إعـــــــلان

**نااانو** **نااانو** · 10-06-2012, 10:29 PM

بسم الله ماشاء الله
اعمالك جدا رائعة
فنانة حبيبتى
تسلم يدك
انتضر ردك ونقذك اكيد ميس
اى نقد تريدى ان تسمعيه مع هذه اللوحات الرائعة
ويسعدني اكون من المتابعين للدورة الرائعة
بل يسعدنى جدا وجودك بالكورس فنانة متميزة مثلك
نتمنى ان نرى اعمالك الجميلة

**almonalyza** **almonalyza** · 10-07-2012, 03:32 AM

صباحك مسك وورد وريحان
ميس نانو الجميلة
والله والله وحشتيني ووحشني المنتدى كله
لكن غصب عني مش باقدر اشارك كتير
وان كنت متابعكم واتحرق شوقا لعمل جديد
لهذا الفن الذي ابهرني من زمان
وكان ليكي الفضل بعد ربنا سبحانه وتعالى في اني
انفذ اول تابلوه بارز لكن لي ظروف زي ما سبق وقلت لك
تأخرني شوية قصدي شويتين وكمان كنت حابة
اعمل تابلوه طبق فاكهة ومش محصلة بوستر
ولو كنت سألتكم على البوسترات قبل ما انزل اجازة لمصر
كنت اشتريت قبل ما ارجع لكن عجبني تابلوه سمو الروح
لانه ليس فيه تفاصيل كتيرة وسهل التنفيذ وسوف اؤجل طبق الفاكهة
لحين اتقاني للعمل بشكل جيد وحتى احصل على البوستر
ارجو انك متكونيش زعلانة مني لاني متأخرة عنكم

بارك الله فيكي واسعدك
دمتي في طاعة الرحمن

**نااانو** **نااانو** · 10-07-2012, 05:56 AM

موناليزا حبيبتى
صباحك فل وياسمين
ولا يهمك حبيبتى
والله يقدرك على الظروف اللى مأخراكِ عنا
مسمحاكى ياقمر
الحمدلله ان ربنا قدرنى وقدرت اوصل لكم طريقة التنفيذ
واكون عند حسن ظنكم بى
فى انتظارك فى اى وقت تسمح لكِ الظروف بالتطبيق
ويمكن لكِ السؤال عندك على هذه البوسترات
فى المكتبات المتخصصة للأشغال الفنية
او اى جاليرى لبيع اللوحات الفنية
واذا لديكِ نسخة واحدة
يمكن تصويرها فى اى مكتب تصوير للنسخ الباقية
الوان طبعا ( مثل زيروكس )
واتمنى لك كل التوفيق
وشكرا لكِ منمن

**سمو_الروح** **سمو_الروح** · 10-08-2012, 06:30 AM

نااانو

بسم الله ماشاء الله
اعمالك جدا رائعة
فنانة حبيبتى
تسلم يدك

الله يسلمك حبوبة انت اللي فنانة واستاذة والله

انتضر ردك ونقذك اكيد ميس
اى نقد تريدى ان تسمعيه مع هذه اللوحات الرائعة

كلك ذوق اختي اسعدني كثير تعليقك

ويسعدني اكون من المتابعين للدورة الرائعة
بل يسعدنى جدا وجودك بالكورس فنانة متميزة مثلك
نتمنى ان نرى اعمالك الجميلة

ان شاء الله بحالو انزل اعمالي القديم منها والجديد عندي ولد اخذ كل وقتي
بس وربي اشتقت احط مواضيع واشارك واشوف اعمال جديدة
وسعيدة لاني اشتركت معكم لان صراحة المنتدى روعة

**كتابي** **كتابي** · 10-10-2012, 10:50 AM

انا عملت الديكوباج لكن لااعرف اعمل الخلفيه التي بها ضربات بالبروش اي الوان تستعملون للخلفيه ودمتم لنا وشاكرين لكم

**نورا المرشدى** **نورا المرشدى** · 10-14-2012, 07:17 AM

شوفى كده يانانو

قبل ما استخدم السيلكون ده
شكل تصورى للتابلوه

1

وده شكل اوضح للورده الكبيره

1

ايه ملاحظاتك

**نااانو** **نااانو** · 10-14-2012, 09:04 AM

الشكل التصورى جميل طبعا
تسم ايدك ام اسراء
لا تنسى عمل الفرع اقل من الورد
يعنى طبقتين فوق الاصلى
(( ويمكن اضافة فرع شجر طبيعى
بقطر قريب من الورقة
بعد دهانه بورنيش شفاف ))
اذا حبيتى عمل اضافة حسب رغبتك طبعا
والوردة هم الثلاث طبقات
جزء الوردة اللى اضفت لك عليها السهم
حاولى تغطيها بأول طبقة من الورق
ممكن تفردى هذه البتله بحيث تغطى الفرق اللى ظاهر
والطبقات الاعلى تنيها عادى
وحول الخرزة اللى ضايفاها للقلب اعملى ريليف
يعطى لك شكل جميل لقلب الوردة
مثل اللى نفذته فى اول تابلوه
جربى وعرفينى وفى انتظار التابلوه الجميل
تسلم يدك حبيبتى

**نورا المرشدى** **نورا المرشدى** · 10-20-2012, 09:59 AM

نانو كنت عاوزه ارشاداتك فى التابلوه ده
لان تفاصيله كتيره وعازه الورد يكون شكله حلو

وشكرا لك تعبتك معايا

**نااانو** **نااانو** · 10-20-2012, 10:24 AM

ام اسراء النشيطة
ماشاء لله عليكِ
ياترى خلصتى التابلوه الاولانى
عايزة اشوفه بعد ماخلص
وعملتى الكراكليه ولا لسة
ولا مش من حق الميس تشوف النتيجة النهائية للعمل
ربنا يوفقك ياقمر
وبخصوص الوردة البلدى
انا شرحت التكنيك بتاعها
فى صفحة 9
وبخصوص التابلوه ده انا منفذاه
لكن مش بالخطوات هنا
مصورة الوردات زوم علشان التوضيح
ارجعى لصفحة 13
ومنها ادخلى على الرابط اللى فيه هاتجدى قص الوردة
اى خطوة او اى استفسار اسألى ولا يهمك

**نورا المرشدى** **نورا المرشدى** · 10-21-2012, 07:32 AM

صباح الفل عليكى يانانو
التابلوه الاول لسه ماخلصش
جارى البحث عن الكراكليه ولم اجده الى الان فى بورسعيد
واحتمال انتظر لما اسافر القاهره
فى اجازة نص السنه
اجيب من سمير وعلى
وطبعا مش معقول اقعد من غير مااعمل اى حاجه
فقلت ادخل على التابلوه التانى لغاية ماتفرج
انا لما شوفته عند الشيمى عجبنى قوى وقلت انى شفته قبل كده

**نورا المرشدى** **نورا المرشدى** · 11-02-2012, 06:24 PM

قولى لى رايك ايه

1

صوره اقرب

1

**نااانو** **نااانو** · 11-02-2012, 07:19 PM

الله الله
ايه الجمال ده
ماشاء الله عليكِ
شغلك جميل
نفذتى الوردة بشكل صح الصح
برافو عليكِ ام اسراء
تلميذة شطورة فى كورساتى
ههههههههههههههه
الله واكبر عليكِ
سعيدة جدا ان شرحى كان ده نتيجته
ياترى اللمعه اللى على الورق ده ايه
دهنتى ايه على الطبقة الاخيرة

شوفى ياجميلة
ورق الشيمى بيكون عليه توقيعه
يمكن لك ان تخفيه بورقة شجر بافية عندك
طبقة واحدة والسيلكون هو اللى يرفعها
وتسلم ايدك ياجميل

**نورا المرشدى** **نورا المرشدى** · 11-03-2012, 07:14 AM

الله الله

على التشجيع
والكلام الجميل

اللمعه دى من انعكاس الاضاءه
يعنى عيب من التصوير
استعملت ورنيش مكتوب عليه
ورنيش للاخشاب

قابلتنى مشكله وعاوزه اعرف ازاى ماتتكررش
عند تثبيت الورد
والضغط عليه حتى يثبت فى مكانه
يخرج السيلكون وعند التخلص منه
يلتصق بالورق وباصابعى
بعد ان انتهيت من تثبيت التابلوه
اصبح كله متغطى سيلكون
وتعبنى جدا لازالته
جارى البحث عن ورقه
لاخفاء توقيع الشيمى
لاننى تخلصت من كل الورق
بمجرد الانتهاء من التابلوه
المره الجايه ساحتفظ بكل الاجزاء
المتبقيه من الصوره

**نااانو** **نااانو** · 11-03-2012, 09:08 AM

تلميذتى الجميلة
ام اسراء
طبعا تلميذتى مش انا الميس ولا ايه
هههههههههههههههههههه
شوفى ياجميلة
فى الاصل نراعى عدم اضافه سيلكون كتير
وخصوصا للمساحة الصغيرة
استخدمى اى شئ يشبه عود الشوى او خلة اسنان
عند خروج السيلكون من الانبوب
تأخذى منه بهذه الخله الجزء المطلوب
وتضفيه على ظهر الورقه
وعند اضافه الطبقات لاينصح بالضغط عليها
اولا حتى لا نلغى الارتفاع اللى السيلكون عامله
وثانيا علشان مايخرجش من الجنب
وفى حالة خروج السيلكون
سيبيه شويه لحد ماينشف وشيليه
هايكون زى طبقة بلاستيكية
ممكن فركه او شيله ه بسهوله
وبالتوفيق
وفى انتظار تطبيقات جديدة

**nada hamada** **nada hamada** · 11-13-2012, 08:55 PM

شكرا لكرم اخلاقك وسعة صدرك

إعـــــــلان

كورس نااانو المجانى لتعليم فن الديكوباج

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك