة
شكون ما يحبش يسمع
ام كلثوم
تسلم ايديك اخي الفاضل
العمدة
موضوع رائع
تقبل كل الشكر والتقدير
دمت بخير

**زهرة الكاميليا** · 12-11-2010, 01:58 PM

شاعر الحب
أحمد رامى
فى الصف الأول
متابعا ومستمعا
لكوكب الشرق

ووقتها تحتار أى الضنى تختار
بعد الحبيب ولو انه يطول وانت ياقلبى كلك أمانى
ولا لقاه والصبر قليل والعمر يجرى ساعة التداني

إهداء جديد من إختياراتى
لموضوع الغالى
العمدة
ولكى الغالية مانينو
وكل عشاق سيدة الغناء العربى
أم كلثوم .

ياطول عذابى

ياطول عذابى وأشتياقى مابين بعادك والتلاقى
ياما غالبت النوم وشكيت من طول غيابك عن عينى
أقول لقلبى الوجد ده ليه مادام ح يعطف ويجينى
أصبر مع الأيام تتحقق الأحلام
وتشوف حبيب الروح جانى وجاد بقربه وهناني
ونسيت ليالى الشوق والنوح وخفت وقتى يروح منى
من غير ما أقول له ع اللى قاسيت
أيام ماكان غايب عنى
ووقتها تحتار أى الضنى تختار
بعد الحبيب ولو انه يطول وانت ياقلبى كلك أمانى
والا لقاه والصبر قليل والعمر يجرى ساعة التداني
قابلته بعد الغياب وكان سلامى عتاب
وبعد ماتملت عينى طال السكوت بينه وبينى
بدى أقول له على اللى ضنانى والعين تدله عن طول هوانى
سكت عن شكوى الهجران وحيرة القلب الولهان
وقلت أصور له هناي ساعة ماأشوفه وياى
لا قدرت أقول بعده ضنانى ولا قلت قربه هنانى
وجيت أتكلم قلبى اتألم

كلمات أحمد رامى
ألحان رياض السنباطى

إعـــــــلان

تحميل جميع اغانى ام كلثوم mp3

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك