إعـــــــلان

**نااانو** **نااانو** · 10-18-2012, 09:05 AM

حبيبتى ام اسراء
انتِ متمكنة ماشاء الله
اختارى مايناسبك من الباترونات
مش هاحدد رسمة معينة
لكن بالنسبة للمبتدئين يفضل رسمة بسيطة
حتى تتمكن من مسك الابرة وعمل الحشو
ومن يختار الرسمة يعرضها وأبدأ معه
بإذن الله
وشكرا لكِ ولاهتمامك

**نورا المرشدى** **نورا المرشدى** · 10-20-2012, 09:48 AM

بعض اعمالى يارب تعجبكو
1
2

الباترون اللى اخذت منه جزء ونفذته

3

وده توزيع الالوان
4

**نورا المرشدى** **نورا المرشدى** · 10-20-2012, 01:01 PM

سرما بطريقه مختلفه
ده كردون دهبى رفيع
وبيتثبت بخيط سيرما
بنفس اللون
او بلون مختلف زى ورقة الشجر
1
وهنا بفكره مختلفة
1

**نورا المرشدى** **نورا المرشدى** · 10-20-2012, 01:02 PM

هنا استخدمت الترتر
حجمه صغير ومسطح
1
والترتر الفضى فى ورقة الشجر
1

**نااانو** **نااانو** · 10-20-2012, 02:06 PM

حبيبة قلبى سمورة
ربنا يرجعك لنا بالسلامة
وتجهزى الرسمة والخيوط
ونشتغل مع بعض احلى واجمل تابلوه
تسلمى لى حبيبتى لزيارتك الحلوة
ورايك فى الجاليرى
شكرا لكِ

**رقة ورد** **رقة ورد** · 10-20-2012, 09:39 PM

الله عليكي يانانو .. تحفة .. يسلموا ايديكي وعنيكي ..
انا كنت بقرر اوقف التريكو والكروشيه شويه واشتغل كنافاه..
بس بعد ماشفت ابداعك شكلي كدة هجازف واغير رايي..
بس ادعيلي يارب اعرف ..
تحياتي وحبي

**craig** **craig** · 10-20-2012, 11:36 PM

ماشاء الله عليكى يانانو
الله يكرمك ويجازيكى خيرا
شرحك وشغلك روعة بجد
تسلم ايدك واختياراتك

**روضة** **روضة** · 10-22-2012, 07:27 AM

ماشاء الله
بارك الله فيكِ
الغاليه
نااانو
شغلك رائع وذوقك جميل
انضم باذن الله الى صفوف تلميذاتك
فى ميزان حسناتك ان شاء الله كل ماتنفعى به
دمتِ بكل خير

**نااانو** **نااانو** · 10-22-2012, 02:05 PM

موناليزا اللذيذة
كنت اتمنى تشتغلى معنا
اكيد يطلع اجمل تابلوه من تطريزك
ممكن تروحى لمحلات بيع الخيوط
وتطلبى خيوط لامعه
والقماش ممكن ستان لكن يكون تقيل
حتى يستحمل متانة الخيط
وبالتوفيق حبيبتى

**نورا المرشدى** **نورا المرشدى** · 10-25-2012, 08:34 PM

الفنانه الجميله
نانو
كل عام وانتى واهل المنتدى الاعزاء بخير
عيد اضحى مبارك علينا اجمعين
انا اختارت التابلوه بتاعك علشان انفذه
1
رسمت الرسمه على القماش
وكنت عاوزه اعرف طريقتك فى تداخل الالوان مع بعض
وفى الشغل بالملونيه مع سيرما تكون طريقة الشغل ازاى
ولك كل الشكر

**نااانو** **نااانو** · 10-26-2012, 11:11 AM

ام اسراء
تسلم ايدك على اعمالك المعروضة

رسمت الرسمه على القماش
ياترى ايه نوع القماش اللى استخدمتيه

وكنت عاوزه اعرف طريقتك فى تداخل الالوان مع بعض
طريقتى فى الشغل
مثلا اشرح لك على ورقة الوردة
ببدأ التطريز من الخارج الى الداخل من منتصف الورقة
واقسم الورقة الى اجزاء بالخيط
ثم املئ بين المسافات بالحشو
مع مراعاه غرزة طويلة واخرى قصيرة
ارفع الابرة من اسفل القماش الى الاعلى فى وسط الورقة
واعمل خط الى منتطف الورقة
ثم اخرج الابرة من اسفل الى اعلى مرة اخرة بجانب اول غرزة
مع مراعاه عدم ترك اى مسافة بين الغرز
يعنى امشى على خط الرسمة بالضبط
وانا بشتغل بخط مائل وليس خطوط متوازية
لاعطائى شكل لفة الورقة وغرزة طويلة واللى بجانبها قصيرة
وهذا فى النصف العلوى للورقة
النصف السفلى استخدم لون مختلف
وابدا الشغل من اسفل الى وسط الورقة لتداخل الغرز بين بعضها
واوصل بالابرة بين غرزتين من اللى شغلاهم اعلى الورقة
وادخل بينهم وليس على حرف الغرزة اللى اعلى
حتى لا اعمل خط فاصل بين اللونين وانزل بالابرة
فى هذه الحالى تجدى التداخل بين اللونين واضح
وانتِ بتقرى شرحى حاولى تنظرى على الشغل
هايكون كلامى اوضح

وفى الشغل بالملونيه مع سيرما تكون طريقة الشغل ازاى
الشغل بالمولونيه مع السيرما اسلوبين
الاسلوب الاول
استخدام المولونيه فى جزء من الوردة
والجزء الاخر يكون التداخل بالسيرما
الاسلوب الثانى
ندمج فتله مولونيه مع فتلة سيرما فى نفس الابر
ونحشى بها الشغل تعطى لكِ شكل مختلف
انا اشتغلت بالاسلوبين فى نفس اللتابلوه
( راعى ان تشتغلى ب 4 فتلات سيرما )
لملئ الحشو اسرع وشكل احلى
واثناء عملك ضعى خلة اسنان واشتغلى عليها
ثم اسحبيها تعطى لك ارتفاع جميل للخيط
اتمنى يكون الشرح واضح لكِ
واى استفسار لا تتأخرى فى السؤال
جربى جزء بسيط واعرضيه حتى ارى طريقتك
ونصحح اول بأول
ولك كل الشكر

**نورا المرشدى** **نورا المرشدى** · 10-26-2012, 06:23 PM

فنانتنا الجميله
انا استخدمت قماش ستان نوعيته جيده وهوسميك يتحمل الشغل
فكره استخدام الخله فكره رائعه استفدت منها كتير
واشكرك عليها
فكره تقسيم الشغل الى اجزاء بالخيط
فعلا تساعد فى الشغل استخدمها لتعطى انحناء للشغل
ده تطبيقى
نصف الورقه مختلف عن الاخر
ايه رايك
1
استخدمت خيط dmc اشتغلت بال6 فتلات
فى حالة دمج الملونيه مع السيرما بيكون عدد الفتلات كام؟

**نااانو** **نااانو** · 10-26-2012, 11:32 PM

تسلم ايدك ام اسراء
ربنا يوفقك حبيبتى
ويارب يقدرنى واقدر اوصل لك
كل اللى اعرفه لاخراج شغلك بشكل جميل
معلش حبيبتى هاوضح لك بعض الملاحظات
حتى يكون شغلك مظبوط جدا واخر تمام

اول شئ خيط المولونيه يقسم الى قسمين
يعنى الافضل تشتغلى على 3 فتلات
سهم رقم 1
ترتيب الغرز جميلة جدا بجانب بعضها صح
مختلفة تماما عن السهم رقم 2
فى فراغات بين الغرز
الصح ان نمشى بالابرة على خط الكربون
حتى يعطى لنا شكل الغرز متلاصقة وبدون فراغات
مثل الموجودة عند 1

بالنسبة لخيط السيرما
سهم 4 التداخل جميل بين اللونين
ولكن سهم 3 فى فراغات بين التداخل
وهذا الشكل يعطى تقسيم بين المولونيه والسيرما
غير مرغوب فيه
الافضل ندخل الابرة بين غرزتين من المولونيه
بينهم وليس مقابله حتى لاتظهر فاصل بين اللونين
مثلا
خيط المولونيه طول الغرزة به 1سم
ندخل بخيط السيرما الى نصف سم
وبهذا يتم التداخل صح ولا يظهر فرق بين اللونين

ويفضل عمل الغرز بورب هايفرق كتير فى الشكل
جربى هذه الملاحظات فى ورقة اخرى
واتمنى لك التوفيق
ربنا يوفقك حبيبتى

**نورا المرشدى** **نورا المرشدى** · 10-27-2012, 09:48 AM

شكرا يانانو ان شاء هاطبق على ورقة
اوريكى النتيجه

بس كان عندى سؤال

هو اتجاه الشغل من على طرف الورقه للداخل
ولا من داخلها للطرف
1
كمان سؤال
1
انتى استخدمتى هنا للوردتين دول
لون واحد ولا دخلتى لون تانى
جزاك الله كل خير

**نااانو** **نااانو** · 10-27-2012, 10:21 AM

ام اسراء
هو اتجاه الشغل من على طرف الورقه للداخل
ولا من داخلها للطرف

انا شخصيا بشتغل الجزء العلوى من الورقة
( اللون الاخضر )
من الخارج الى الداخل حتى يظبط معى الخط الخارجى
ولما اعمل التداخل باللون التانى
( الذهبى )
بشتغل من داخل الورقة الى الخارج
لتسهيل وضع الابرة بين فتلتين من اللون الاخر

انتى استخدمتى هنا للوردتين دول
لون واحد ولا دخلتى لون تانى

استخدمت لون واحد
الودة العلوية نفذت الكاس بلون فضى
ورقات الوردة بلون نحاسى

الوردة التانية
الورقات بلون ذهبى والقلب بلون اوكسداى
بغرزة الحمصة

يمكن لكِ لضم الابرة 3 فتلات مولونيه
مع فتلتين سيرما وتشتغلى حشو الوردة بهم

ملاحظة هامة
راعى اثناء العمل يكون الخيط طوله قصير
حتى لايكلكع معكِ
يلا ياجميل منتظرة تطبيقك

إعـــــــلان

فن السيرما تابلوهات رسومات مع الشرح

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك