إعـــــــلان

**نااانو** **نااانو** · 07-24-2012, 05:57 PM

وانا مابتقطعش من على سفرتى
طبق رئيسى يوميا على مسؤليتى
وكأنه طبق سلطة مع كل اكلاتى
بالتقلية بدون شهقة معرفش اعملها
لكنها برده فى النهاية
طبق ملوخية خضرة ولا اطعم من كده
تسلمى منمونتى بفزورتك اللذيذة

**منى سامى** **منى سامى** · 07-26-2012, 10:38 AM

احبابى احباب الورد وعشاقه
اشكر كل من حزر وفزر معانا الليلة دى
استمتعت بكلماتكم الجميلة
وروحكم الاحلى

هاله قلبى وروحى بعشق كلامك وردودك الجميلة
هند حبيبة قلبى بروحها الحلوة تزين مطبخ ورد
نااانو حبيبتى الجميلة طيبة قلبها تنور مطبخى

والان مع فزورة جديدة
من فوازير العم صبحى
سمعته امبارح بينادى من ورا شباكى
على نواع ماعرف من الفاكهه ولا الخضار
بيتغزل فيه وينادى عليه ويقول

اسمك من لونك موصوف للعيان
حبيبى يا مجنن كل العيال
عصير ومتفصص الكل ليك ميال
ومنك بالكيلو اللى عنده عيال شال
يزيل البرد ويرجع الصحة عال العال
حلو وحادق وبين البنين على كل لون وحال
فيتامين سى ومربتك ملهاش مثال
مستنياكوا تجبهولى فى زيارة ده على ربنا مش محال

**امل نيازى** **امل نيازى** · 07-26-2012, 10:54 AM

برتقال برتقالى واصفر
كله فيتامين فى البرد منه نكتر
تسلمى
شيفنا الجميله
منى سامى
كل فوازيك لذيذه ومفيده
فى انتظار الفزوره الجايه

**هالة** **هالة** · 07-26-2012, 11:50 AM

قشر واعصر واشرب عصير
فصص ومزمز انا واد خطير
ضد البرد
عصير ومربى
فيتاميني ياسيدي ولا المشاهير

يابرتقال اخضر وجديد
بكرة الوقفة وبعده العيد

في انتظار باقي فوازيرك
يامزينة مطبخك ولا فيش غيرك

**نااانو** **نااانو** · 07-26-2012, 11:54 AM

ياسلام على البرتقالة المدورة المدحرجة
نجبها نقشرها ونفصصها
وبالهنا ناكلها فص فص
تسلمى منمونتى على فزورتك وفيتامينها

فى انتظار صنفك الجديد

**هند** **هند** · 07-27-2012, 09:02 AM

فزوره كلها فيتامينات
وعصير ومربي وحتى القشر مش بنسيبه فحاله
بنبشره على الكيك او نعمله فواكه مسكره
منمونه الجميله
تسلمى حبيبتى
تحياتى

**منى سامى** **منى سامى** · 07-28-2012, 11:41 AM

فزورة جديدة من فوازير مطبخى العامر
وقبل ما نبدأ لازم نحى ونرحب
بحبات القلوب اللى نورونا باجمل وجود

حبيبتى مبدعة
حبيبتى هالة
حبيبتى نااانو
حبيبتى هند

فى يوم سمعت العم صبحى
بينادى ويقول
ياحلوة يا متقمعة وعلى الوحدة مدلعة
بموت فيكى ياويكة
وبغنى لك على المزيكة
بالواحدة هنقيكى ولست الحلوين ههديكى
وباللحمة الضانى ياجميلة بموت فيكى
فى الحلة ولا الطاجن الله عليكى
متسبكه ومتحبكه بشويه شطه
وباللحمة المفرومه فى الفرن محطوطه حطه
ولاهل ور الغاليين نفسى اقدمها لكم على بطه

**امل نيازى** **امل نيازى** · 07-28-2012, 12:38 PM

باضبطهاعلى النهاوند والسيكا
وياكلوها ويقولوا حلوة الويكا
(رغم انى مش باحبها)
منى الجميله
حلوة فزورتك النهارده
الف هنا لكل محبى البااميه
فى انتظارك حبيبتى
دمتِ بكل خير

**هند** **هند** · 07-28-2012, 12:55 PM

يا طعامة فزورة النهارده
بموت فيها اعصر عليها ليمون ورشه شطه
واكلها بالمعلقه
تسلم فوازيرك وباميتك يا قمر
شكرا لك

**هالة** **هالة** · 07-28-2012, 01:15 PM

اها ياحلوة يابامية ومقمعة
على كل اخواتك مدلعة
الله عليكي تسلم ايديكي
ست الحلوين
منى ياويكا
مستنية وف ايدي رغيف عيش
وفص ليمون وشوية تحابيش

في انتظار مدفع الافطار
اصل باميتي جاهزة على النار

**الفراشة الحزينة** · 07-28-2012, 06:59 PM

منمونتنا الجميلة

وشيفنا المميز

انا على فكرة عيلة وبشبط

وعايزة طاجن بامية باللحمة

خلاص انا هرتب نفسى افطر كده

بكره ان شاء الله

سلمتى لنا حبيبتى

وسلم مجهودك الرائع

وبارك الله فيكِ ياقمراية منتديات ورد

وبرضه هستنى الطاجن

**نااانو** **نااانو** · 07-29-2012, 01:06 AM

فزورتك النهاردة متقمعه ومتلمعه
مع عصرة الليمون والمعلقة
تتاكل اكل بالهنا
فى انتظار طبقى منها لانى بحبها
تسلمى ياقمرتنا يامنورة مطبخنا

**منى سامى** **منى سامى** · 07-30-2012, 11:54 AM

ياسلام لما يسعدنى ربى
باحلى صحبة تسعد قلبى

يحلو معاهم اليوم على طول
واتمنى ليهم العمر يطول
مبدعه
هند
هالة
الفراشة الجميلة
نااانو
نورتو حياتى بروعه قلوبكم الصافية

وتعالو نسمع للعم صبحى وهو بينادى
ياترى هيقولنا ايه الليلة دى

التعلب فات فات وانتى محيرة كل الستات
ياكلوكى ولا يشربوكى ولا يشبهوكى بشفايف البنات
انت حلوة فى كل حال وخاصة فى الفروت سلات
ياصغيرة ومدورة ومحطوطه على التورتات
بموت انا فيكى يا مجننه الناس حواليكى
مربى وشربات فى المحيلات بلاقيكى
وبعلو الصوت بشاور عليكى واناديكى
ولكل ست بيت شاطره انا بهديكى

**الهاديه** **الهاديه** · 07-30-2012, 12:04 PM

التوت ياتوته الحلوة
كل سنه وانتي طيبه يا احلى منى

**هالة** **هالة** · 07-30-2012, 01:22 PM

حلوة يافراولة
انا اللي بيكي اولى
بحبك مع شوية سكر
شربات وعصير ومربى
تسلمي وتسلم فراولتك
ست الحلوات
منى
كوباية كوكتيل من فضلك

إعـــــــلان

فزوره مطبخ ورد رمضان 2012

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك