لما كنا صغيرين
كانت الحالة الوحيده اللى نسمع فيها الكلام
ماتعيطوش ماتجروش ماتزنوش ماتتخانقوش
هو يوم العيد علشان يخرجونا كمان تانى يوم العيد


لما كنا صغيرين
الحالة الوحيدة اللى كنا نرضى نشرب اللبن كله
لاخر نقطة فى الكوب هو صباح يوم العيد
علشان كنا عارفين انهم مش عاوزينا نشربها
فى اليوم ده بالذات علشان مايخرجوناش


لما كنا صغيرين
الحالة الوحيدة اللى كنا نرضى ندى لعبنا
لبعض ولاولاد الجيران هو يوم العيد


لما كنا صغيرين
الحالة الوحيدة اللى كنا مانوسخش هدومنا فيها
واحنا بنلعب هو لبس العيد


لما كنا صغيرين
الحالة الوحيدة اللى كنا نحب نسافر بها فى القطر
هو يوم العيد

لما كنا صغيرين
اللى كنا نوافق نسيب التلفزيون يشتغل
على حاجة تانية غير الكرتون
هو يوم العيد


لما كنا صغيرين
الحالة الوحيدةاللى كنا فيها ياقاتل يامقتول
اننا لازم نروح الكوافير
مش مهم هانعمل ايه بس نروح زى الكبار
هو يوم العيد


لما كنا صغيرين
الحالة الوحيدة اللى كنا نسمح لحد ينام جمبنا
كان ملابس العيد والجزمة تبات جوه حضننا
وكرتونة الجزمة هى بس اللى نوسع لها مكان
علشان تنام مستريحة جمبنا


لما كنا صغيرين
الحالة الوحيدة اللى كنا نحب نمد ايدنا للبقال
علشان ياخد مننا الفلوس الجديدة
من غير مانقوله عاوزين نشترى ايه
المهم نستعرض بها عضلاتنا
زى الاطفال الاخرين هو يوم العيد


لما كنا صغيرين
هى الحالة الوحيدة
اللى كنا نحب الحديقة تبقى زحمة
والاتوبيس النهرى عليه سباق
هو يوم العيد


لما كنا صغيرين...... الله ياصافى مانتى كاتباها صح اهو
امال فى العنوان مالك ؟؟؟؟؟؟

ابدا بس لزوم الارشفة لازم اربعة كلمات للعنوان
ماعنديش كلمة رابعة

لما كنا صوغيرين كنا ومازلنا نحب الشقاوة

الغاليه صافى صباحك عيد

ايه فايده عنوان الموضوع يا استاذ محمد ؟

الفايده بسيطه خالص بالضبط زى عنوان بيتنا .. ينفع نعطيه لحد غلط ؟؟ طبعا لا
مثلا حبيت اكتب عنوان الموتوسيكل اسرع من الدراجه
وكتبته كده الموتى سيكل اسرع من الدراجه
لما غيرى يعمل بحث عن معلومات عن الموتوسيكل مش ممكن يوصل لموضوعى ابدا
لكن اللي يقدر يوصل لموضوعى اللي يكتب بس .. الموتى سوف يعودون !!!!

يا جماعه لازم اعتبر نفسي اللي هدور على الموضوع ممكن اكتب ايه يوصلنى


طب ايه لازمه ان العنوان يكون 4 كلمات مش اقل ؟

لسبب بسيط خالص لان شيخ الحاره عم جوجل اللي الناس هتسأله
عن عنوان بيتنا قال ان 4 كلمات واضحه وما تتوهش
يا اما بقى انتم حرين مش هرد ابدا على اللي بيسألنى
و هقوله العنوان ده ناقص
او هتوه لكم كل اللي بيدور عليكم
وانتم كده الخاسرانين .. ده كلام عم جوجل

.. تصور لما ادلك على عنوان بيتى فى بورسعيد
واقول عنوان بيتى ما يتوهش ابدا
انزل بس انت بورسعيد
واسأل عن الشارع الواسع اللي فيه عربيات كتير
انا بقى ساكن فى اخر دور فى العماره اللي على ناصيته ...
هااا طبعا وصفه سهله

يا جماعه انا مش عارف اشارك خالص
عشان مش عارف ارفع الصور للمنتدى

طيب بسيطه نتعلم سوا ازاى نرفع صور موضوعاتنا
و كمان من مراكز رفع عالميه عشان جربنا مراكز النصب العربيه
اللي بيحذفوا الصور بعد فتره و موضوعاتنا بتبوظ
لانها ببساطه مراكز نصب مش رفع

يعني ينفع انسخ صور من مواقع تانيه

امال اتعلمنا نرفع صور ليه من مراكز رفع عالميه
كبيره و محترمه و بتحافظ على صور موضوعاتنا ؟؟؟

يعنى لما نكون لسه مش عارفين نرفع صور عادى
نضطر ننسخ من مواقع تانيه .. لكن
طالما اتعلمنا يبقى لازم نطور منتدانا بنفسنا
و مانحطش فيه روابط الا لمراكز رفع كبيره و مهمه

زى مراكز ايه يعنى

زى فوتو جوجل مثلا .. لانه من جوجل مباشره وترتيب جوجل على العالم 1

اهاا طيب والعمل ايه الوقت فى صور الموضوع
اللي كلها من مواقع تانيه ؟؟

ولا يهمك باذن الله مش هيفوت اسبوع
الا وكل الصور اللي فى الموضوع مرفوعه تانى
من مراكز رفع كبيره ومهمه

ياااه بس دى صور كتير ...!!!

عادى ولو الف صوره
بس المهم تكون صور حجمها مناسب وواضحه ونقيه
والباقى علينا .. ويا سلام لو الصوره سبق رفعها فى منتدانا
عليها اسم منتدانا يبقى كده ننسخها من عندنا ونريح نفسنا
وربنا مايحرمنا منك ومن موضوعاتك الجميله

شكرا لك

صباحكم أعياد ومسرات
صباحك أسعد يا صفصف
ليه ؟؟؟؟
عشان انا معاكِ
هههههههههه



صديقتى وحبيبتى
لما كنا صغيرين
تصدقى رجعتى لى ذكريات
وما أجملها من ذكريات
وشكله نفس المراسيم
عند كل الاطفال
وقال ايه
امى كانت تضحك على
وتقول كل اولاد العالم هادئين
الا هناء ؟؟؟؟؟
معقول انا



مستحيل ده انا بريئه وقموره
وحبوبه وما فى مثلى بالدنيا
هههههههههههه



وعلى فكره انا لحد اليوم بأعشق
العيديه وباصمم عليها
عايزه عيديه



يا عسى أيام الجميع تكون كلها أعياد ومسرات

استاذ محمد
كل سنه وانت طيب ربنا يعينك على شقاوتنا
والله كنت حاسة انك ماسك نفسك من الغضب
وانت بترد عليا .. هههههههههه معلشى بقة
موضوع شقاوة سماح علشان العيد
بكملت الشقاوة انا هاستخبى منك خالص الايام دى
بس اقولك والله البحث عن كلمة رابعة
ده شئ بالنسبة لى سيئ
لانه بيبعدنى عن المعنى اللى اقصده
بس خلاص هاعمل ايه
تمام يافندم علم وسينفذ

هناء حبيبة قلبى ايه الشقاوة دى كلها
طب ده اضافتك حلت الموضوع جدا
كل سنه وانتى طيبة ياجميلة الجميلات
يارب دايما يسعد ايامك
ويحلى لك كل ايامك
يارب امين

موضوع جميل يا صافى
رجعتينا للطفوله والاعياد
لما كنا صغيرين كانت ايام حلوة
برغم بساطتها بس كانت الفرحة فيها
كبيرة اوى فى كل حاجة فى الاعياد
فى النجاح فى حضن الاب
فى العيدية حتى لو كانت من فئة العشر قروش .
شكرا لك ولموضوعك الذى اسعدنا

شكرا محمد يارب يسعد اوقاتك على طول

ولسه بنحب الشقاوه
اجمل شقاوه من قلب
الجميله
صافى
موضوع جميل وآخر شقاوه
سعيده جدا بموضوعك الرائع
واكثر سعاده لسعادتك بحبيبتك وحبيبتنا
الغاليه
هناء
يارب يبارك ويديم محبه اهل ورد بكل الود والخير

صافي

لما كنا صغيرين


لما كنا صوغيرين كنا ومازلنا نحب الشقاوة

فعلا أجمل أيام العمر لما كنا صغيرين

ذكريات وحكايات كنا نسيناها وعشناها من خلال موضوعك المميز كعادتك

( كنا نسمح لحد ينام جمبنا ) على فكرة صافي اقولك على سر
انا باجمع الاخطاء الاملائية من الموضوعات علشان اعمل منها موضوع
الحقي صححي كلمة ( جمبنا ) علشان ماتدخلي فى الموضوع واغششك الصح ( جنبنا ) فاكرة اغنية ( فاتت جنبنا ) لحليم؟

موضوع شقي ومميز كعادة موضوعاتك

تقبلي تحياتي ودمتي بخير


الصورة دى من موضوع هناء استعرتها

صافى
موضوع جميل وآخر شقاوه
سعيده جدا بموضوعك الرائع
واكثر سعاده لسعادتك بحبيبتك وحبيبتنا
الغاليه
هناء
يارب يبارك ويديم محبه اهل ورد بكل الود والخير


اختى مبدعة طلعتك زى العيد بالظبط
وكلامك دايما احسه خارج منك عن اقتناع
مدام قلتى الموضوع جميل يبقى جميل
وانا سعيدة جدا لانى احسك لاتقولى الا ماتقتنعى به
شكرا لك ياجميلة

ربنا فعلا يخلينا كلنا لبعض

اخى عاشق الروح
كنا نسمح لحد ينام جمبنا ) على فكرة صافي اقولك على سر
انا باجمع الاخطاء الاملائية من الموضوعات علشان اعمل منها موضوع
الحقي صححي كلمة ( جمبنا ) علشان ماتدخلي فى الموضوع واغششك الصح ( جنبنا ) فاكرة اغنية ( فاتت جنبنا ) لحليم؟


طيب بلاش الموضوع ده مانتا شايف اللى حصل فيه
وبعدين عبد الحليم غناها بالنون مرة وبالميم مرة بس الملايين ولحد النهاردة بيغنوها بالميم يبقى مين يكسب عمرك سمعت حد بيدندن يقول فاتت جنبنا شكرا كتييير على اعجابك بموضوعاتى ربنا يخليك ومايحرمنى من مرورك ابدا

صافي

وبعدين عبد الحليم غناها بالنون بس

شفتى ان الاغنية اصلا بالنون؟

يبقي نمشي على الأصول ونغنى زى عبد الحليم حافظ اللى بموت فيه وحافظ اغانيه

وبعدين حتلاقي موضوعي شامل لآخطاء املائية كتير من موضوعات مشاهير الكتاب ههههههههههه

وليه دش محمد ورد دلوقتي مع ان الجو بدا يبرد؟

دمتي بخير وتابعي مشاركاتك

خلاص بقة انا كتبت دش ورجعت مسحتها بصراحة استاهله