إعـــــــلان

**safynaz** **safynaz** · 10-18-2012, 11:03 AM

استاذ محمد ورد
شرفتنا بالزيارة
وادينى عرفت السكة لما توحشنا
سمر عندها رجل تانية احتياطى
بس اسلط عليها يوسف
واللى بيقولك:
مرسى يا اونكل ماتخافش عليا
وحياتك من قبل الثوره واحنا واخدين حقوقنا
هى بس كفايه اقول لماما (ها)
واشاور بايدى على المطبخ
طلبى يكون جاهز فى ثوانى
ورسالتك وصلت لسمر
وبتبلغك انها هاتدخل حجرة العمليات مطمنه
ان البنج مش هايخليها تغنى زى صافى
عضويتى ياعضويتى
شكرا لك كثيرا
كما تدعوا لك بان تظل معنا وحولنا دائما
فى صحبة الخير والجمال والابداعات

**safynaz** **safynaz** · 10-18-2012, 11:13 AM

حبيبة قلب صافى
منى سامى
عملت الموضوع بشكل فكاهى فقط من اجلك لانى اعلم جيدا انك سريعة التاثر بالاحداث العصيبة
وانى اصبحت اخاف عليكى كثيرا لانك رقيقة القلب ارى من على بعد دموعك التى تنهمر من اجلنا جميعا شكرا منى
ورسالتك التى احتوت على قدر من الحزن الشديد
اتركها لسمر تكتبها بنفسها
شكرا لك منى حفظ الله لك قلبك الطيب ومشاعرك الصادقة

**Mona Nour** **Mona Nour** · 10-18-2012, 04:36 PM

موضوع جميل حبيبتى صافى و سلامتك الف سلامة حبيبتى سمر

**Mona Nour** **Mona Nour** · 10-18-2012, 04:40 PM

سمر الجميلة
بلغيها يا صافي

أسأل الله ان يشفيك شفاء ليس بعده سقما

وأساله ان يأخذ بيدك
ويحرسك بعينه التى لاتنام

وأن يحفظك بعزه الذى لايضام

وأن يلطف بك وأن يلبسك ثوب
الصحه والعافيه عاجلا غير أجلا

هو ولى ذلك والقادر عليه

اسأل الله العظيم رب العرش العظيم أن يشفيك.
دعائى لك بظهر الغيب وأسأله عز وجل أن يتقبل

حفظك الله من كل سوء

**safynaz** **safynaz** · 10-18-2012, 04:57 PM

اختى منى نور
حاضر ابلغها حالا
شكرا لك كثيييييير

**امل نيازى** **امل نيازى** · 10-18-2012, 05:30 PM

ياقلب ورد الصافى
يا صافى
تواصل جميل منك حبيبتى
اطمئنى
ورديات ودوريات الحراسه تمام التمام
عيون الورد لاتنام عن الشادره والوارده
الكل هنا واحد

سلامه حبيبتنا الغاليه سموره
بالف سلامه ترجع لنا سالمه معافه
وتنور وردنا الغالى
سلامتك يا سمر الف سلامه حبيبتى

**safynaz** **safynaz** · 10-18-2012, 05:37 PM

شكرا لك يامبدعة الابداع كله
الف شكر لك اسعدتينى والله ويوصل حبيبتى لسمر حالا

**عاشق الروح** **عاشق الروح** · 10-18-2012, 06:09 PM

صافي

أولا اتمنى لسمر الشفاء العاجل و حفظها الله من كل مكروه و ترجع بالسلامة للمنتدى الغالي

ثانيا ما حدث لسمر هو امتداد ما يحدث من فوضي داخل المستشفيات و سلوكيات من جانب بعض اشباه الاطباء حيث يحمل شهادة طبيب و هو لا يعرف من الطب شيئا

ثالثا اعتقد اننا لسنا بحاجة الى ورديات حراسة من اجل عضوية سمر لان ادراة المنتدى تتفهم الظروف و الملابسات للعضوة و تقدر الظروف الصحية لسمر
و إدارة منتدى ورد تحذف العضويات المتكاسلة و اللاتي لا يدخلن للمنتدى لشهور بغير عذر
انما ظروف سمر اكيد مختلفة و نقدرها و نتمنى لها الشفاء العاجل

رابعا ارجو ان يتوصل الاطباء الى التشخيص السليم منعا لمزيد من الآلآم والاوجاع وتعود سمر سريعا لممارسة حياتها الطبيعية ان شاء الله
جعل الله آلامها في ميزان حسناتها

شكرا لكى صافي لانك كعادتك تؤكدي اهتمامك بأعضاء منتدى ورد وحرصك على الترابط بين أسرة المنتدى واعلامنا بأخبارهم

بارك الله فيكي

ودى ووردي

**safynaz** **safynaz** · 10-18-2012, 06:19 PM

شكرا لك ولمروك الكريم الطيب
وشكرا لتقديرك حبى للمنتدى
*وإدارة منتدى ورد تحذف العضويات المتكاسلة واللاتي لايدخلن للمنتدى لشهور بغير عذر *
كده برضه ؟؟؟؟؟الله يسامحك

**عاشق الروح** **عاشق الروح** · 10-18-2012, 06:35 PM

safynaz

شكرا لك ولمروك الكريم الطيب
وشكرا لتقديرك حبى للمنتدى
*وإدارة منتدى ورد تحذف العضويات المتكاسلة واللاتي لايدخلن للمنتدى لشهور بغير عذر *
كده برضه ؟؟؟؟؟الله يسامحك

على فكرة اشهد انك من انشط اعضاء منتدى ورد وربنا يسامحك على ظنك السيئ بي وعند كتابة (العضويات المتكاسلة ) لم اقصدك تماما وانما كنت استعير تعبير محمد ورد نفسه
كده برضه؟

**safynaz** **safynaz** · 10-18-2012, 06:49 PM

ظن سئ
انا بس بضحك لانك فكرتنى انى كنت منهم يوما

**السيلاوي** **السيلاوي** · 10-19-2012, 03:35 PM

ربنا يشافي ويعافي
اختنا سمر
وترجعلنا بالسلامه ان شاء الله
وكل عام والغالي يوسف بألف خير

**safynaz** **safynaz** · 10-19-2012, 03:45 PM

شكرا اخى السيلاوى وشكرا لانك التزمت بقواعد المرور حاملا معك هديتك زهورك ترسل لسمر فورا

**safynaz** **safynaz** · 10-19-2012, 04:53 PM

اعزائى الكرام
اعترف لكم بانى اخطات خطا جسيم حينما تعديت رد اختى هناء المشهورة عناد الجروح وقمت بالرد على المشاركة التاليه لها
لها كل الحق تغضب منى لكنى والله اعتبرها شريكة لى فى الموضوع فهى وسمر واحد بالنسبة لى وان كانت هناء هى صديقتى المقربه والاولى
لقد اعتبرت مشاركتها تعاون معى فى الردود ولم اكن اعلم انها تشارك مشاركة عادية مثل الاخرين ولكن تبرير خطئى لايمنع عنها حق الغضب
اسفة حبيبة قلب صافى
وسامحينى على خطا لايمكن ارتكبه فى حق المهملين فهل ارتكبه مع صديقتى عمدا

**SaMaR_ BakR** **SaMaR_ BakR** · 10-19-2012, 07:30 PM

السلام عليكم ورحمة الله وبركاته
أهل ورد الكرام
أسمحولى أرد على مشاعركم الرائعة في مشاركة واحدة
وإذا كان منتدى ورد ساعنا كلنا
وطلع أجمل مافينا
شاركنا في أوقاتنا السعيدة وشارك في صنعها أحيانا
وطبطب علينا في الشدائد
فأكيد مشاركة واحدة أحاول فيها أوفي حق كل حبايبى من أعضاء ورد
هاتراضيكم ,,, وتراضيني

أولا شكرا لصفية لإهتمامها بالسؤال عليا طول الوقت ومتابعة الحالة
عنوان الموضوع والموضوع نفسة مضحك جدا
وده شئ أسعدني
اللى يعرفني يعرف أنى ما بحبش أعيش في دور النكد الفظيع
بالعكس انا بحب أغلف دايما أى مصاعب بضحكة حتى لو بسيطة
لكن أسمحولى بس اصحح
مافيش تشخيص مش سليم ولا حاجه
ههههههههههههههههههههه
الحكاية كلها أن الدكتور كانت عينه واجعاه
هههههه
الأشعة كانت لنفس الرجل المصابة لكن بعد الخلع وبعد الرد
لكن عنين الدكتور شافتها أنها للرجل اليمين والشمال
وأنا على حد علمى يوم الحادث
ماعملتش اى أشاعه على الرجل الشمال
وهو مصر أن الأشعة للرجل المكسورة هى دى الشمال عشان مافيهاش جبيرة
وأنا أصريت
ان لما رحتله وانا مكسورة ما كنتش لسه عاملة جبيرة
هههههههه
المهم في الآخر
قلناله حاجه في منتهى قله الذوق والضحك الفظيع
قلناله طيب ممكن يا دكتور نعرض الأشعة على دكتور
هههههههههههههههههههه
هو طبعا ا خدش باله
بس أحنا خدنا بالنا وما قدرناش نبطل ضحك

ماعلينا ,,,أنا بس حبيت بس اطمنكوا ان ان ماشيه على طريق العلاج السليم
والحمدلله أنى اتعرضت على أكتر من دكتور
ثانيا : أحب أريح وردية الحراسة
ومحامية المنتدى ربنا يخليهالنا يارب صفية أم قلب صافي
أنا مطمنة على العضوية في وجودكم كلكم
ومن غير وردية حراسة ولا حاجه
أنا متوصي عليا في ورد
واسطة يعنى
ههههههههههههههههههه

أخى محمد فاروق
بارك الله فيك
ويارب يديم الود دايما بين حضرتك وكل أخواتك من اعضاء ورد
وتسلم على حديث عيادة المريض

حبيبتى هناء
صوتك أسعدنى بنفس ما اسعدتنى مشاركتك ودعائك
ومن ساعة ما سمعت صوتك وأنا حسيت أننا نعرف بعض من زمان
ربنا يصبر قلبك ،، ويعوضك يا حبيبتى
تسلمى على دعائك وهديتك
بارك الله فيكي

استاذتنا نانو
بارك الله فيكي وفي طلتك الجميلة السعيده المتفائلة على الموضوع
اسعدنى ردك ودعائك
وانا معاكي في منع الزيت من المطبخ ومطابخ العمارة كلها كمان
هههههههههههههههههههههه

فاتن القمر
معاكي حق
لازم تضحكى
وربنا يجعل ايامك كلها ضحك ,,, وبطيخ صيفي
هههههههههههههههههه

حبيبتى لولو (هالة ) القمر
أسعدتيني لما كلمتيني
وفعلا احترت أناديكي ايه
أقولك يا لولو ولا يا أستاذة ولا يا أبله
هههههههههههههههههههه
وأنا فعلا قلت كل الألقاب دي في ذات نفس المكالمة
كنت محرجة منك جدا
لكن فرحت جدا بمكالمتك
وكمان ريحتيني لما حكتيلى العملية هاتتعمل إزاى
وربنا يخليكي على الدفاع عن العضوية يا مراقب العموم النشيط
وسلامتك
وشفاك الله وعفاكي

علا الإسلام
ربنا يجعلك النصيب الأكبر من أسمك
أشكرك على دعائك
بارك الله فيكي

أستاذنا محمد ورد
والله زادت معزتك لما أفتكرت حبيبي يوسف وقلتله كل سنة وانت طيب
أن متحيزة ليوسف جدا جدا
وآخده صفه حتى لو هددنى ببحر من الزيت
ههههههههههههههههه
منمن الغالية
اللى بردة معزتها زادت في قلبي
من ساعة ما جبتى سيرة يوسف بس
هههههههههههههه
تحيز فظيع
تسلمى يسلم دعائك
وأيديكي وعنيكي وبندقيتك
ههههههههه
ويكفينى للساعة 11 لكن مش حراسة
دعاء
بارك الله فيكي

منى نور
طال غيابك عن موضوعاتنا
لكن اسعدنى جدا دعائك
ووجودك في أى موضوع لينا يشرفنا طبعا
أشكرك على حديث الرسول عليه الصلاة والسلام
تسلمى

مبدعة ورد حبيبتنا
تسلمى وبارك الله فيكي
وشكرا جدا على الكارت

عاشق الروح
أخونا ,,,, بارك الله فيك ، تسلم على أمنياتك لى بالشفاء
وعلى خوفك على كل الأخوة من أخطاء الأطباء الغير مقبوله
والتى تحدث يوميا
وربنا يعافينا كلنا ويكتبلنا الخير
وشكرا على دعمك ومشاركتك

أخى السيلاوي
أشكرك على دعائك
وعلى الوردة الرائعة
اللى فكرتنى حالا
أن الحلو في العملية دي أن بعدها هايجيلي ورد ورد ورد
من اللى أنا بحبه
هههههههههههههههههههههه
وبارك الله فيك
وتسلم على دعائك ليوسف طبعا
وكل اللى يدعي للغالى يصبح عندي غالى
هههههههههههه

"]تسلموا جميعا على مشاركتكم ودعائكم الدافئ الحنون
اللى حسسنى فعلا
أنى في حضن اهلى وأخواتي
بارك الله فيكم جميعا
وأسألكم الدعاء يوم الأتنين إنشاءلله
تسلمولى
وإلى لقاء

إعـــــــلان

وردية حراسة على ألهندسة الصناعية عضوية سمر77 فى خطر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع تهمك