تويت
احبابى كل احباب ألهندسة الصناعية
وعشاق مطبخى
دايما يسعدنى لقاءكم فى رمضان
فى مطبخى فى ألهندسة الصناعية
نطبخ ونحزر ونفزر ونقدم كل جميل
تشتهيه النفس والعين
والنهاردة مع اشراقة اول ايام الشهر الكريم
هقدم لكم فزورة حلوة صغيورة
مش محتاجة تفكير كتير عملاها بس عشان
تخرجنا من يومنا المشحون بابتسامه جميلة
وضحكة من القلب سليمه
ومع بعض نقول
يارب نتجمع هنا كل سنه
على الحب والخير على طول
فزورتنا مش محتاجة تفكير كبير
فزورتنا ملهاش مثيل
معمولة عمولة لعيون الغاليين
من اهل منتدانا الجميل
باسلوب سهل وبسيط
مافيهاش فايز وفايزة
ومافيهاش نجوم ونياشين
فيها بس قلوب صافية
تثبت على الحب مليون دليل
هنبدأ ونقول
كان ياما كان
كان فى زمان بياع خضار على باب شارعنا
ينده يقول بعلو الصوت قرب تعالى شوف بضاعتنا
فاكهه وخضار ملهاش مثال غير عندنا
كان كل يوم يمسك نوع من الخضروات
يتغزل فيه باجمل ابيات
من شعر ما اعرف ولا زجل
تتلم عليه كل الستات
تسمع كلامه وتقوله هات
سالته يوم عن السبب رد وقال
بيع الخضار ده اصله غيية
هديه لكل غالى وغالية
مش بس سلعه مولعه
لاء ده غنوة مدلعة
لازم نذوقها ونلمعها لعيون الحلوين
وفى اجمل شكل نقدمها للطباخين
وانستينا يانور العين
هههههههههه
سمعته يوم بينده ويقول
كلام جميل
عن نوع من انوع الخضار والفاكهه
حزر وفزر معايا هيطلع ايه؟
بيقولو عليك موجنونه وانت ست العاقلين
بيعصروكى ويصلصلوكى عمرك ماقلتى انتوا مين
الله عليك يامدوره
يامنوره خدود الحلوين
مين ده اللى يستغنى عنك
ولا يشبع من اكلك
مشروبه وسلطه و محبكه
ومع كل الخضار متسبكه
فى كل بيت نلاقيكى ملكيش بديل
وعلى شطارة ست البيت اكبر دليل
مش بس الزملكاويه مجنناهم بلونك الجميل
ياحلوه ده انتى مجننه كل الجيل
تعليق