-
-
هههههههههههههه
ايه التدبسة الحلوة دى ياصافى
كل سنه وانتى طيبة حبيبتى
فى كل لحظة وكل دقيقة
مش لازم فى يوم معين
المفروض نحتفل بعيد الحب كل ايام السنه
نحسس الناس القريبين من قلوبنا اد ايه بنحبهم
بكلمه حلوة ومشاعر صادقه
قلوبنا ياصافى بتخيلها غرفة شيك جدا نستضيف فيها
من نشعر تجاههم بمشاعر الحب ويسكنونا
منهم من يرحلو دون الشعور برحيلم
ومنهم من يتربعون على عرش القلب
يسبحون مع الكرات الحمراء بدمائه متعلقين بشراينه
يبعثو الينا باكسجين الحياة كل لحظة
هؤلاء هم مالكى قلوبنا
تذكرت الان كلمه غالية علي
عندما سألت عن معنى فن الحياة فكانت الاجابة
(ان فن الحياة ان تزرع نفسك فى قلوب الناس
حتى اذا فنيا الجسد نحيا فى قلوب محبينا)
بذكرى حلوة وكلمه جميلة من القلب طالعة
رسالتى الى كل البشر
حبو بعض وحبو انفسكم
الحياة دقائق معدوده والخلود لله عز وجل
لن يبقى منا سوى سيرة اما حسنه ويترحم علينا من نتركهم
واما سيئة لا تجوز علينا الرحمه(اعوذ بالله)
وانا عن نفسى يشهد الله انى احب كل الناس
والذى اطمع ان يحبنى وحبه هو كل ما اتمنى
هو ربى سبحانه وتعالى
لانه لو احبنى حبب فى جميع خلقه
كما يقول الحديث القدسى
عن أبي هريرة ـ رضي الله عنه قال رسول الله
صلى الله عليه وسلم:
"ان الله إذا أحب عبداً دعا له جبريل، عليه السلام، فقال:
إني أحب فلانا فأحبه، قال: فيحبه جبريل،
ثم ينادي في السماء فيقول: إن الله يحب فلانا فأحبوه،
فيحبه أهل السماء، قال: ثم يوضع له القبول في الأرض،
وإذا أبغض الله عبداً، دعا جبريل، فيقول: إني أبغض فلانا فأبغضه،
فيبغضه جبريل، ثم ينادي في أهل السماء: إن الله يبغض فلاناً، فأبغضوه،
قال: فيبغضونه، ثم توضع له البغضاء في الأرض"
كنت زمان فاكرة الحب نظرة وابتسامه فلقاء
هههههههههه
ولكن مع مرور الوقت تيقنت ان الحب
اشمل واكبر من ذلك بكتير
وعشان اكون رومانسية شوية
هاهديكم اغنية بمناسبة عيد الحب
طالما المايك معى بقى اعمل اللى انا عوزاه
يارب تعجبكم لكل احبابى فى كل مكان
هقولهم مع فايزة احمد
حبو تبقى الدنيا دنيا
مافيش في الدنيا حاجة تقدر تبعدني عنك
لا الناس و لا انت حتى تقدر تحرمني منك
لقيتك فين .... و قال لك مين ........... تخليني من العاشقين
و كنا اتنين .... بعاد تايهين...... و دبنا ازاي في غمضة عين
و انا اللي زمان ما كنت باخاف ولا باشتاق
ولا فكرت مرة في لوم ولا فراق
لقيتني ازاي في لحظة بقيت من العشاق
وبأحبك يا حبيبي معايا ومش معايا
بأحبك ياللي حبي ملوش معاك نهاية
والحب بان عليا ... يا حبيبي بان عليا ... يا حياتي بان عليا
خلاني أشوف بعنيا يا حبيبي اللي ما شفتوش سنين
غيرني يا حبيبي ..دخلني في دنيا تانية
نساني كنت مين
انا كنت مين و فين .. قبل ما أشوفك و اقابلك
وازاي عدت السنين .. ازاي يا حبيبي قبلك
اول مرة اتقابلنا عرفت اني هاحبك
اخر مرة اتقابلنا اكتر مرة باحبك
شوف عنيا
تلاقي صورتك في عنيا .. يا عنيا يا عنيا
ياللي حبك من زمان مكتوب عليا .. يا عنيا يا عنيا
و بأحبك يا حبيبي معايا و مش معايا
بأحبك ياللي حبي ملوش معاك نهاية
يا واخدني معاك ... على فين ما تقول لي ...
و اكتر من كده ايه
خليتني أدوب .... وياك على طول .......
في حنان ما اقدرش عليه
بأحبك أه باحبك
خليتني أحب الدنيا و أحب الناس حواليا
خليتني احب حياتي و اعيش للفرحة الجاية
ياللي واحشني و بتوحشني و انا حتى معاك
ياريت دايما تبقى فاكرني و انا مش وياك
يا مشتاقين للحب حبوا زينا
اعشقوا اكتر و اكتر ادنا
حبوا تبقى الدنيا دنيا و تعشقوا الليل و القمر
حبوا تبقوا حاجة تانية و تسهروا احلى سهر
اه يا حب و دعوة من قلبي اللي حب
امانة ما تفرقش أبدا عاشقين
اللي غايب هاته تاني .. و اللي
خاصم صالحه تاني
عاللي فايته من سنين
اللي حيران طمنه .. واللي قاسي حننه
واللي غيران هدي قلبه بكلمتين
يبقوا كل الناس حبايب ..
والهوى في الدنيا دايب
واعشقوا يا مشتاقين
وبأحبك يا حبيبي معايا و مش معايا
بأحبك ياللي حبي ملوش معاك نهاية -
الله منمن حبيبة قلبي
يا اروع واجمل احساس
ربي ما يحرمنا مشاعرك
الرائعه وطيبتك وكل عيد وانت بحب
تسلمي غاليتي صافيناز دمتي بخيرتعليق
-
منى سامى:-
طبعا ماكنش ممكن اديلك الميكرفون وده معناه قدام الناس انك جوه قلبى وكمان اروح اول ماتغنى على المسرح اروح مصفقة
كان لازم الاول على الاقل واحد غريب عنى خالص يقول انك فنانة كويسة
واهو ربنا عدلها من عنده حد مايعرفنيش خالص زى بنت تونس قال انك مبدعة
اما انا دلوقتى اقدر اقدم الفنانه بتاعتى بعد حكم الجمهور
شوفوا فنانتى قالت ايه:
قلوبنا ياصافى بتخيلها غرفة شيك جدا نستضيف فيها
فى تعبير احسن من كده فى الدنيا
وانت يامنى قلبك شيك لما دخلت المنتدى جديد استقبلتنى هالة كنت بحس بالوحدة الشديده لو يوم ماعدتش عليا لحد مالقيتك رحتى لقطانى جوه حضنك مخليه بالك منى من غير ماعرف ورحتى فى يوم قلتى لى وانا زعلانى اوى من بعد هالة وحاسة انى غريبة على المنتدى وبمنتهى الهمس ومن غير مااسال
(على فكرة هالة مسافرة) استريحت جدا يومها وبقيتى جوه عينى وقلبى
من بعدها رجعت هالة لقتنى ماسكة فى ديل عبايتك منين ماتروحى ماسبهوش ابدااااااااااااا
منهم من يرحلو دون الشعور برحيلم
ومنهم من يتربعون على عرش القلب
يسبحون مع الكرات الحمراء بدمائه متعلقين بشراينه
يبعثو الينا باكسجين الحياة كل لحظة
ايه ده يامنى كل ده وصف طب ده يوسف السباعى ماعرفش يقول كده
فى الاخر حبيبتى كنت عاوزة اقولك بشكل اسبيشيال كل سنة وانت طيبة فى عيد الحب تعودت ان اقول عندما احب........انا احب
لكن لما اكره وده نادر جدا اقول بمنتهى الادب انا مابحبكش زى ماقلتها لواحد من المديرين المنافقين مشى يكلم نفسه بعدها مش مصدق والاخر مات ..... بعد مامات سامحته بس ماردتش اقول الله يرحمه
انا احب منى سامى وانتظروا مفاجاتى مع شخص اخر احبه على المنتدى اول حرف من اسمه؟؟؟؟؟؟؟؟؟؟
اما اغنيتك ده اول مره اشوفها هابحث عنها اشوف كلمات مين
بجد حلوةتعليق
-
صافي
مفيش حاجه اسمها عيد الحب
لان الحب احتياج طبيعي لكل الايام
وانا اقول ان الحياة هى الحب
والحب هو الحياة
حب الانسان لاخية الانسان
ومنى سامي اخدت الميكروفون وعملت اللازم وقالت كل الكلام اللى يحمل كل المشاعر الجميلة
ولا كلام يضاف الى كلام منى سامي
ربنا يجمعنا دايما على الحب والخير
شكرا لموضوعك بمناسة عيد الحب
وكل حب والكل بيحب بعضه
دمتي بخير
تعليق
-
حب الانسان لاخية الانسان
اخى عاشق الروح من اكثر من 1400 سنة الرسول عليه الصلاة والسلام قاللنا الكلام دهو ومن قبله المسيح عليه السلام وكل الاديان
ولان ده كلام لكل يوم فالناس اعتادته
تعود المصرى ان يفرح نفسه بالاعياد حتى يتذكروا معنى يجب حدوثه كل يوم لكى يفعلوه يوما واحد
لاارى شئ فى ابتكار مناسبات تذكرنا ولو ليوم واحد بالمعانى الحلوة
شكرا لكلامك الطيب من رجل ينادى بان يكون الحب كل يوم وليس يوم واحد لكن هانعمل ايه اهواحسن من مافيش
تعليق
تويت
تعليق