إعـــــــلان

**منى سامى** **منى سامى** · 09-07-2012, 02:24 PM

حبيبتى جميلة الروح صافى
وصفة جميلة جدا جدا
هنفذها بحزافيرها هشترى الكرسى
واهدى النور واقول للولاد ماحدش يجى جانبى
واقول لجوزى عوزة اقعد لوحدى شويه
وهشغل اغنيتك الرائعه
بعد ما اربع ايديا
واغمض عنيا
واللى هيحصلى هاجى احكيهولك ياقمر
ههههههههههه
طبعا اغنية روعه للبديع محمد فوزى
كلمات ولحن وصوت

يا ساكن فى الهوا قلبى وسكن فى الديار دارى
جمالك كل يوم جنبى اسرنى وانت مش دارى
معاك بعنيه وكفايا تنور ليه دنيايا
انا بشكى اليك منك يا يا يا حبيبى

شكرا حبيبتى فى انتظار باقى اختياراتك
وماتقلقيش هخلى بالى منك دايما

ياريت اخطر فى احلامك واشاغلك واشغللك مره
يا ريت تلمحنى ايامك واعيش فيها ولو نظره
ياريت احجر على قلبك ولو تكرهنى واحبك
ياريت احجر على قلبك ولو نكرهنى واحبك
انا بشكى اليك منك ياه ياه حبيبى

**safynaz** **safynaz** · 09-07-2012, 04:38 PM

اختى الحبيبة / منى
بس اوعى تيجى تقولليلى وانت رابطة ايدك ومغمضة عين وماسكة عكاز
تصدقى ياصافى جوزى اول ماقولتلله سبنى لوحدى سابنى على طول اصله راجل جنتل
اروح انا مصدقاكى على طول ههههههههههههه ماليش دعوة
وانا واثقة انك مخلية بالك منى حاساها من اول لحظة ربنا يخليكى ليه وابقى قوليلى على اللى مش عاجبك بصراحة

**SaMaR_ BakR** **SaMaR_ BakR** · 09-08-2012, 08:16 PM

والله يا قطة هي طلبات بسيطة.. بسيطة أوى .. و فكرة روحية جميلة لكن ,,,
الزوج العزيز بصلي باستغراب و قالى: طب ما تدخلى تقعدي لوحدك و انا يعنى قلت و النبي لأ
بس مارداش يجيبلي الكرسي الهزاز وطلب
أوطي صوت الأغنية عشان الماتش
وقبل ما تقدي لوحدك اعمليلي شاي و فشار
وكل 5 دقايق تيجي تشجعي معايا
وتزعلى معايا لو اللعب كان وحش ,أظن سايبك لوحدك أهه
فا ماردتش أعترض عشان ما بقاش من ضمن اللى هايجولك
متربطين و بعكاز أنت هاتشيلي مين ولا مين
بالنسبه للولاد رفضوا رفض بات و قاطع انهم يبطلوا طلبات لمدة 5 دقايق
انا بكتبلك الرد دلوقت ومطلوب منى توم أند جيري على التليفزيون
و أيس كريم من التلاجة ودلوقت بكتبلك رد
و أنا بقلب التليفزيون و بدعي ربنا توم أند جيري يجي
أن شاء الله فيلم واحد،، و في نفس الوقت بيتنطط على حجري

المهم طولت عليكي ،، قولى طولي
أنا فتحت الأغنية و تخيلت كل اللى أنتى قلتيه- حاكم انا خيالى واسع
وأفتكرت انى كنت بحب الأغنية دى جدا و أنا صغيرة
روعة
و أقولك على أغنية حلو جدا كمان لأم كلثوم جربيها الجمعة الجاية
القلب يعشق كل جميل

فوقنا حمام الحما
عدد نجوم السما
طاير علينا يطوف
ألوف تتابع ألوف
..................
دعاني لبيته
لحد باب بيته
واما تجلالى
بالدمع ناجيته,,, بالدمع نجيته

**safynaz** **safynaz** · 09-08-2012, 11:44 PM

الجميلة سمر77
حاضر ياسمر اجرب نصيحتك ان شاء الله بس اخاف اقولك انى عملنها واستمتعت تقومى تحسدينى علشان ماعنديش العفاريت اللى عندك ولا الطفل الكبير اياه
بصى هاقولك حلوة واسكت اصلى ماعنديش حاجة اخاف عليها غير وحدتى

شكرا لك وربنا يخلى لك زوجك واولادك طب ده شويه فيشار مع اولادك وكوب شاى من ايدك لايد زوجك بالدنيا (ايه عاوزة تقوللى انا اللى بحسد)لا ابدا بسم الله ماشاء الله
انا بس بصبرك ماهو لازم اصبرك
شكرا لك

**محمد فاروق** **محمد فاروق** · 09-12-2012, 09:37 PM

اغنية جميلة فعلا محمد فوزى من الاصوات المميزة جدا
وكان عندة موهبة التلحين شكرا لاختيارك

**safynaz** **safynaz** · 09-12-2012, 09:50 PM

شكرا محمد على تذوقك الفن وتشجيعك الحمد لله انها عجبتك

**محمد فاروق** **محمد فاروق** · 09-12-2012, 09:54 PM

هى عجبيتنى بس دى قلبت عليا
القديم و الجديد يلا نعملوا ايه

**safynaz** **safynaz** · 09-12-2012, 10:05 PM

محمد مافيش قديم اتفقنا
كل يوم بنتولد من جديد

**SaMaR_ BakR** **SaMaR_ BakR** · 09-13-2012, 07:18 AM

safynaz

الجميلة سمر77

حاضر ياسمر اجرب نصيحتك ان شاء الله
بس اخاف اقولك انى عملتها واستمتعت ت
قومى تحسدينى علشان ماعنديش العفاريت
اللى عندك ولا الطفل الكبير اياه
بصى هاقولك حلوة واسكت
اصلى ماعنديش حاجة اخاف عليها غير وحدتى

شكرا لك وربنا يخلى لك زوجك واولادك
طب ده شويه فيشار مع اولادك وكوب شاى
من ايدك لايد زوجك بالدنيا
(ايه عاوزة تقوللى انا اللى بحسد)
لا ابدا بسم الله ماشاء الله
انا بس بصبرك ماهو لازم اصبرك
شكرا لك

وحدتك ايه و احنا كلنا حواليكي و مع بعض
ويارب دايما يديم المعروف ويخلينا مع بعض
انا ما قلتش انى بضايق من الطلبات يافندم
الحكاية كلها انك مش هتلاقي الوقت اللى تعرفي ترتاحى فيه
من ان يكون مطلوب منك حاجه
دلوقت حالا تعمليها لحد تاني
حتى لو كان واركي 100 حاجه تعمليها لنفسك
يعنى ان يكون وراكي فعلا انك تعملي حالا
شاي و فشار و .... أى حاجه تانية
و أنتى مثلا ماقدمكيش غير 3 ساعات
تكتبي فيهم 100 صفحة على الكمبيوتر
عشان تقدميهم الساعة 8:30 الصبح ...
حاجات لطيفة من هذا القبيل
وبعدين يا قطة الشاي و الفشار ده أقل حاجه عندنا
والله عاوزة أعزمك
عليا حبه فشار .. يجننوا
تيجي ؟؟

**safynaz** **safynaz** · 09-13-2012, 07:36 AM

samar-77
اقولك وحدة تقوليلى اعزمك على شاى وفيشار
طب ده كلام؟؟؟؟؟؟؟؟؟
فين المحشى والحمام ؟ كده برضه طب مش جاية

**SaMaR_ BakR** **SaMaR_ BakR** · 09-13-2012, 07:54 AM

ده جر رجل يا فندم تعالى أنتى بس

**safynaz** **safynaz** · 09-13-2012, 08:10 AM

ايه حكاية يا فندم اهو الى بيقولوا كده
دول بيعزموا فى الاخر على فول و طعمية

**SaMaR_ BakR** **SaMaR_ BakR** · 09-13-2012, 08:14 AM

يا خبر لو كده نبطلها يا فنـ يا قطة
عنيا ليكي فول و طعمية فى الفطار
محشي و حمام في الغذا
و الفشار فى العشا
الشاي بقه طول اليوم
لو في تعديل في المنيو
تحت أمرك يا فنـ يييه يا قطة

**safynaz** **safynaz** · 09-13-2012, 08:52 AM

ههههههههه عسل وشربات يا سمر
اشوفك بس واتعرف عليكى كفاية يا فندم

إعـــــــلان

موسيقى تلامس اوتار روحك

موسيقى تلامس اوتار روحك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك